لسه بايع الأسبرانزا A113 حالا

**eng_mkhalaf** · 29-01-2008 10:39 AM

ويا ريت ترجع ورا شوية كدة لكلام وتقييم استاذ وائل عطية وهو من قدامى الاعضاء وصديق عزيز واخبار العربية الاسبيرانزا ايه معاه بعد ما قعدت سنة وغيرة وغير

تمام يا كريم لازم يحس بفرق كبير بس شوف هو دفع كام الأول ودفع كام فى التانية لازم طبعا يحس بفرق بس السؤال هل الفرق الكبير دة فى الفلوس هيقابلة فرق كبير فى الأداء ممكاثل ولا لاة

**Karim_Monir** · 29-01-2008 11:31 AM

اعتقد هو اكتر واحد يقدر يفيدنا فيه بس ما شاء الله ماتحاولش تقارن الاولى(516) ب التانية(فورد فوكاس 2003 موتور زيتيك الماني)

**أبو عبدالله** · 29-01-2008 02:18 PM

أرسل أصلا بواسطة koki

انا من ملاكى السيارة دى مش عارف لية كل الهجوم عليها بالشكل دة اى سيارة حتى لو زيرو ممكن تلاقى فيها عيوب وبتبقى عيوب اسف فى التعبير عيوب عبيطة زى مثلا العفشة الى الاخ بيتكلم عليها اكيد هتلاقى عيب تانى وتالت ورابع هى مش عربية مرسيدس او جاجوار بس كيفية التعامل مع المشكلة دة اهم على فكرة فى واحد صحبى اشترى فيرنا على الزيرو ولقى فى مشكلة فى الموتور هل معنى كدة انا كل الفيرنا وحشة لا طبعا
عموما دة راى الى حبيت اوضحة بجد لان السيارة معايا الحمد لله زى الفل
معلش طولت عليكم
السلام عليكم

طيب انا هسأل سؤال وياريت تجاوبني عليه
لو العيوب دي عيوب عبيطه
امال العيوب اللي مش عبيطه تبقى ايه علشان انا مش عارفها بصراحه ؟؟؟؟؟؟؟

العربيه فكرة اختراعها قائمة على مبدأ راحة الانسان وليس العكس
انا عاوز اعرف لما العفشه تبقى مش كويسه والعيوب دي تبقى في عربيه يبقى فاضل ايه في العربيه خصوصا انها زيرو
يعني افهم مثلا ان العيوب الجامده مثلا في عربيه زيروا تبقى انها متمشيش خالص يعني ولا ايه مش فاهم
حد يفهمني يا جماعه ياريت

وانا بصراحه موافق راي البشمهندس خلف ان مش اي حد بيشتري عربيه صيني فعلا
والحمد لله

**أبو عبدالله** · 29-01-2008 02:20 PM

المشاركة الأصلية كتبت بواسطة hoko_mosha

اعتقد ان العيوب ديه كلها ممكن ماكنش هيبقى ده ردنا عليها لو العربية كانت ب 35 الف مثلا ( انا شايف ان ده السعر المناسب ليها ) بس لما تبقى عربية ب 50 الف و فيها كل المشاكل ديه لأ طبعا و الف لأ ممكن بالثمن ديه اجيب لانوس موديل حديث حالتها نظيفة جدا
الحمد لله انك خلصت منها و اللى يجى فى الفلوس مش مشكله

انا معاك في الراي
ولكن حتى لو بـ 30 الف
انت ممكن تشتري عربيه مستعمله كويسه ومش هتعمل معاك كده

اما انها كمان تبقى بــ 50 الف وفي البرودا كانشيل و السوزوكي التو و شاريد مستعمل وعربيات كتير مستعمل
يبقى كده استهبال

**memo_hefnawy** · 29-01-2008 02:35 PM

تعليق بسيط على العربية أم 50 ألف عايز يبقى فيها إيه !!!

أنا أختى جابت برودوا كليسا 1000 سى سى من حوالى 4 أسابيع

العربية سعر المانيوال 51 و الأوتوماتيك 57

العربية ماليزى موتور و فتيس دايهاتسو ميرا

عشان الناس إللى بتقول على الكماليات و بيهتموا أوى بيها فى الصينى :
---------

العربية فيها الآتى:
=====
1- سنتر لوك
2- زجاج أمامى كهربا
3- مفتاح إمبوليزر
4- فتحة تنك و شنطة من الداخل
5- كاسيت
6- مرايات كهربا
7- الكنبة الخلفية قابلة للطى
8- باور ستيرنج
9- تكييف

العربية عموما العفشة بتاعتها ناعمة ما شاء الله و خامات الصالون تعتبر أكثر من جيدة جدا
خامات التابلوه بتاعها أنضف من الفيرنا العربية سحبها أوتوماتيك و تكييف ممتاز يعنى 1000 سى سى و عليهم أوتوماتيك + تكييف و مع ذلك حلوة جدا و ممتازة كسيتى كار

قابلت ناس فى التوكيل معاهم كليسا و معاهم كانشيل موديل 99 بيشكروا جدا فى العربية و عن ندرة مشاكلها

إيه يخلينى أروح أجيب وزة ولا بطة ولا كتكوت أجرب فيه ؟ و فيه حاجة ماتورها يابانى و تقفيلها نضيف و ماشية فى الشارع بقالها 10 سنين ؟

**Ahmed Samy** · 29-01-2008 02:39 PM

المشاركة الأصلية كتبت بواسطة memo_hefnawy

إيه يخلينى أروح أجيب وزة ولا بطة ولا كتكوت أجرب فيه ؟

:D:D:D:D:D

**elhamy** · 29-01-2008 02:54 PM

يا جماعة أنا بعتقد إن كل اللي بيشتكي بيبالغ مش أكتر لإن في ناس كتيير إشترت العربية ديه 113 وملهاش شكوي بالمبالغة ديه وكل شكواهم بتتعلق بمشاكل الشوارع المصرية وده شئ مشترك حتي في العربيات اليباني لإني ركبت لانسر 1600 وكنت حاسس فيها بنفس مشكلة الدبدبة مش لإنها وحسشة ولكن لإن الشوارع المصرية شوارع تبوز أي عربية مهما كان تصنيعها ويارايت الموضوعية عشان حرام وربنا هيحاسب الناس عي كلامها ده

ومشكوراً لكل من يقول رايه بما يرضي الله لإنها أمانة

**Karim_Monir** · 29-01-2008 02:55 PM

المشاركة الأصلية كتبت بواسطة memo_hefnawy

تعليق بسيط على العربية أم 50 ألف عايز يبقى فيها إيه !!!

إيه يخلينى أروح أجيب وزة ولا بطة ولا كتكوت أجرب فيه ؟ و فيه حاجة ماتورها يابانى و تقفيلها نضيف و ماشية فى الشارع بقالها 10 سنين ؟

يووووة يا محمود
هو انا هامشي في المنتدي اعلم فيكم
516 = وزة صغيرة
620 = وزة كبيرة
113 = كتكوت أعررررج
قول تاني كدة
أعرررررج ايون عليك نور
نفس الوصفة اللي وصفتها لشاركي فوق وتبقي عال العال
اوعى تنسى تاني بقي :D:D:D:D:D
------
50 الف جنية
ده انا اجيب لانوس 2005 تكييف وباور وعربية كبيرة وصالون وثبات وعفشة
ولا ريو 2003 ولا 2004 وزي الفل
ولا سيفيا 2000 او 2002
وكمان ممكن نوبيرا 99 الشكل القديم
ولا ولا ولا
مش ابو الفتوح اللي عمال يجرب فينا ده
يجرب فينا لانوس اه
عربية اثبتت نفسها من اول يوم
يجرب فينا اسبيرانزا يبقى حررررام

**Karim_Monir** · 29-01-2008 02:58 PM

المشاركة الأصلية كتبت بواسطة elhamy

يا جماعة أنا بعتقد إن كل اللي بيشتكي بيبالغ مش أكتر لإن في ناس كتيير إشترت العربية ديه 113 وملهاش شكوي بالمبالغة ديه وكل شكواهم بتتعلق بمشاكل الشوارع المصرية وده شئ مشترك حتي في العربيات اليباني لإني ركبت لانسر 1600 وكنت حاسس فيها بنفس مشكلة الدبدبة مش لإنها وحسشة ولكن لإن الشوارع المصرية شوارع تبوز أي عربية مهما كان تصنيعها ويارايت الموضوعية عشان حرام وربنا هيحاسب الناس عي كلامها ده

ومشكوراً لكل من يقول رايه بما يرضي الله لإنها أمانة

لالالالا يا شيخ
اوعى تقول لانسر بتدبدب
تلاقيك ركبت واحدة اسبور بعفشة رياضية حسستك الاحساس ده
لكن في فرق بين دبه ودبدبة
دبة يعني المشوار بتاع المساعد قليل عشان الثبات
لكن دبدبة يعني عقشة زي الزفت بتشخلل
والراجل شرح كل حاجة في كلامة مش بنفتري علية
وعلى فكرة
احنا بنخاف ربنا في كلامنا ومش بنضل حد والحمد لله

الموضوع: لسه بايع الأسبرانزا A113 حالا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عايز Gen 2 .. من قال بايع ؟!!

الفرنا ولي الأسبرانزا ؟؟

حيران موووت وعايز مساعده حالا حالا ؟؟؟؟؟

لسه مستلم اسبرانزا A113 حالا

الكلمات الدلالية لهذا الموضوع

المفضلات

المفضلات

ضوابط المشاركة