الموضوع: تظبيطات تمبرا و بيان اسعار

ازيكم يا رجاله.

انا اسف اني مش بشارك معاكم ومرفعتش صور العربيه قبل السمكره والدوكو زي ما وعدتكم يا ريت تعزروني لاني متبهدل مع الصنايعيه وبفضل قاعد علي دماغهم كل يوم من بعد الشغل للساعه 12 او 1 صباحا علشان ينجزوا..

العربيه خلصت سمكره يوم السبت باليل وبتاع الدوكو بدأ فيها امبارح واتفق معايا انها تخلص بعد 10 ايام..

نزلت الوكاله اشتري شوية حاجات هكتبلكم اسعارها علشان تبقي مرجع للي يحتاج يشتري حاجه منهم..

1- الضفرين اللي بيركبوا تحت الفوانيس الخلفيه( في منهم فبر وفيه صاج) جبت الاثنين الصاج ب 80 جنيه..

2- مراية شنطه ( الجزء الفبر اللي بيركب فيه النمر والكالون) ب 100 جنيه ومش اي حد بيرضي يبيعهم من غير الشنطه والغريب ان الشنطه كامله بالمرايه ب 300 جنيه..

3- باب تانك البنزين لانه اتكسر مره وانابغسل العربيه وده ب 20جنيه..

4- سألت علي الشبكه الاماميه لان اللي عندي فيها حته صغيره مكسوره وشكلها مدايقني لقيتها ب 150 واخرها 120 وانا كنت سائل عليها جديده عند فيات 2000 اللي في المول الجديد في التوفيقيه كانت ب 90 جنيه فجبتها جديده لكن شكلها مختلف عن اللي عندي.. القديمه بتاعتي كانت زي اللي في العربيه اللي في توقيع استاذ هشام (فيها ريشه في المنتصف لكن الجديده ما فيهاش الريشه ده وخامتها مش عجباني..

5- سألت علي تمن فرش الباب للعلم فقط ولقيته ب 300 جنيه...

6- دورت علي طقم الجنوط الاصلي لقيت اسعارهم غريبه ( الالمونيوم ب 700 جنيه والحديد الفرده ب 100 جنيه وحالتهم مش قد كده..

7- سألت علي الفبره بالعدادات الديجيتال لقيتها ب 200 جنيه ..

لو حد سأل علي حاجه من دول في عزبة شلبي يقولنا الاسعار ده كويسه ولا ايه؟؟ واللي يعرف حد اجيب منه طقم جنوط بسعر كويس سا ريت يقولي علي مكانه..

المشاركة الأصلية كتبت بواسطة heshamzaky

ازيك يا استاذ هانى بص يا سيدى فى العزبة الجنوط الاصلى الاسبور من 500 الى 600 جنية و الشبكة الاصلى استعمال ب 70 جنية و معلش سؤال انت العدادات ديجيتال و لا عادى

يبقي كده اسعار العزبه ارخص بكتير.

العدادات ديجيتال

الف مبروك و ربنا يباركلك فيها
و بجد الف شكر لنقل التجربة