عندك تجربة مع عربيتك ومنتج معين ...طيب ادخل هنا

**aymenseef** · 02-05-2010 05:19 AM

انا استخدمت منظف دوره الوقود من موبيل وعمل فرق كويس واستجابه الموتور للتسارع بقت احسن
بيتحط مع التفويله وسعره 18 جنيه

**aymenseef** · 02-05-2010 05:20 AM

انا مستني صور المقابله يا جماعه هيا منزلتش ليه ؟؟

**aymenseef** · 02-05-2010 05:22 AM

المشاركة الأصلية كتبت بواسطة sarawe511

فعلا موضوع مفيد جدا و انا متابع باهتمام للافادة و كان نفسي احكي عن تجربتي بس للاسف معيش صني (بس ان شاء اللة ناوي عليها قريبا) و شكر

اهلا بيك معانا فى قسم النيسان
ولو احتجت اي حاجه احنا تحت امرك

**eng.octooo** · 02-05-2010 02:29 PM

بخصوص صور المقابلة جارى تجهيزها بما يليق باعضاء المنتدى والابطال فى المقابلة ..معلش الصور اتأخرت شوية بس مسك الختام لاول مقابلة لازم تكون حاجة مميزة

وعاوزين نشوف تجارب الناس مع عربياتهم

**fady_anis** · 02-05-2010 03:21 PM

موضوع هااايل بس للأسف انا معنديش تجربه معينة حصلتلى مع الصنى ولكن كل اللى اقدر اقوله ان العربية دى فى خلال السنتين ونص من يوم ما اشتريتها ... مخيـبـتـش ظنى فيها ابداً

متابع بإستمرار

**WalidAdel** · 02-05-2010 06:43 PM

العربيه نيسان صني 2008 مانيوال عامله 88 الف و شويه بترولي

تقريبا و الله اعلم يعني بس انا سمعت الكلام ده ان لازم لما تحط اي اضافه للبنزين مع التفويله لازم التفويله تتحرق علطول علشان المواد اللي موجود في المنتج لا تتفاعل مع خراطيم البنزين و تسبب مشكله في اي جزء
انا استعملت octane Booster STP العلبه البرتقالي كانت ب 29 جنيه كويسه و الاداء اتحسن بطريقه ملحوظه و خصوصا علي السرعات العاليه مع الاحتفاظ بالاداء ده مده لاتقل عن 5 الاف كيلوا و التفويله اتحرقت في يوم كنت طالع الاسكندريه
بالنسبه لملمع التابلوه بردوا Sun of a Gun STP منتج كويس و ممكن تستخدمه للكاوتش بردوا بيلمع الكاوتش
و لما تخلص التابلوه بيه ممكن تلمع بيه العربيه هايدي نتيجه ظريفه و هايلمع الصاج كويس " دي عن تجربه "
في فوطه صيني كده انا كنت جيبتها من السوبر ماركت قطيفه و هيا بتتباع اتنين واحده مربعه كبيره و واحده نصها تقريبا بالظبط دي كويسه و ب 3 جنيه بس