ياريت الدكتور ضياء لو تعرف رقم تليفونه تبعته
شكرا
عرض للطباعة
بالنجاخ والتوفيق ان شاء الله خليك فى الدكتوراة أهم وبعد لما تخلص نشوف الموضوع دة هناك فرق 100 جنية لو الملام طلع مظبوط ممكن اخنق الراجل الى بتعامل معة وعلى فكرة انا قابلت جاليليو مرة هو شاف عربيتى وتكلمنا مع بعض وعلى ما اتذكر هو قال لى تقريبا انة جاب الكشاف الامامى من بورسعيد ب 150 جنية ياريت يا جاليليو باشا تتذكر وتقولى كان بكام بالظبط علشان لا اشعر انى انضحك عليا بالسعر انا بتكلم عن الفانوس الامامى للتمبرا دون الاشارة وبالمناسبة الكشاف الى جبتة كان بالفيشة واللمبة بتاعتة يمكن الفرق فى السعر علشان اللمبة و الفيشة ؟؟؟؟؟؟؟؟؟؟؟؟؟؟؟؟؟؟؟ ها ها انا بهزر بس بجد متغاظ وعاوز اعرف
انا فعلا جبته ب 150 لعربيتى ( بالاشارة و اللمض و الفيش )
وبعديها سالت على بتوع التمبرا قاللى الجوز كاملين برضو ب 250 عشان خاطرى
و بيتهيالى الاشارة لوحده كان ب 20-30 حاجة شبه كده
ممكن حد يقولى هل ينفع اركب نور شبوره امامى تمبرا 96
انا فى مكان متحدد بس مش مفتوح ممكن حد يفيدى
ومنين اجيبه وهيتكلف كام؟؟
أزيك يا باشا بص انا التمبرا عندى فيها فوجات بازلة بيها هى سعرها استعمال من عزبة شلبى 180 جنية بالنسبة لسؤالك ان فية مكان متحدد يهنى على ما فهمت الاكصدام مصمت بس لية زى فريم صح كدة معلش انا مش عارف ينفع و لا لآ لان الفوجات كبيرة على فكرة و ليها فى الاكصدام مجرة و ليها رجلاش فوق و تحت و لما تجيبها لازم تأخذ فيشة الكهرباء بتاعتها و اللمضة الى راكبة فيها 55 وات وممكن تحط 100 وات و اللمبة الى ليها زى فتلة بص استنى سأرفع لك الصور احسن و يفضل لو جبت اكصدام بالفوجات اعتقد نسبيا أرخص http://i45.tinypic.com/2jd401z.jpg
ودى اللمبة الوحيدة الى بتركب جواة و على فكرة دى جامد زى الداهية و الوش بتاع الفوجات باغ و شفت منة وش زجاج و ممكن تلاقى من اللمض دى ابيض تلجى زى الزينون http://i50.tinypic.com/33ze8ua.jpg
مش عارف اشكرك ازاى يا استاذ هشام .. الف شكر
سؤال اخير معلش هو لازم يكون فى فيشه ف الضفيره عشان اركب لمبات الفوج؟؟
لا باشا الكهربائى حيعمل توصيلة حسب طلبك يعنى عاوزة مع النور الصغير و لا لوحدة بص لو انت عايز زى الفابريكا بالظبط بيبقى فية مفتاح لنور الفوجات على ايدك الشمال سارفعة لك و بكدة تقدر تشغل الفوجات او تطفيها و هى ليها لمبة فى التابلوة بص الاسهل ان الكهربائى يوصلها لك مع النور الصغير و بالنسبة للفيشة هى ضرورية علشان الفوجات مكان ما بيركب الفيشة الدكر عطسان شوية وعادى جدا قولة هات فيشتين و اغلب الظن بيبقى الفوجات بفيشهم وشكل الفيشة الى انا عامل علية دايرةhttp://i47.tinypic.com/msc3fo.jpg
و دة شكل المفتاح بتاع الفوجات على الشمال فوق هواية التكيف الزرار المربع http://i48.tinypic.com/xf7ll.jpg
عاوزكم تشوفو التمبرا التربو الارجنتينى دى [youtube]http://www.youtube.com/watch?v=sWIwaM9dQMs&feature=related[/youtube]
الف الف شكر يا استاذ هشام انا فعلا لقيت الواصله اللى فى الصوره بس انا معنديش الزراير دى هل ينفع اشتريها بردو
اصل انا شايف انى اركب الزراير احسن من انها تفضل شغاله على طول مع النور الواطى...ولا ايه؟
وبعدين التمبرا الارجنتينى دى جامده اوى :d
طب هو ينفع اركي كشافات زى الكريستال اللى ف الفديو دى؟
ازيك يا باشا طبعا ممكن تشترى الفتاح بس دة بيبقى المفتاح بالدرج ب هواية التكيف مش غالى لو قلت لك سعرة حا تتخض اصل انا جبت بتاع التمبرا الديجيتال بيبقو 4 مفاتيح بس لو العدادان عندك عادية مش حيركبو عات زى الى فى الصورة بتاعتى لو عداداتك عادية مش ديجيتال و معلش انا مش فاهم قصدك بالنسبة للكشاف الى فى الفيديو انهى كشافات
بلاش تجيب الشكل دة لو عداداتك مش ديجيتال دة بتاع التابلوة الديجيتال ممكن يركب بس حتقص فى فبرة التابلوة بلاش http://i45.tinypic.com/hw0jut.jpg
انا فعلا عاداداتى عاديه مش ديجيتال طب اجيب انهى زراير وبكام
انا قصدى على العربيه التمبرا التربو الارجنتينى
معلش انا تعابك معايا
تسلم يا باشا على المعلومات الهايله بس الاكصدام بالفوجات ممكن يعمل كام
عندى مشكله فى الكلاكس اليمين تقيل جدا ولازم اضغط عليه للاخر
الدركسيون نفس دا بس التابلوه مش ديجيتال
http://sphotos.ak.fbcdn.net/hphotos-..._3436723_n.jpg
برجاء حد يفيدنى اعمل ايه
والله يا باشا عندي نفس المشكله بس انا الزرار باظ خالص وبستعمل الشمال بس عامة انا فكيته عو عباره عن حديدتين بينتهم سوسته لما بيلمسوا بعض بعملوا صوت الكلاكس خلي الكهربائي يبصلك عليهم وممكن يظبطهملك
أعتقد الكهربائى ممكن يظبتها و لو ممكن يعمل كوبرى كهرباء من الناحية السليمة http://i50.tinypic.com/zjxl7d.jpg
اه كدا حل كويس الف الف شكر يا جماعه على المجهود والاهتمام
بجد افضل منتدى فى العالم
السلام عليكم
ازيك يا استاذ طيفه
الموضوع بسيط خالص بس انا هشلرحلك اللى انا فاهمه ربما افادك
بص يا سيدى الكلاكس ده عباره عن الاتى
قطعتين من النحاس على شكل مثلث لو وصلتهم مع بعض يقفلوا دايرة الكلاكس ويشتغل
وبينهم سوسته معزوله من الناحيتين عن طريق كاوتشه صغيرة
واللى حصل عند حضرتك هو ان الكاوتشه باظت او السوسته بقت ضعيفه
هى شغلانه كدة هايفه وما تاخدش دقيقه فى ايد كهربائى كويس
بس طبعا لازم يعمل فيها موضوع عشان يضرب منك 20 جنيه
ويا رب يكون كلامى صح ولو حد عنده تعليق يصححلى
استاذ يا عدولة باشا اية الحلاوة دى يا باشا و الله كلامك صح خلاص يا باشا احنا كدة عدينا بس انا معترض على حاجة واحدة لية 20 جنية كفاة 10 جنية بس و الباقة ممكن الراجل يدينا بية ضرب هييييييييييييه
الف مبروك على التجديدات وربنا يلحقنا بيك على خير
ياريت حد ينصحنى انا عندى خبط جامد فى العفشة ومسافر كمان اسبوعين مطروح بالعربية والعفشجى قاللى دى علبة دريكسيون اكبر دماغى واسافر ولا اغيرها احسن ولو غيرتها اجيبها منين وبكام
جزاكم الله خيرا
شكرا بس هيه بكام علشان محدش يضحك عليا
ومعلش هو فى خطورة لو سافرت وعلبة الدريكسيون فيها مشكلة
اقتراح
انا جديد معاكو فى المنتدى وبصراحة المعلومات اللى موجودة فى غاية الاهمية ولكنى اجد صعوبة فى البحث عن المعلومات التى احتاجها
اقتراحى
ان الردود على الموضوع تكون فى صلب الموضوع ولا تتطرق الى موضوعات جديدة او معلومات جديدة او اسئلة فى موضوع اخر
علشان نقدر نستفيد من كل الموضوعات عن طريق العناوين
شكرا على اهتمامك وردودك
بص يا باشا اولا اهلا و سهلا و مرحبا بك معانا و حا اقولك على طريقة سهلة للتصفح فى المنتدى اختار موضوعات مشترك بها كل ما انت كتبت فى موضوع حتلاقى الموضوع بقى امامة علامة بشكل ظرف بريد معناة انك اشتركت فى الموضوع دة و بعد شوية حا تعرف من الردود اسماء كل الاخوة الى معاهم تمبرا انا ممكن اقولك اسمائهم كلهم تقريبا بس عاوزك انت لوحدك تعرف اسمائهم بس اختلف فى وجهت نظر واحدة معاك انت بعد شوية لما تقدم فى المواضيع معانا حا تحس انك مرتبط بالناس دول و يصبحو أصدقائك حتى و ان كنت لم تراهم فالبتالى بتسأل عنهم و بنكون زى اسرة واحدة بس مغتربين فى المكان عن بعض بس مترابطين جدا مع بعض و ممكن تشوف فلان و تقابل علان و شوية تحس ان لك اخوة و زملاء حا تحبهم و الله و تلاقى نفسك اول ما تفتح المنتدى بتدولر على اسمائهم فى قائمة متواجدون الان و تفرح لما تلاقيم موجودين و تحس بغربة لو مش موجودين و الله العظيم دة احساسى انا الشخصى و يارب تحبنا و نحبك زى ما بقولك و حا تعرف بنفسك بس بعد شوية ان الكلام دة صح
بص حا اسهلهالك شوية دى عنواين ما كتب للتمبرا ((تظبيطات تمبرا و بيان أسعار . غيرت شكمان التمبرا . رابطة مالكى وعشاق التمبرا . أية رأيك فى عربيتى . فلتر تكيف التمبرا . حد يعرف جنوط فيات الاسبور بتتباع فين . الحمد لله تم حل مشكلة الحرارة مع التمبرا . العجلة الشمال أخرت . سعر كاربراتير التمبرا . يا أهل العلم و الخبرة احكولى عن عفشة التمبرا . الحقونى العجل سخن مولع . رعشة فى التمبرا لما بشغل التكيف . الحمد للة أصبحت من ملاك التمبرا . قدامى تمبرا 1991 . يا رب تيبو المرة دى
اهو الحل ده رائع
معلش أستكمال لبعض المواضيع (((( سؤال فى التمبرا مع الفلتر ال simota . ما هى عيوب التمبرا . سرعات مروحة التمبرا . الى ملاك و عشاق التمبرا ))) و ارجو الا نسيت سهوا اى موضوع مع الاعتذار السبق اصاحبة لو نسيتة سهوا