تظبيطات تمبرا و بيان اسعار

**heshamzaky** · 31-05-2010 01:50 PM

ماشى يا باشا دة احنا سواح بقى فى مصر الجديدة ههههههية

**eng_tefa** · 31-05-2010 08:35 PM

انا هروح للصعيدى ان شاء الله طالما حاجتاه رخيصه كدا
وبالمره اجيب من عندو غطاء للتانك عشان اللى عندى اتكسر
هو بالمناسبه انا مؤشر البنزبن عندى بيهيس
فولت العربيه والمؤشر مطلعش للاخر
واخر مره كان المؤشر على الربع او كتر بشويه و العربيه وقفت وكانت حكايه واكتشفت ان البنزين خلص
ووقفت الدنيا ورايا ف روكسي :d
كدا العيب من المؤشر ولا العوامه زى ما الناس بتقول
وهل فكها حوار وهياخد تقريبا كام..اسف على التطويل

**heshamzaky** · 31-05-2010 09:30 PM

المشاركة الأصلية كتبت بواسطة eng_tefa

انا هروح للصعيدى ان شاء الله طالما حاجتاه رخيصه كدا
وبالمره اجيب من عندو غطاء للتانك عشان اللى عندى اتكسر
هو بالمناسبه انا مؤشر البنزبن عندى بيهيس
فولت العربيه والمؤشر مطلعش للاخر
واخر مره كان المؤشر على الربع او كتر بشويه و العربيه وقفت وكانت حكايه واكتشفت ان البنزين خلص
ووقفت الدنيا ورايا ف روكسي :d
كدا العيب من المؤشر ولا العوامه زى ما الناس بتقول
وهل فكها حوار وهياخد تقريبا كام..اسف على التطويل

العيب كدة من العوامة بس قبل الفك و الشراء و التركيب روح للكهربائى و خلية يعمل توصيلة بأرضى للتأكد اولا ان المؤشر يعمل و السلك مش مقطوع و العيب من العوامة و بالمناسبة للعلم فقط خزان البنزين بتاع التمبرا فيبر مش حديد

**heshamzaky** · 31-05-2010 10:30 PM

معلش يا رجالة عندى سؤال و خصوصا جاليليو علشان عندة تيبو الموضوع الصورة المرفوعة دى عربيتى ال 127 و الشيكة الى راكبة 4 فوانيس انا شفت تيبو مركبة شبكة زى دى حد شاف شكل الشبكة دى على التميرا او شافها بتتباع او عند مين الجولف زمان كان برضو بيركب لها شبكة زى كدة و ال بى ام الشارك كمان

**heshamzaky** · 31-05-2010 10:44 PM

الصورة اهية على التيبو الصورة كانت اعلان عن بيع السيارة فى مصر

**heshamzaky** · 01-06-2010 10:00 AM

المشاركة الأصلية كتبت بواسطة caysersosaih

علي فكره انا ساكن في روكسي بجوار مستشفي الجنزوري

يا باشا انت فى شارع القبة انا بيت والدى قريب جدا لو انت ساكن من زمان لو شفتك اكيد حا اعرفك

**adelco** · 01-06-2010 10:12 AM

المشاركة الأصلية كتبت بواسطة kdosoki

الف مبروك على التجديدات وربنا يلحقنا بيك على خير
ياريت حد ينصحنى انا عندى خبط جامد فى العفشة ومسافر كمان اسبوعين مطروح بالعربية والعفشجى قاللى دى علبة دريكسيون اكبر دماغى واسافر ولا اغيرها احسن ولو غيرتها اجيبها منين وبكام
جزاكم الله خيرا

السلام عليكم
والله يا اخى موضوع انك تمشى بالعربيه كده دى حاجه راجعه لحجم المشكله لازم حد بيفهم يشوف الموضوع ويحددلك تقدر تمشى ولا لا
بالنسبه للعلبه انا كان عندى الزيت بينقص باستمرار وسئلت عن الاصلاح عرفت انه بحوالى 300 : 350 جنيه وكنت قرات فى المنتدى ان فى حد راح عمل العلبه فى شامبليون واعتقد انه الاستاذ زلبانى اللى اليومين دول مطنشنا خالص ومحدش سامع له حس
والميكانيكى معرفه قالى طيب سيبلى العربيه ورجعت تانى يوم لاقيته مركب علبه تانيه وحاسبنى عليها ب 300 جنيه غير المصنعيه اللى معرفهاش كام لان كان فى شغل كثير فى العربيه ده دخل فى ده والحمد لله الباور كويس جدا من وقتها
وانا كنت رحت عزبه شلبى وسئلت عليها لاقيتها بحوالى من 300 الى 450 جنيه بس ده كلام فى الهواء يعنى ما كنتش بفاصل كنت رايح اتفرج بس
طبعا انا متفق مع الاخوة التمبراويه ان الاستيراد افضل لكن لازم حد بيفهم يجيبهالك
وربنا ان شاء الله يسترها معاك

**adelco** · 01-06-2010 10:21 AM

المشاركة الأصلية كتبت بواسطة heshamzaky

معلش أستكمال لبعض المواضيع (((( سؤال فى التمبرا مع الفلتر ال simota . ما هى عيوب التمبرا . سرعات مروحة التمبرا . الى ملاك و عشاق التمبرا ))) و ارجو الا نسيت سهوا اى موضوع مع الاعتذار السبق اصاحبة لو نسيتة سهوا

السلام عليكم
ازيك يا استاذى العزيز kdosoki
منور المنتدى واهلا بيك مع التمبراويه
الاستاذ هشام كالعادة مش سايب حاجه حد يقولها
انا والله قلت عليه قبل كدة انه بياخد منشطات وهبلغ عنه ادارة المنتدى
بس لما اعرف منه الاول النوع اللى بياخده
المشكله اننا بقينا زى العيله يعنى مش بنسال سؤال وبس ونستنى الرد
كده نبقى زملاء يعنى بنقضى مصلحه ونروح لا احنا بنطمئن على بعض وممكن نتكلم فى حاجه خارج الوضوع اصلا
لكن عاده احنا بنحاول نكون داخل الاطار العام للموضوع نخرج منه لكن مش بنبعد اوى وبنرجع تانى
وده اللى بيقوى التواصل بينا
والحمد لله الناس فى المنتدى محترمين فوق الوصف وما اقدرش اقولك انا بستفيد منهم قد ايه
من اولهم لاخرهم
ومن صغيرهم لكبيرهم
ومرة تانيه بما انى احدث التمبراويه واقلهم خبرة ومعرفه برحب بيك فى وسط المجموعه

**heshamzaky** · 01-06-2010 01:11 PM

تكر يا عدولة و حا اقولك سر شويبس المشطات هى فول سودانى زى بتاع بندق فى مجلة ميكى طبعا عارفها و كلنا كنا بنقرأها و احنا صغيرين ( و ساعات و الله لما بيجيبها للعيال عندى ) بس طبعا علشان احكيلهم القصة مش ليا انا هيييييييه