ما هى تكاليف كماليات اللانوس ؟؟؟

**محمد الشامي** · 30-04-2010 08:53 PM

انا من رأيي ان حضرتك مش لازم تركب كل الإضافات اللي مش موجوده في العربيه

ممكن تركب اتنين زجاج كهرباء امامي بس
سنترلوك وانذار
وكده حلو اوي , وفي نفس الوقت التكلفه مش هتكون كبيره

**abo_lamar** · 30-04-2010 10:54 PM

بص خليك بيها كده والله أحسن وبلاش تعديلات فيها حتكون مكلفة اوي

**elshreef_hemo** · 01-05-2010 02:21 AM

المشاركة الأصلية كتبت بواسطة shiko85

فى موضوع عن تحويل فيرنا هاف اوبشنز الى فل اوبشنز اعتقد انه هيفيدك جدا لانها نفس الخطوات و كمان قطع غيار الفيرنا رخيصه جدا تقريبا زي اللانوس او اقل كمان
نصيحه هاتها كامله افضل و اضمن و اريح و تقفيل احسن " طبعا الصنيعى المصرى غير مضمون بالمره و كمان النصب و السرقه و الفهلوه حاجه اساسيه فالسوق" و كمان بعد المجهود و التعب فالتدوير على الاجزاء المطلوبه و كمان فالورشه و مع الصناعيه هتلاقى نفسك دفعت مبلغ اكتر من اللى كنت هاتدفعه لو جبتها كامله من الأول
و نصيحه تابع الموضوع باهتمام و تركيز
رابط الموضوع http://www.nilemotors.net/nile/104032-a.html

الف شكر على مجهودك

**elshreef_hemo** · 01-05-2010 02:23 AM

المشاركة الأصلية كتبت بواسطة tlrsiap

الاوبشنز ,

عجلة القيادة المتحركة , بتبقى حلوة لو انت طويل , و على ما اسمع تغييرها مش سهل ابدا , و مكلف

الزجاج الكهربا , لو هاتركب اربعة اتقال انه هايكلف ألف و شوية , عشان فرش الاربع ابواب من الحرفيين , و لو اتنين هايبقى ارخص (اتقال 200 او 300 جنيه) عشان هايتحط المفتاحين في الكونسول , و برده استيراد

الايريال الكهرباء , اظن بحوالي 150 جنيه

الفوج لايتس , الأصلي الواحد بحوالي 200 جنيه في التوكيل على ما اسمع و مش عارف برة بكام

المراية الكهربا , المراية و المفتاح استيراد اظن هايعملوا 300 جنيه ولا حاجة, بس مش متأكد

عدادات الآر بي ام , اظن الطقم لوحده استيراد ممكن يعمل 150 جنيه , و ساعة التابلوه تعمل حوالي 50 جنيه استيراد برده
(انا جبت طقم العدادات بالفريم الفضي بساعة التابلوه بحوالي 450 جنيه)

الستوب لايت الخلفي , اسمع انه برة التوكيل بحوالي 100 جنيه

بطانة الكبوت مش عارف بكام , و علبة البيئة مش هاتعوزها

مش فاكر فيه ايه تاني

طب مالدنيا حلوة اهى مش غالية اوى