الموضوع: عايز اجيب موتوسيكل

المشاركة الأصلية كتبت بواسطة qatar

هههههههههههه ما تسيب الناس في حالها يا otefa

بطل تقنع كل واحد يجيب بايك

المشاركة الأصلية كتبت بواسطة ahmed_911_98

بص يا عم أحمد
نفس موضوعك حصلي
أنا عندي 28 سنة
داخل فيدماغي موضوع الموتوسيكلات وجبت هوندا 250
كانت حلوة بس خفيفة وصغيرة
قلت أجيب حاجة أكبر جبت هوندا 600 f4i
وحسيت إنها كبيرة قوي عليَّ
هو الموضوع ممتع بس فينفس الوقت خطر جامد
زلطه ولا حفرة مفتوحة ولا مطب مش باين زي كل مطبات مصر
ولا اللي راكب عربية وبيجري لازق فيضهرك
ومش واخد باله إنه لو إنت هديت مرة واحدة حيشيلك ومش حطبقه صاج في صاج
ولا بالليل لوالخوذة مش نضيفة من جوه مش حتشوف حاجة خالص
أنا بمشي بـال كتيير 50 أو 60 كيلو في الساعة
وبرده باباه خايف
صحيح هو فيال زحمة عملي جدا بس على الطريق حيتعبك ده غير إنه فيال زحمة قوي حيبقه زيك زي العربية
ولا اللي بيستخدم طريقة السوقة بتاعت مصر معاك اللي هي أنا أدخل بـبوزي وهو حيخاف
تخيل واحدة راكبة عربية ووقفين فياشارة وبرده تدخل لدرجة إن الاكسسدام بتعها كان حيوقعني
وفي عنيها نظرة البلها
ده غير المزاولة بتاعت
بكم ده يا كابتن
ولا اللي يقولك طفي النور
طب اطفيه إزاي ده بيفضل كده على طول
وده اللي مخليني مستعد اخسر فيال موتوسيكل 4000 جنيه وابيعه علشان مايفضلش قدام عنيا
أنا جيبه b-34000
اديني بقولك تجربتي علشان طبقه قدامك كل الصور

انا علي فكرة مابستعملوش استعمال يومي وده واضح من كلامي في كذا موضوع ياجماعة.........انا جايبه هواية ومزاج ورياضة ........بس فعلا اليوم الي بطلع بيه الدنيا بيبقي ليها طعم تاني ده غير انا بطبعتي رياضي قديم(كمال اجسام وشوية جودو)قصدي بحب الحركة زعلت قوي من نفسي لما لاقيت كرش الواجاهة بدء تظهر معالمه من عدم الحركة من العربية للشغل والعكس.......وحبيت اوضح الصورة برضه ان اي يوم لو تعبان ولا الجو مش مظبوط العربية موجودة مش مضطر اجي علي نفسي واركب البايك والحمد لله.......ولا تابعتو الحوار مع احمد كمال من الاول هاتلاقو ان الظروف متشابهة لحد كبر..........وطريقه من مدينة نصر للهرم 80% من الطريق معقول جدا.....لو طريقه وسط البلد كنت علي الاقل حذرته ان الكاستم هايتزنق جامد في الزحمة برضه

الي عاوز يشتري موتسيكل علشان الشغل ولا علشان يهرب من الزحمه احسن له ينسي المضوع وخصوصا الريس علشان هيكره نفسه وخصوصا الزحمه يعني هو فاكر انه هيطير فوق الناس لا طبعا هو ممكن يسلك شويه بس مش زي ماهو فاكر الطريق بتكون ليها حدود ومش هيقدر يتجاوزها والريس بالذات يعتبر عدو للزحمه انا كان لي تجربه في الهرم في شارع فيصل بالضبط في شارع العشرين لما جبت الموتسيكل بتاعي وكان لي قرايب وكنت قاعد معاهم يومين بصراحه كرهت نفسي من الزحمه وحمدت ربنا اني انا من الصعيد المروحه بتاعت الموتسيكل مكانتش بتوقف من الحراره ومعدل الحراره كان من 220 الي 200 طالعه نازله بسبب الحراره والزحمه والكلام ده كان قبل 3 شهور تقريبا يعني الجو كان لسه ربيع فما بالكم حاليا وبعدين حلاوه الريس في السرعه بيه والا هيتخنق والي راكبه هيتخنق اكتر فما بالكم يكون كل يوم رايح الشغل جاي من الشغل هيكون تعب وارهاق كبير ده انا كنت كل مابطلع بيه بروح البيت يادوب افكر استحمي وانام فنصيحه ياجماعه الي بيفكر في الموتسيكل يفكر فيه علي اساس ترفيه وتغيير روتين الحياه فقط لاغير اما بيفكر بيه كشغل اكررها اكتر من مره ينسي الموضوع

المشاركة الأصلية كتبت بواسطة just_Welah

ممنوع الكتابة بالفرانكو

مشرف 5 ب

8:20 مساءا

11 مايو 2010

مش عارف اجمع حاجة من المكتوب ياباشا..........ممكن تكتبه بالعربي في notepad وتاخد كوبي منه في الموضوع.