الموضوع: تظبيطات تمبرا و بيان اسعار

المشاركة الأصلية كتبت بواسطة heshamzaky

أزيك يا باشا نورت عندنا يا جماعة أحب أعرفكم بالاستاذ kaza الراجل دة بقى ممكن يقول لكم كل ما هو فنى بجد بسم الله ما شاء الله اصل انا يا باشا عامل فيها فى التمبرا أبو عرام و انا هجاس كبير هيييييية . بص يا سيدى الجنوط انا كلمت الراجل امبارح فى عزبة شلبى محل انا بستريح فى المعاملة معاة و قال لى انها موجودة عندة بتلاقى كل جنط حوالية فردة كاوتش بس مقطوعة من الوش و الظهر و ممكن حتى تلاقى جنط مش مترصص قبل كدة انا مرة اشتريت فردة واحدة و كنت راكن العربية فى الشارع العمومى برة لغاية ما وصلت العربية و كنت شايل الجنط قطعت نفس و بقيت زى العيال بتوع الكاوتش البنطلون كلة اسود و هباب لو حد حا يجيب ال 4 جنوط لازم تدخل بالعربية مش ممكن تشيل 4 فرد مرة واحدة الا لو كنت عنتر ابن شداد

ربنا يخليك يا استاذ هشام والله الواحد هيتغر في نفسة وفية كتير عندهم معلومات اكتر مني بمراحل وانا اسف علي التاخير في الرد لكن بقي نهاية الاسبوع والحبايب كتير وكل واحد عايز اشوف عربيتة الاول لما طلع عين الواحد ..عزبة شلبي مالهاش اسلوب معين مع التجار لانهم للاسف مش فاهمين بيبيعوا اية لكن فعلا هناك بتلاقي لقط حقيقية وتحف محدش عارف دي لية..اشكرك علي الاضافة والاطراء الجميل وياسيدي انا تحت امرك في اي حاجة لعربيتك

احب اسأل انا معايا 25 الف وكنت ناوي اجيب ريجاتا نضيفه وكنت بدور .

وبعدين واحد صاحبي راكب تمبرا وبيشكر فيها وقالي انك ممكن تجيب تمبرا موديل 90 او 91

طبعا هتكوون مش بحالتها بس تظبطها واحده واحده

والكلام علي اساس ان التمبرا اجمد من الريجاتا وافضل في كل شئ وقطع الغيار متوفره عن الريجاتا

رأيكم ايه يا تمبراويه استني شويه وازود الفلوس واجيب تمبرا ولا اخليني بالريجاتا علي اد فلوسي حاليا ؟؟

وبشوف تمبرا علي مواقع السيارات ب 25 و 22 و28 يا تري دول حكايتهم ايه ؟؟؟