الموضوع: عايز اجيب موتوسيكل

المشاركة الأصلية كتبت بواسطة DR.almaghraby

الموتوسيكل اسلوب حياة


واسوا حاجة انك تحس انك مش عارف تعمل الي نفسك فيه

نفس السيناريو

اوعي تتراجع يا ابو كماااااااال .......... انها القضية .... انها الحياة او الموت

فعلا اسلوب حياة

انا عايز اعيش شبابي كفاية بقى قرف

في المدرسة كنت الواد ابو نضارة اللي بيقعد في اول صف في النص و بييجي بالشنطة فيها الكتب و لابس اليونيفورم و عمره ما بيزوغ ..... geek رسمي

في الجامعة رقصت عالسلم ...... لا نجحت دراسيا و لا عشت حياتي

المراهقة بتاعتي كانت عبارة عن نضج مبكر و اعتماد عالذات

بعد التخرج و الشغل و اما بقى معايا الفلوس الخاصة بيا اللي اقدر اعمل بيها اللي انا عايزه كنت برضه انسان ممل و ما باعملش حاجة في حياتي .....

كل ده حلو ..... بس انا بابص حواليا باحس اني محتاج شوية حرية ..... انطلاقة ..... تجديد .... مغامرة مع قليل من المخاطرة المحسوبة

الموتوسيكل بيوفر كل ده

المشاركة الأصلية كتبت بواسطة omarken

مش عارف ليه حاسس انهامش مشكلتك انت بس
دى مشكله جيل بحااااااااله
انا عايز اعرف انت وصلت لأيه علشان اوفر على تفسى التعب انا لسه جديد فى الحواااار ده مش عارف اتفاهم ولا احطهم قدام الأمر الواقع ولا ايه
عايز اعرف انهى خطة نفذتها وايه كانت جدواها

بص يا باشا ...... امر واقع ....

مادام ما بتغضبش ربنا و لا بتعمل حاجة غلط و لا حرام و لا مقصر في حق اهل بيتك و بيتك مش ناقصه حاجة يبقى اعمل اللي انت عايزه ..... العمر واحد و الرب واحد و you only live once .....