النجدة ارجوكم ! لخبراء الاتصالات و المصرية و tedata و خطوط التلفون و tedata !

**wahba87** · 30-04-2010 12:46 PM

المشاركة الأصلية كتبت بواسطة shery103

الف مبروك اولا يا استاذ كريم

انا مش عارفة بصراحة الحل ايه، بس ممكن تشوف ال adsl اللى من غير خط تليفون ( اتصالات و فودافون ) عندهم على ما اعتقد ، و لو حتى مؤقتا لحد ما تحل مشاكلك مع السنترال و الشركة و كل الحاجات دى

ثالثا اهلا بيك فى المنطقة انا ساكنة فى العمارات الى قدامك بالظبط

adsl بتاع اتصالات و فودافون بيحتاج بردو خط تليفون ارضى

**ahmed2y** · 30-04-2010 12:54 PM

باشا سيبك من te data اصلا وكلم فوافون على 2828 النت بتاعهم ممتاز جدا ومن خلالهم هتعرف ان كانت موضوع الخطوط الجدبدة دى تنفع ولا لا

**CryptonX** · 02-05-2010 10:29 AM

الف شكر لكم جميعا ,

فعلا كلام الاستاذ احمد كمال 100% صحيح .

الخطوط الجديدة دي fiber وعلى اد مااسمها متطور ! ولكنها للاسف مينفعش يشتغل عليها adsl .

انا بفكر .. يا اما اعزل ... يا اما اجيب باكو كدة .. انزل السنترال ارش من اول بتاع الامن لحد المدير فوق !

**ZALABANY** · 02-05-2010 10:42 AM

عندي نفس مشكلتك وكان عندي تليفون هوائي وقدمت على تليفون تاني وجالي البورجين اللي بيقوله عليه المهم طلبت ان الخط يتحول نحاس وفعلا تم تحويلي على خط نحاس على حسب كلامهم وكلمت فودافون وعملت 3 طلبات مره كنسلوا الطلب من غير ما يبلغوني والمره التانيه قالولي الخط فيبر ما ينفعش اتأكدت انه نحاس وكامتهم عملت طلب تاني كلموني قالولي الخط ده بياناته الفنيه مش موجوده ومش هاينفع يشتغل هاتلنا البيانات الفنيه للخط ونوصلك الخدمه السنترال قالوالي يعني ايه بيانات فنيه ولا فاهمين حاجه وانا كمان مش فاهم اعمل ايه لو حد يعرف ياريت يفيدنا يا شباب

**CryptonX** · 02-05-2010 10:54 AM

المشاركة الأصلية كتبت بواسطة ZALABANY

عندي نفس مشكلتك وكان عندي تليفون هوائي وقدمت على تليفون تاني وجالي البورجين اللي بيقوله عليه المهم طلبت ان الخط يتحول نحاس وفعلا تم تحويلي على خط نحاس على حسب كلامهم وكلمت فودافون وعملت 3 طلبات مره كنسلوا الطلب من غير ما يبلغوني والمره التانيه قالولي الخط فيبر ما ينفعش اتأكدت انه نحاس وكامتهم عملت طلب تاني كلموني قالولي الخط ده بياناته الفنيه مش موجوده ومش هاينفع يشتغل هاتلنا البيانات الفنيه للخط ونوصلك الخدمه السنترال قالوالي يعني ايه بيانات فنيه ولا فاهمين حاجه وانا كمان مش فاهم اعمل ايه لو حد يعرف ياريت يفيدنا يا شباب

بيانات الخط دي حيديهالك الراجل بتاع الاعطال الي بيجيلك لما يكون في عطل في التلفون ..

عامة فودافون لذاذ اوي .. يعني لو في مشكلة في خطك او سنترالك و ممكن تحل عن طريقهم .. حيكنسلوك .. و تعيش انت !!

TEdata على الاقل بيحاولوا و هما الي قلبلولي الخط من هوائي الي بير جاين .. بس دلوقتي من " فايبر " الي " نحاسي " محتاج تدخل مني انا .

و المشكلة اني بمفدرش استاذن من شغلي طول الاسبوع غير يوم الخميس بمشي الساعة 2 .. عقبال مابوصل السنترال بيكون نصف الموظفين زوغوا !

**A.Saad** · 02-05-2010 08:41 PM

CryptonX

الخطوط الفيبر ممكن يتركب عليها DSl
بس مش فى كل السنترالات

**A.Saad** · 02-05-2010 10:31 PM

المشاركة الأصلية كتبت بواسطة moh_zaher

فعلا هيا ممكن يتركب عليها بس تكون فيه شركه مركبه في السنترال اجهزتها

ممكن اعرف لو حضرتك فى المصرية للاتصالات ولا ايه

-

-

-

الموضوع: النجدة ارجوكم ! لخبراء الاتصالات و المصرية و tedata و خطوط التلفون و tedata !

LinkBack

أدوات الموضوع

عرض

-

-

المواضيع المتشابهه

اعمل اية مع tedata

عرض tedata الجديد

tedata ADSL

حد يعرف حد فى TEData

الكلمات الدلالية لهذا الموضوع

المفضلات

المفضلات

ضوابط المشاركة