بص حضرتك انا لما كنت باشتري كان قدامي الانوس والاكسنت والتمبرا
انا فضلت التمبرا ولو رجع بيا الزمن كنت برضه هاختارها
اولا من حيث الثبات فالعربية اتحدي بها اي عربية حديثة في الثبات
ثانيا العربية جامده وبتستحمل
قطع الغيار ماليه الدنيا بداية من الأصلي عند الكيلاني والسجان حتي المستعمل في عزبة شلبي كله موجود وسعره مش غالي ماعدا علبة الدركسيون الباور جديده ب 3000 جنيه واستيراد ب 300 جنيه
في ناس كتير مابتفهمش فيها
موضوع السخونيه لو كل حاجة زي الفابريقة مافيش اي مشاكل حتي في عز الحر مع التحميل والتكييف
العربية تتفوق علي كثير من الحديث من حيث جودة الخامات الداخليه
بالنسبة للسعر من 35 حتي 40 حسب الحاله
انا عربيتي فابريقة بره وجوه وجالي فيها 43 بس انا مش بابيع
الايطالي حتي 96
لا يوجد فرق بيت التقفيلين الا حاجات بسيطة زي وجود مسند بالكونسول الاوسط للمصري
فتحة السقف والمرايات الكهربا بتنزل في الايطالي بس وممكن تركبهم في المصري
المفضلات