بص ياباش انا اشتريتها من عزبة شلبي من سنة ونص ب 300 جنيه . انا كنت مغيرها عشان زين الباور كان بينقص عندي بس ماكنتش وصلت لحد انها تعمل صوت والحمد لله من ساعه ماركبتها ومافيش اي مشاكل.
هي جديده عند الكيلاني بحوالي 3900 جنيه هاتها استيراد احسن
عرض للطباعة
بص ياباش انا اشتريتها من عزبة شلبي من سنة ونص ب 300 جنيه . انا كنت مغيرها عشان زين الباور كان بينقص عندي بس ماكنتش وصلت لحد انها تعمل صوت والحمد لله من ساعه ماركبتها ومافيش اي مشاكل.
هي جديده عند الكيلاني بحوالي 3900 جنيه هاتها استيراد احسن
الف شكر يا استاذ adelco انا شكلى كدا هعملها بنفسى احسن زى معملت الكشافات الاماميه
محدش بقى عندو ضمير من الصنايعيه والله
حسبي الله ونعم الوكيل 30 جنيه عشان يلزقلى الكشافات بسيليكون وبعد اسبوع وقعت تانى لوحدها لحد معملتها بايدى
والف شكر لللاستاذ هشام مفيش حاجه تتقال بعد كدا
كنت حا أقولها .... ها ها سبقتنى يا باشا الله ينور و بالنسبة لفانوس الاشارة انا عندى بيركب ب صباع بلاستيك بيتركب من فوق الفانوس الكبير و على فكرة صعب تلاقية شوية مع انة ب 5 جنية او 7 جنية بس مش موجود و مرة كهربائى ابن حلال كنت لسة مغير فانوس الاشارة ومسافر بورسعيد الكهربائى مركبوش كويس وصلت بورسعيد ملقتش الفانوس طار من الهواء علشان كنت بجرى بسرعة شوية و مخدتش بالى انة طااااار
اوباااا انا كدا مدحوك عليا ولا ايه:11:
انا كانت اللازازه اللى على الفانوس الامامي فيها شرخ
روحتلو قالى لازم تغير الازاز بواحد تانى قولت ماشي مش احسن مغير الفانوس كله
كان ب 25 جنيه ازاز مصري بس لازم يتلزق بسيليكون
ام لزقهولى ولفلى على الفانوس كله بلزق عشان يمسك لحد ما السيليكون ينشف
ايه انا كدا الفوانيس مش اصلى؟
ازيك يا باشا انت يا استاذ بتجيب قطع الغيار رخيصة كدة منين يا باشا بص انا مش عارف انت ساكن فين بس فى مصر الجديدة الزجاج المصرى ب 20 جنية و مرة شفت تركى فى ميدان ابن الحطم عند التجنيد ب 30 جنية . أما بالنسبة لل الباشمندس تيفا لا انت مش مضحوك عليك احنا نقصد ان الفانوس الامامى لما بيفك الوش الزجاج فية كلبستين صاج زى مشأبية كدة يعنى بعد ما الراجل يلزق الوش لازم يركبوا دول بيحزمو الوش و بيخلو الزجاج ماسك جامد فى شاسية الفانوس البلاستيك بص حا اصورك لك الموضوع و ارفع الصور للتوضيح
علي فكره انا ساكن في روكسي بجوار مستشفي الجنزوري
ماشى يا باشا دة احنا سواح بقى فى مصر الجديدة ههههههية
انا هروح للصعيدى ان شاء الله طالما حاجتاه رخيصه كدا
وبالمره اجيب من عندو غطاء للتانك عشان اللى عندى اتكسر
هو بالمناسبه انا مؤشر البنزبن عندى بيهيس
فولت العربيه والمؤشر مطلعش للاخر
واخر مره كان المؤشر على الربع او كتر بشويه و العربيه وقفت وكانت حكايه واكتشفت ان البنزين خلص
ووقفت الدنيا ورايا ف روكسي :d
كدا العيب من المؤشر ولا العوامه زى ما الناس بتقول
وهل فكها حوار وهياخد تقريبا كام..اسف على التطويل
معلش يا رجالة عندى سؤال و خصوصا جاليليو علشان عندة تيبو الموضوع الصورة المرفوعة دى عربيتى ال 127 و الشيكة الى راكبة 4 فوانيس انا شفت تيبو مركبة شبكة زى دى حد شاف شكل الشبكة دى على التميرا او شافها بتتباع او عند مين الجولف زمان كان برضو بيركب لها شبكة زى كدة و ال بى ام الشارك كمان http://i50.tinypic.com/mb4t95.jpg
الصورة اهية على التيبو الhttp://i45.tinypic.com/2vrwz2q.jpgصورة كانت اعلان عن بيع السيارة فى مصر
السلام عليكم
والله يا اخى موضوع انك تمشى بالعربيه كده دى حاجه راجعه لحجم المشكله لازم حد بيفهم يشوف الموضوع ويحددلك تقدر تمشى ولا لا
بالنسبه للعلبه انا كان عندى الزيت بينقص باستمرار وسئلت عن الاصلاح عرفت انه بحوالى 300 : 350 جنيه وكنت قرات فى المنتدى ان فى حد راح عمل العلبه فى شامبليون واعتقد انه الاستاذ زلبانى اللى اليومين دول مطنشنا خالص ومحدش سامع له حس
والميكانيكى معرفه قالى طيب سيبلى العربيه ورجعت تانى يوم لاقيته مركب علبه تانيه وحاسبنى عليها ب 300 جنيه غير المصنعيه اللى معرفهاش كام لان كان فى شغل كثير فى العربيه ده دخل فى ده والحمد لله الباور كويس جدا من وقتها
وانا كنت رحت عزبه شلبى وسئلت عليها لاقيتها بحوالى من 300 الى 450 جنيه بس ده كلام فى الهواء يعنى ما كنتش بفاصل كنت رايح اتفرج بس
طبعا انا متفق مع الاخوة التمبراويه ان الاستيراد افضل لكن لازم حد بيفهم يجيبهالك
وربنا ان شاء الله يسترها معاك
السلام عليكم
ازيك يا استاذى العزيز kdosoki
منور المنتدى واهلا بيك مع التمبراويه
الاستاذ هشام كالعادة مش سايب حاجه حد يقولها
انا والله قلت عليه قبل كدة انه بياخد منشطات وهبلغ عنه ادارة المنتدى
بس لما اعرف منه الاول النوع اللى بياخده
المشكله اننا بقينا زى العيله يعنى مش بنسال سؤال وبس ونستنى الرد
كده نبقى زملاء يعنى بنقضى مصلحه ونروح لا احنا بنطمئن على بعض وممكن نتكلم فى حاجه خارج الوضوع اصلا
لكن عاده احنا بنحاول نكون داخل الاطار العام للموضوع نخرج منه لكن مش بنبعد اوى وبنرجع تانى
وده اللى بيقوى التواصل بينا
والحمد لله الناس فى المنتدى محترمين فوق الوصف وما اقدرش اقولك انا بستفيد منهم قد ايه
من اولهم لاخرهم
ومن صغيرهم لكبيرهم
ومرة تانيه بما انى احدث التمبراويه واقلهم خبرة ومعرفه برحب بيك فى وسط المجموعه
تكر يا عدولة و حا اقولك سر شويبس المشطات هى فول سودانى زى بتاع بندق فى مجلة ميكى طبعا عارفها و كلنا كنا بنقرأها و احنا صغيرين ( و ساعات و الله لما بيجيبها للعيال عندى ) بس طبعا علشان احكيلهم القصة مش ليا انا هيييييييه
الله يكرمك انا سعيد بمعرفتكم والله يا استاذ adelco
ان شاء الله بكره هروح عزبة شلبىعلشان اظبط العربية قبل السفر
انا ناوى اشترى الاتى
علبة دريكسيون
مشترك شكمان
عدسة مراية باب يمين (لو ملقتش هعمل واحدة عند بتاع الزجاج)
اشارة امامى شمال ( لو ملقتش هشتريها جديدة )
بك سلانسيه ( علشان بتاعى ملغى الكهرباء بتاعته)
عوامة بنزين
مساحات زجاج
اريال كامل
لو فى حد عنه رأى تانى يقولى قبل ما ادبس
أزيك يا باشا بعض الاسعار المقترحة اشارة امامى جديدة من شارع دمشق ب 35 جنية .. عدسة مرايا عند اى واحد بتاع زجاج وب 7 او 10 جنبة ب 7 عند بتاع الزجاج الى امام كوبرى التجنيد شارع جسر السويس الراجل دة كويس يقصها و يلزقها ب 10 جنية بأقصى تقدير و المرايا استعمال فى شلبى ب 70 جنية قبل الفصال حالة ممتازة .... مساحات زجاج جداد من سعيد بطرس فى شارع دمشق ب 90 او 95 جنية استعمال الاصلى من العزبة الجوز من 70 الى 80 جنية .... مشترك شكمان استعمال من العزبة بالسوستة حوالى 90 جنية الى 100 جنية و هات المشترك الاصلى من العزبة احسن لك من بتاع الشكمانات الاصلى جودة جبارة .... أريال جديد من شارع دمشق معرفش بكام انا كمان عاوز واحد و شكرا ليك
بص دى اقرب صورة عندى للمشترك و للتوضيح لل أجوة المشترك هو الى راكب فى الفرن بتاع الشكمان و بعدين نازل تحت جسم العربية و هو عبارة عن تجميع 4 مواسير كمشترك و بازلين بماسورة واحدة الى السوستة و باقى الشكمان و التوضيح دة بس لل اخوة الى ممكن يكونو مش عارفينة بس اعتقد كل بتوع التمبرا عارفينة و أخر ملحوظة و لو انها لن تهمك الا لو كانت عربيتك انجيكشن الحساس بتاع الشكمان راكب امام السوستة و سعر المشترك لا يشمل الحساس دة
اسف الصورة أهية http://i47.tinypic.com/2pqjrkw.jpg
الف شكر يا باشا علي التوضيح بيتهيألي الحساس بتاع الشكمان اسمه (Lambda Sensor) انا عربيتي كاربيراتير
انا والله نفسي اتشرف بمعرفتك انا خلاص اخر امتحان الاسبوع الجاي وهابقي فاضي ونتقابل واعرفك عليه
انا ساكن من 3 سنين بس وان شاء الله اما هانقل اخر السنه او هاسافر وعشان كده لما هتشوف عربيتي هتلاقيها محتاجة وش نضافه مع انها مافيش خبطات ولا حاجة بس خربوش صغير هنا حاجات كده يعني
وبصراحه انا باهتم اكتر بالمكنة والحاجات دي
والله عقدتني يا هشام باشا
انت بتجيب الصور دي منين ؟؟؟
انا الشكمان اللي لسة جايبة المشترك اللي فيه مش كده خالص
اللي عندي عبارة عن تجميع ماسورتين بس في ماسورة واحده مش اربع مواسير في ماسورة واحدة
بس الفرن مجمع اربع مخارج في مخرجين بيتركب عليهم جوان و بعدين يركب المشترك
صديقى العزيز بونانزا 1000 1000 شكر لك يا باشا على هذة المجاملة الجميلة بس يا باشا و الله انا بنى أدم عادى و لست خبيرا بس زى ما عمو عادل بيقول بأخذ منشطات و هو حيبلغ عنى المنتدى الفكرة يا باشا انى بجد بحب التمبرا و كانت حلمى من أول ما نزلت و كانت مع واحد قريبى اول ما نزلت مصر و أعجبت العربية جدا و متابعها دايما و الصورة الى انا كنت حاططها دة عمولة بس فى بلاد برة و راكب على تيبو و المشترك تمام زى ما حضرتك ذكرت تجميع 4 مواسير فى ماسورتين كدة بالظبط اما الصورة الى فاتت كانت تعديل و الصورة دى كمان يا عم علشان تشوف شكل الاسطى الخواجة الى عاملها و الصور دى من النت اصل اخوك من هواة ال دون لود http://i49.tinypic.com/34r9114.jpg
يا جماعة دى اول مشاركه ليا بالمنتدى بالرغم انى مشترك فيه من زمان بس لما شوفت مواضيع التمبرا فرحت جدا وقررت انى اشارك معاكو وزعلت اوى انو انا ماعرفتش ان فيه ناس حلوين كده مظبطين التمبرا غير متاخر
انا عربيتى تمبرا موديل 93 تقفيل اوروبى الشركة اللى اشتريتها منها فى بورسعيد قالى انو فيه تقفيل المانى وتقفيل ايطالى وقال ان عربيتى تقفيل المانى وقالى انه الافضل بس حاسس انه كلام تجار ومش مظبوط
المهم كنت عاوز اسال عن شويه حاجات لو تسمحولى
عندى شرخ ف الزجاج الامامى وعاوز اغيره يا ريت لو حد يعرف نوع كويس بسعر معقول واجيبه من فين
وفيه خرابيش كتير على العربيه ودهانها دهان مصنع لو حد من الرجاله التمبراويه عارفله علاج بيقولو فيه حاجه زى البوليش كده انا شوفتها فى كارفور بس خايف اجربها لو حد عنده تجربه سابقه يفيدنا الله يكرمكو
اخر حاجه الميكانيكى بتاعى وده راجل بثق فيه ثقه عمياء قالى انو ممكن يخلى العربيه تجيب سرعه 100 على التالت وبدون ما صوتها يعلى لو ركبت اسطوانه وديسك هيونداى وهوا ركبهم قبل كده فى اكتر من عربيه وفرقت جدا معاه فى السحب حد يعرف الكلام ده صح ولا ايه
وياريت سعر الكاربتير بتاع ال 1600
انا اسف على الاطاله ومستنى ردودكم الحلوة
اهلا بيك يا استاذ Hopa معانا في المنتدي و بالاخص مع التمبراوية
انا مش متخصص اوي و خبرتي علي ادي .. بس انشاء الله هاتستفاد معانا كتير جدا
موضوع الديسك و الاسطوانة ده لو ينفع يبقي تمام جدا بس نستني رأي الناس اللي فاهمة ميكانيكا كويس ترد عليك فيه
و علي فكرة التمبرا بالديسك و الاسطوانة بتوعي اللي بايظين جبت بيهم 110 علي الثالث كنت بشد مع واحد صاحبي معاه تويوتا كرولا 1300 موديل 2007 و طلعت منه بالثالث بس الـ RPM كان علي 5000 او اكثر شوية
أزيك يا باشا و نزلت أهلا و حللت سهلا ( يعنى أزيك ) هييييه . مبروك يا باشا و احب أقولك حاجة انت الغربية لو من بورسعيد داخلة معاقين عن طريق هيئة الاستثمار ربنا يباركلك فيها هى العربية ممكن جدا تكون نازلة من ألمانيا و لو العربية دى اتحاد أوربى حتبقى ممتازة بص بقى موضوع أسطوانة و ديسك هيونداى انا اول مرة اسمع كدة أدخل من المنتدى على ((( السفر بالتمبرا و الدروس المستفاده )))) احنا بتكلم عن الاسطوانة و الديسك و بالنسبة للزجاج لو ممكن تروح لمحل اسمة دكتور خالد دة بيصلح شروخ الزجاج ولو مش نافع اسأل علية فى عزبة شلبى و معلش ممكن تكتب لى الكلام الى مكتوب على الزجاج بالانجليزى عاوز أعرف ماركتة اية و بالنسبة للدوكو ما تعملش انت حاجة بأيدك حا تلطش الدوكو واحد بتاع دوكو يلمعة بال بولش و الكومباوند بالمكنة اسرع و احسن
اهلا بيك يا باشا معانا بص بالنسبه للخرابيش شوف كاركير ممكن يظبطهالك بوليش او تعملها بنفسك في موضوع اسمه سيريون كار كير صاحب العربية عملها بنفسه
الزجاج اسأل عليه جديد بكام ممكن تلاقي منه دكتور جريش مش هايبقى غالي بالتير 300 او 350 جنيه او اسأل على الاصلي او تشوفه استيراد
الكاربيراتير الجديد بيعمل 1200 تقريبا سألت عليه من فتره وما كانش موجود ممكن تجيبه من الوكاله استيراد لو انجيكشن هايعمله 200-300 جنيه لو عاده هاتلاقيه اغلى من كده بس يبقى على التجربه ويفضل يفكهولك من مكنه لأنه بيبقى متصلح وملعوب فيه البخت
موضوع الاسطوانه والدسك الهيونداي دي اول مره اسمعها بس اظنها افتكاسه من افتكاسات الصنايعية عامة انا اللي اعرفه ان كل حاجه بتركب على حاجتها بس حطهم جنب بعض كده وشوف الفرق وهي نظريا ممكن تشتغل بس على المدى الطويل الله اعلم ممكن تعمل ايه