ياجماعة حد يفيدنى فى الجى ام والاوكوليزر

**sheko828** · 02-05-2010 09:23 AM

انا مركب كاسيت كينوود 443 بفلاشة وسماعتين 500 واط 5 واى والصوت كان تمام فقولت عاوز صوت احسن فاشتريت جى ام سيمفونى 300 واط 2 شانيل وركبتهم امبارح بس الصوت مش عاجبنى فيه ناس بتقولى ركب زيرو باور بس انا فلست خلاص بس عندى اوكولايزر جينسين 2002 التايونى الاصل هلى ينفع اركبه مع الجى ام والا لا ولو ينفع ياريت طريقة التركيب ياريت الافادة لان لو مانفعش هشيل الجى ام وابيعه تانى احسن

**sary005** · 02-05-2010 11:47 AM

متابع للاهمية

**sheko828** · 02-05-2010 12:53 PM

فينكم يا خبراء

**tommys** · 02-05-2010 04:07 PM

ماينفعش تركب إيكولايزر مع الجي إم .... وبعدين الصوت مش عاجبك إزاي المفروض السماعتين دول يعملوا شغل مع الجي إم ... حاول تراجع طريقة التوصيل يمكن في حاجة غلط ....لاكن مانصحكش تشيل الجي إم وتركب إيكولايزر

**sheko828** · 02-05-2010 04:15 PM

هما كويسين م جوه بس انما من بره مش قد كده

**3ateef** · 02-05-2010 04:45 PM

المشاركة الأصلية كتبت بواسطة tommys

ماينفعش تركب إيكولايزر مع الجي إم .... وبعدين الصوت مش عاجبك إزاي المفروض السماعتين دول يعملوا شغل مع الجي إم ... حاول تراجع طريقة التوصيل يمكن في حاجة غلط ....لاكن مانصحكش تشيل الجي إم وتركب إيكولايزر

+111111111

**m7mda7md** · 02-05-2010 07:41 PM

ينفع يا باشا تركب الاكواليزر مع الجي ام
بس الخوف من السيمفوني ابن التيت ده
انصحك ترجعه مثلا و تجيب كينوود 350 وات
و علي اسوأ الفروض لو الصوت معجبكش و ده مستبعد لأن المفروض ان الكاسيت اللي انت مركبه كويس و فيه اكواليزر تركب معاه الاكواليزر الجنسن و ادعيـــــــــــــــــــــ ــــــــلي

**aftr** · 03-05-2010 09:08 AM

ينفع تركب الاكوليزر هيعمل معاك احلى شغل انا عندى سينفونى ومركب عليه اكوليز يونى سوند يابانى الطريقه سهلا جدا واسمع احلى صوت بس اهم حاجه الكاسيت يكون صوته كويس -بص ياعم انت هتاخد الجاكين بتوع الجى ام وتركبهم فى الاكوليزر مكان الجاكين وتاخد من الكاسيت اعلى فردتين صوت الى هما السمعات-ودخلهم فى الاكوليزر عندك اربع فرد فى الاكوليزر خد فردتين مع فردتين الكاسيت وشكرا على كده وعيش احلى بيز واحلى نقاه صوت

**sheko828** · 03-05-2010 11:53 AM

الف شكر على الردرد وجارى التجربة

**Salamonti** · 06-05-2010 05:11 PM

مع احترامي لجميع الآراء السابقة..

الكاسيت ده الخرج بتاعه أنقى وأنضف وأقوى من الجي ام السيمفوني الـ300

يعني تقدر تقول ان الجي ام ده كتم العدة اللي عندك لأن الـrms بتاعه ضعيف جدا فوق مما تتخيل

لو عاوز سيمفوني عشان سعره اقتصادي يبقى ترجع ده وتشوف فيه إيه في موديلات السيمفوني يكون أعلى من ده شوية

أو لو الفلوس مش مشكلة يبقى ترجع ده وتجيب واحد 350 أو 400 بس يكون ماركة نضيفة ومحترمة

طبعا الكلام ده كله على جي ام 2 شانيل بس

لو ناوي مستقبلا تجيب سماعتين تاني يبقى تجيب جي ام 4 شانيل ويكون ضعف القوة السابقة

يعني تجيب حاجة 600 أو 700 واط ماركة محترمة 4 شانيل