الموضوع: لسه بايع الأسبرانزا A113 حالا

المشاركة الأصلية كتبت بواسطة ماجد يوسف وهبه

مش عارف احيانا بحس أنى ماكنش المفروض أقول حاجة بس أرجع وأقول دى أمانه ومسئوليه انى أنوه عن شىء أنا جربته وطلع وحش (من وحهة نظرى) وبالأخص مع الناس اللى بتعلم منهم كتير من صغيرهم لكبيرهم.

بصوا يا جماعة قد يكون كلامى مخيب لظنون بعض الناس اللى شايفين أن الأسبرانزا ماركة كويسه جدا بس يوجد بعض النقاط واجبة الإيضاح:

1- مش معنى أنى بقول أن A113 وحشه تبقى كل الصينى وحش. أنا شخصيا فى مجال عملى بأتعامل مع الصينى وشايفه كويس جدا. المشكلة أن الصين تعرف تعمل الحلو والوحش بمعنى أن مستوى الجودة مفتوح جدا بعكس دول كتير زى ألمانيا مثلا مستوى معروف ومحدد أو تايلاند أو اندونيسيا مستواهم معروف وحتى المصرى بقول معروف مش حلو أو وحش. فالواحد بياخد الحاجة وبختك يابو بخيت. وده وارد برضه فى الماركة الواحده يعنى على ما أسمع أن A620 سيارة حلوه مع انها نفس الشركة بتاعة A113 وهى دى المشكلة
طيب لو نفس الشركة طلعت منتج جديد اسمه C450 يطلع حلو ولا وحش؟ محدش يعرف
أذا التحذير من A113 فقط ومحدش يأخده على عربيته لو نفس الماركة وطراز آخر
طالما العربيه مريحاك ومبسوط بيها يبقى ربنا يديمها عليك وتعيش لغاية لما تدوُب صاجها.

2- أنا من طبيعتى أنى حساس جدا لأى حاجة غلط فمن الممكن جدا كل اللى أنا قلته لا يمثل شىء بالنسبة لواحد عايز مجرد حاجة تنقله من بيته للشغل والعكس بدون أى أهتمام لمستوى النقل ده ايه أهو أحسن من الأتوبيس وخلاص (التفكير ده فى حد ذاته مش غلط وانا بأتكلم بصفه عامه ومش فى دماغى حد معين) فهى فى الآخر وجهات نظر وهذا ما يفسر أن بعض الناس يرون انها عيوب صغيرة من الممكن تجاهلها والبعض الآخر يراها قاتله. الأثنين صح كل واحد حسب أستخدامه.

3- كل اللى قلته صح وحصل ولكن تبقى نقطه أن من الممكن جدا تكون عربيتى بالذات فيها مشاكل مش موجودة فى عربيات كتير أو كانت موجودة فى الأول وأتصلحت أو التوكيل عرف المشاكل وعالجها فى PDI كل ده وارد بس نادر جدا فى الماركات الأخرى.

الخلاصه: كل اللى بقوله لكل واحد عايز يجيب العربيه دى هذه مخاطرة جربها الأول عجبتك هاتها
وياسيدى ده نوع من أنواع كتيره مش هى دى عربية العربيات شوف حاجه تانى متجربه كويس

أخيرا: أنا حملت الصور على اللينك التالى

http://rapidshare.com/files/88848776/DSC00021.zip.html

ومستنى أرائكم عن الصور

بناء على ترشيحاتكم أنا حجزت النيسان صنى وان شاء الله هستلمها فى خلال الأسبوع ده

اول مره فى حياتى كلها اشوف شاسيه عربية بالمنظر دة .... ده كأنة تصنيع يدوى ؟؟؟؟؟؟ بجد بجددددددددددد انا مش مصدق؟؟؟ الجزء الامامى من الشاسيه مربوط بمسمارين فى باقى الشاسيه ؟؟؟؟؟؟؟؟؟؟؟؟؟؟؟؟؟ ازاى ؟؟؟؟؟ حد يرد عليا ويفهمى مش ممكن ؟؟؟؟؟؟؟؟؟؟؟ هية العربية دية الشاسيه بتاعها تصنيع يدوى ولا اية ؟؟؟ دة عباره عن مواسير ومتلحمة فى بعض ؟؟؟ زى العربيات البجى المصنعة يدويا ؟