اظن ان وزن التمبرا هايتعب الديسك و الاسطوانة الهيونداي بسرعة والله اعلم
عرض للطباعة
اظن ان وزن التمبرا هايتعب الديسك و الاسطوانة الهيونداي بسرعة والله اعلم
انا برضه أول مره أسمع عن حكايه دسك واسطوانه الهيونداي ماعرفش صراحه بس مش مقتنع
عربيتي بالدسك الأصلي بتجيب 100 علي الثالث مافيش مشكله
وبعدين موضوع السحب والسرعه دي بتعتمد علي حاجات كتير مش الدسك والاسطوانه بس
السلام عليكم
والله انت استاذ
تصدق ان العربيه التمبرا وزنها يعدى طن ونصف
وكل اما اقول لحد كده ما بيصدقش
ده انت يا راجل لما تبص على القائم بتاع الباب للتمبرا واى عربيه تانيه تلاقى ده ضعف ده
العربيه زى الداهيه
فعلا اظن الموضوع ده يفرق جدا
الله ينور عليك ثانى
السلام عليكم
ازيك يا دوك
انا طبعا مع خبرتى المحدوده اتفق مع حضرتك تماما
وانت ليك خبرة فى موضوع الدسك والاسطوانه ده على ما اتذكر
واكيد مثلا لو الشكمان مسدود هياثر
او البوجيهات
او ......
بصراحه مش عارف غير دول بس لو حد يعرف حاجه ثانى يقول
وشكرا يا دكتور
اذيك يا باشا
فعلا لو الشكمان مسدود هيقلل السحب وكمان لو الجوان بتاع الفرن بينفس برضه بيقلل السحب مع البوجيهات واسلاك البوجيهات وحالة الكاربيراتير ونظاقه قلتر الهوا والبنزين وسلامة الاشعال الالكتروني والمشط مع اوكتان البنزين
وحالة الفتيس والكبالن
ده اللي فاكره
عربية تمبرا بتعمل مغامرات[youtube]http://www.youtube.com/watch?v=1fJzhuPSA0I&feature=related[/youtube]
ال ار بي ام
انا عايز اعرف التمبرا بتنقل على كام عشان انا اخري بنقل على 3 زبعديها بيكون صوت الموتور عالى
انا روحت لميكانيكى قالى ان صاحب العربيه السابق قلل ال ار بي ام عشان يوفر ف البنزين
وعشان كدا لازم ادزس بنزين ونا بدور العربيه عشان متفصلش
انا حاسس انه بيشتغلنى ... ياريت حد يفهمنى اكتر
أزيك يا باشمهندس عامل اية معلش انا مش فاهم قصدك بالظبط بس الى فهمتة انك وانت بتدور العربية بتدوس بنزين شوية ( بتكارك بنزين ) صح كدة و بالنسبة لموضوع ان صاحب العربية قلل ال ار بى ام دة فى رأيى انا بيسهبل يا مش فاهم ال أر بى ام دة عبارة عن عداد بيظهر لك عدد لفات الموتور مضروب فى 100 لو عربيتك مش انجيكشن حتلاقى عندك تحت الدريكسيون ناحية ايدك اليمين ذراع صغيرة بتاعت الشفاط شدة ساعت لما تدور الصبح
وعلى قدر ما أعرف ان الكاربراتير فية قطعة مسؤلة عن تسخين الموتور و بعدين بيفصل اوتوماتيك بس مش عارف دة فى العربيات الكاربراتير ولا الانجيكشن بس
و دى صورة ذراع الشفاط http://i45.tinypic.com/2upbgag.jpg
باش مهندس ايه بس انت اللى باشمهندس والله
انا هقولك ايه اللى بيحصل بالظبط
انا اول مدور العربيه لازم فعلا اكارك بنزين وافضل دايس لمده 3 دقايق على الاقل
دا فعلا اول مره ادور العربيه بس لما بتسحن بتبقى تمام
ونا ماشي لازم انقل بالمتير اوى ومؤشر الار بي ام على 4
انما موضوع دارع التسخين دا بقى حوار لوحده
اول مشده فعلا بيزود بنزين لوحده وبعد كدا بيقطع والعربيه تفصل بردك
السلام عليكم
ازيك يا eng_tefa
وازيك يا H
والله يا اخى انا اعرف ان موضوع النقل ده بيبقى
حد ادنى 10 :25 وده فى الغيار من الاول للثانى عاده
والمتوسط من 25:35 وده اللى معظم الناس بتستخدمه
ولما تكون قرصت على الغيار بيكون 35:45 وده المفروض من وجهه نظرى ما توصلش ليه الا ان كنت مضطر
وعموما الموضوع داخل فيه شويه سنس يعنى احساسك بالموتور وصوته
وبالنسبه لعربيتك انا مش فاهم اوى فى موضوع الار بى ام ازاى وطاه لكن انا اعرف التالى
هناك وضع مثالى لكل سيارة وهذا الوضع لا يختلف كثيرا عن الوضع الاستاندر للسيارات المشابهه
يعنى مثلا انا اول ما بدور العربيه على السلانسيه بيكون الار بى ام والعربيه واقفه على 5 او 6او7
ولو سالت زمايلنا الخبراء هتلاقى ان الرقم مش هيبعد عن كده
لكن لما تلاقى واحد لما يدور ويشيل رجله من على دواسه البنزين العربيه تجيب 15 كدة يبقى مش صح
الاختلاف ممكن يكون موجود لكن بحدود
ممكن ندارى بالاختلاف عيب ما لكن ما نزودش الفارق جامد لانه ممكن ياثر على اجزاء اخرى فى الموتور
انصحك تروح لميكانيكى كويس
يضبطلك الموتور على الاقل هتفهم انت ليه عندك المشكله دى
ويا ريت الاخوة التمبراويه اللى كلهم اساتذه يفيدوا اخونا عاطف
أزيك يا عدول باشا عامل اية تسلم ايدك على المشاركة الحلوة بس لنا فى الحتة بتاعت ال ار بى ام مش عارف اقول معلومة دقيقة بس انا عندى العربية ال ار بى ام بيبقى على حوالى 12 او 13 و بعدين بينزل ل 10 تقريبا بس انا العربية انجيكشن و ما فيهاش شفاط مش قادر افتى بالصح لانة مش عندى
انا عربيتى كاربيراتير وبتدور الصبح احيانا بدون ما اكارك بس ال rpm بيكون 5 ولما بتسخن يصل الى 7 او 8
وعربيتى مش مظبوطة علشان الميكانيكى الله .....؟ فصل بك السلانسيه الكهرباء وركبه بلدى ومن يومها استهلاك البنزين مش طبيعى وال rpm مش مظبوط
اولا اشكركم على كل الردود الجميلة وثانيا لو حد يقدر يفيدنى ازاى اظبط السحب بتاع العربيه يعنى ايه اللى محتاج يتظبط خصوصا ان الشكمان عندى ماعتقدش انه مسدود دا بيخرج بخار وميه كمان ساعات وسمعت انه لما يخرج ميه كده ده معناه ان مكنة العربية كويسه
طيب انا بحس ان سحب العربية مش زى الاول دى بعد ال 60 على التالت صوت المكنه بيعلى يا ريت حد يفيدنى ارجوكم
معلش يا شباب انا كتشفت مشكلة جديدة فى عربيتى
مشترك الشكمان لامس الموتور من تحت السيارة والميكانيكى قاللى لازم تعدل المشترك علشان الموتور مزند
( انا معرفش يعنى ايه مزند ) بس شكله موضوع خطير ومش عارف ده ممكن يكون له تأثير على سحب السيارة وكمان على كهربه السيارة
السلام عليكم
والله استاذ
ما اقدرش اقول غير كده
بص خلاص من النهارده ممكن تحط الصور اللى تعجبك
وكمان هعتبرك عندك 15 سنه
ومش هطلب منك اى عزومات
واضح انى مش هاخد معاك حق ولا باطل
عموما كلامك 100% صحيح لان من اول اسباب ضعف السحب الاسطوانه والديسك
بس مش السبب الوحيد
ازيك يا عدولة باشا لا لا لا يا راجل انا عازمك على سمك بس بياض بس من غير قشر بياض يعنى الاطباق فاضية هييييييييه
ازيكم يا رجاله.
انا اسف اني مش بشارك معاكم ومرفعتش صور العربيه قبل السمكره والدوكو زي ما وعدتكم يا ريت تعزروني لاني متبهدل مع الصنايعيه وبفضل قاعد علي دماغهم كل يوم من بعد الشغل للساعه 12 او 1 صباحا علشان ينجزوا..
العربيه خلصت سمكره يوم السبت باليل وبتاع الدوكو بدأ فيها امبارح واتفق معايا انها تخلص بعد 10 ايام..
نزلت الوكاله اشتري شوية حاجات هكتبلكم اسعارها علشان تبقي مرجع للي يحتاج يشتري حاجه منهم..
1- الضفرين اللي بيركبوا تحت الفوانيس الخلفيه( في منهم فبر وفيه صاج) جبت الاثنين الصاج ب 80 جنيه..
2- مراية شنطه ( الجزء الفبر اللي بيركب فيه النمر والكالون) ب 100 جنيه ومش اي حد بيرضي يبيعهم من غير الشنطه والغريب ان الشنطه كامله بالمرايه ب 300 جنيه..
3- باب تانك البنزين لانه اتكسر مره وانابغسل العربيه وده ب 20جنيه..
4- سألت علي الشبكه الاماميه لان اللي عندي فيها حته صغيره مكسوره وشكلها مدايقني لقيتها ب 150 واخرها 120 وانا كنت سائل عليها جديده عند فيات 2000 اللي في المول الجديد في التوفيقيه كانت ب 90 جنيه فجبتها جديده لكن شكلها مختلف عن اللي عندي.. القديمه بتاعتي كانت زي اللي في العربيه اللي في توقيع استاذ هشام (فيها ريشه في المنتصف لكن الجديده ما فيهاش الريشه ده وخامتها مش عجباني..
5- سألت علي تمن فرش الباب للعلم فقط ولقيته ب 300 جنيه...
6- دورت علي طقم الجنوط الاصلي لقيت اسعارهم غريبه ( الالمونيوم ب 700 جنيه والحديد الفرده ب 100 جنيه وحالتهم مش قد كده..
7- سألت علي الفبره بالعدادات الديجيتال لقيتها ب 200 جنيه ..
لو حد سأل علي حاجه من دول في عزبة شلبي يقولنا الاسعار ده كويسه ولا ايه؟؟ واللي يعرف حد اجيب منه طقم جنوط بسعر كويس سا ريت يقولي علي مكانه..
ازيك يا استاذ هانى بص يا سيدى فى العزبة الجنوط الاصلى الاسبور من 500 الى 600 جنية و الشبكة الاصلى استعمال ب 70 جنية و معلش سؤال انت العدادات ديجيتال و لا عادى
الف مبروك و ربنا يباركلك فيها
و بجد الف شكر لنقل التجربة
بالنسبة لموضوع السعر خلى بالك بتوع عزبة شلبى مش ملايكة بجناحات برضو ممكن تلاقى حاجة سعرها كويس و تانية بسعر عالى المبدأ الفصال ثم الفصال و اللف ثم اللف و الافضل لو محل معين بتتعامل معاة ممكن يغلى شوية عليك و ممكن يجاملك بس اهم حاجة المعاملة تكون جيدة و موثوق فى البضاعة و الاستبدال لو مش تمام فهمت قصدى ازاى
قنبلة الموسم يا هانى باشا و الله العظيم انا كلمت الراجل الى بتعامل معاة مخصوص دلوقتى حالا طقم الجنوط الاسبور بتوع التمبرا استيراد ب 550 جنية لو عاوزهم و ممكن نفاصل شوية معاة انا كنت شارى من عندة جنط واحد عاملة استبن علشان انا الجنوط بتاعتى نازلة فبريكا اسبور و جبتة من عندة ب 150 جنية المفاجأة الاخرى الاقوى يت رجالة الراجل عندة العلبة بتاعت الشكمان المثلثة ان شاء الله انا حا أجيب واحدة و الراجل عندة دى بقالها 10 شهور مختفية و مش موجودة خالص
العلبة دى http://i45.tinypic.com/20rlhj9.jpg