صوت مجننى

**megadeath** · 06-05-2010 12:11 PM

عملت بنصحيتك يا سمير بيه ... و رحت للراجل بتاع الفيتس امبارح و قولتله على المشكلة و نزل تحت العربية و ربط الفيتيس تانى بس من غير ما يسقطة من العربية و قال ان ماكنش مريح و ريحة ...
بس لقيت الصوت برده موجود و لاحظت انا الصوت ده جاى من المكان اللى فيه السيور كلها ( الدينمو و التكييف و الكاتنية ) يعنى جاى من شمال العربية و الصوت ده بيظهر قوى لما اشغل التكييف لان شغلت التكييف امبارح و بيقيت بسمع صوت الكركرة ده طول و انا ماشى سواء على السرعة البطيئة او السريعة .... برجاء الافاده يا سمير بيه احسن و الله العظيم انا بفكر اولع فى العربية

**samirayad** · 06-05-2010 01:20 PM

و الصوت ده بيظهر قوى لما اشغل التكييف لان شغلت التكييف امبارح و بيقيت بسمع صوت الكركرة ده طول و انا ماشى سواء على السرعة البطيئة او السريعة

حقول لحضرتك على حاجه

أفصل سير التكييف فقط

وأعمل مشوار وحمل زى ما أنت عاوز على السرعات

راح الصوت ومظهرش معاك

يبقى دى بلية كمبروسور التكييف باظت وعاوزه تتغير
ودى سهله إن شاء الله

**megadeath** · 06-05-2010 01:26 PM

معلش انا اسف على كل الاسئلة ديه
بس فى حاجة لو هى بلية كمبروسور التكييف يبقى الصوت يظهر لما اشغل التكييف بس ... لكن الصوت بيظهر بس لما اقرص على الغيار وانا مش مشغل التكييف ... لكن لما اشغل التكييف الصوت يبقى موجود على طول طول لما لعربية ماشية

**samirayad** · 06-05-2010 01:33 PM

ماهى بلية طمبورة الكمبروسور شغاله على طول
سواء أنت مشغل التكييف أو لا

ولكن .....................

يزداد الحمل الميكانيكى على البليه مع شغل التكييف
وبالتالى بتزداد حدة الصوت مع تشغيلك للتكييف

__________________________

ويمكنك بعد هذه التجربه وقبل الدخول فى مهاترات تغيير بليه كمبروسور
تهوية عملية الشد قليلا على سير الكمبروسور والتجربه
فقد يتلاشى الصوت مع تهوية سير التكييف قليلا

ولا تحتاج لتغيير بلية كمبروسور

**megadeath** · 06-05-2010 01:36 PM

الف الف الف شكر و الله انت راجل محترم

**samirayad** · 06-05-2010 01:38 PM

ربنا يخليك

ومنتظرين تطمينك لنا بعد التجربه

من أجل غلق هذا الموضوع

ومعرفة نهايته

وخيرا بإذن الله

**megadeath** · 06-05-2010 01:53 PM

انا شاء الله خير
على فكره انا شاكك فى بليه الدينمو بردة . لان لما الشداد اتكسر الدينمو ما كنش مثنت قوى و ومعوج عن مكانة شوية كان كل لما يطلع صوت كنت اقرص زيادة علشان السير يتعدل و ميطلعش الصوت الفيضحة بتاعة

**samirayad** · 06-05-2010 02:31 PM

من شمال العربية و الصوت ده بيظهر قوى لما اشغل التكييف لان شغلت التكييف امبارح و بيقيت بسمع صوت الكركرة ده طول و انا ماشى سواء على السرعة البطيئة او السريعة ....

الكلام ده اللى شككنى أكتر فى نقل الحركه من الكرنك للتكييف

ولو ده فعلا اللى أنت لاحظته
يبقى بلية كبروسور فعلا

وممكن تكون بلية شداد الكمبروسور نفسها بدأت تتعب
وحتحتاج تغير شداد الكمبروسور نفسه

دا لو كان عندكم فى الانوس شداد على بليه للكمبروسور

زى اللى موجود عندنا فى النوبيرا ( وأنا أعتقد هذا )

**megadeath** · 10-05-2010 10:11 PM

عملت زى ما حضرتك قوللتى يا سمير بيه
روحت للميكانيكى و فك سير الدينمو و التكييف و غيرت سير التكييف و بليه شداد سير التكييف و طلعنا جربنا العربية و شغلنا التكييف و العربية جابت 100 ك و ما فيش صوت .... شوية و انا ماشى بعد ما استلمت العربية ظهر الصوت روحت رايح للميكانيكى تانى و سمعتة الصوت واحنى ماشين فقالى الاتى :
ده حساس النوك والعربية بتاعتك ما فهاش الحساس ده و قالى افول بنزين 95 مرتيين ورا بعض و بعد كده الصوت هيروح و لو مرحش يبقى هنفك جوان وش السلندر و نعلية شوية ... ايه رايك يا استاذ سمير فى الكلام ده ؟؟
سؤال بعد اذنك ممكن يكون حساس الشكمان اللى عامل كده ؟

**samirayad** · 10-05-2010 10:33 PM

ده حساس النوك والعربية بتاعتك ما فهاش الحساس ده و قالى افول بنزين 95 مرتيين ورا بعض و بعد كده الصوت هيروح و لو مرحش يبقى هنفك جوان وش السلندر و نعلية شوية ... ايه رايك يا استاذ سمير فى الكلام ده ؟؟

الميكانيكى ده شكله تعبان ..........وأنا حاسس أنه شدلك سير التكييف جامد وبوظ بلية الشداد الجديده تانى

و العربية جابت 100 ك و ما فيش صوت .... شوية و انا ماشى بعد ما استلمت العربية ظهر الصوت روحت رايح للميكانيكى تانى و سمعتة الصوت واحنى ماشين فقالى الاتى :

وشد السيور ليه حدود ....علشان ميأثرش على البلى

سؤال بعد اذنك ممكن يكون حساس الشكمان اللى عامل كده ؟

لا حساس الشكمان ملوش علاقه بأى أصوات فى دايرة التحكم