القيادة في مواجهة الناموس ليلا

**Ahmed Galal** · 03-05-2010 10:03 AM

جزاكم الله خير جميعا على المعلومات المفيدة فعلا موضوع مش على البال خالص

**lolo_story** · 03-05-2010 10:11 AM

انا بقى ما بشوفش حرميه على الطريق ده خالص
انصح اى حد
ان يشتال سلاح صوت ب 300 او 400 جنيه
بعمله ترحيص فى قسم الشرطه الا تابع ليه
اسمو ترخيص سلاح صوت
الترخيص سهل مش معقد زى ترخيص السلاح الحقيقى
عشان يبقى من ؤسائل الامان معاك لو اى حرامى قربلك طلقه فى الهواء
الكل يجرى
الطريق منزو بكام كمين ولكن مش ثبتين
اما بالنسبه للناموس
فا البريل هوه الحل
الله المستعان
[marq="4;up;3;scroll"]
على حسانين
المحامى
[/marq]

**bassem.naguib** · 03-05-2010 10:25 AM

الموقف ده حصلي زي ما حكيت بالمللي .. بس مع الفارق أني وقفت علشان كانت الرؤية من الزجاج الأمامي مش منعدمة كانت مستحيلة .. وكمان الفوانيس وصلت لمرحلة أن النور مش باين خالص من كتر الناموس اللي لازق فيهم .

انا كنت فاكر في الأول ده رزاز طين أو ما شابه .. ولما وقفت لاقيت كمية ناموس مهولة بمعنى الكلمة لدرجة أني خفت وحسيت أنهم ممكن يفترسوني .. المهم قلت اقف بالعربية وأمسح الأزاز والفوانيس علشان اشوف وأنا ماشي .. وهوب لاقيت اتنين جايين من بعيد من الجانب التاني وجايين جري عليا ومعاهم شوم .. وعمالين يزعقوا ويقولوا اقف اقف .. انا من منظرهم اتقبضت وكان معايا مراتي وحماتي .. رحت جاري على العربية ومدور ويا فكيك .. وطبعاً الجري هنا مش نص الجدعنة .. لا ده الجدعنة كلها .. وإلا كان زماني

وفي أخر الطريق ده بنزينة كل العربيات اللي خارجة من الطريق داخله عليها علشان تغسل العربيات .. ولما رحت دمياط المرة التانية سألت في الموضوع ده .. والأخوة الدمايطة قالولي انه في الوقت قبل الغروب وقبل شروق الشمس في الفجر الناموس بيكتر في الطريق .. فيفضل تسافر يا أما على العصر بالكتير أو لما الليل يليل وقبل الفجر .. وقالولي كمان كويس أنك جريت بالعربية قبل اللي طلعوا عليك ما يوصلولك .. علشان مكنش حيبقى ليك دية عندهم .. بس بصراحة كان يوم رعب ولا في الأفلام السينمائية .

**m_mekkawy** · 03-05-2010 10:49 AM

المشاركة الأصلية كتبت بواسطة sherif_m72

احب اضيف نصيحه مهمه بخصوص العدو الصغير ده
انا من اسكندريه وبحكم عملى فى دمياط فبسافر كتير جدا جدا على الطريق ده وحفظته ناموسه ناموسه
الطريقه فعاله 100\100
اوانت لو مسافر فى وقت غير الغروب وما قبله بساعه او بعده بساعه يبقى متقلقش
ومن قبل الفجر بساعتين تلاته برضه متقلقش
دلوقتى لو اضطرتك الظروف انك تسافر فى المواعيد دى يبقى اقرا بعنايه
قبل ما تسافر مباشرة هتجيب كيس بريل وتفتحه وتمسح بيه مقدمة العربيه كلها (الفوانيس الشبكه الاكصدام النمر ضهرالمرايات الجانبيه)كله على خفيف (كيس واحد بس)
وبالنسبه للزجاج الامامى هتمسحه كويس جدا جدا وهتجيب ثمرة بطاطس وتقطعها نصين وتمسح بنص واحد البربريز مره واحده مش اكتر ومتخليش فى قربه الميه صابون مع الميه خليها ميه صافى ولو بتستعمل صبون يبقى مفيش داعى للبطاطس وسافروا وبعد اما توصلوا بالسلامه بشوية ميه صغيرين هتمسح بيه وش العربيه من البريل هتلاقيه اخد معاه الناموس ونزل وبالنسبه للزجاج وانت ماشى شغل المساحات بالميه عادى

الراجل ده بيتكلم كلام زى الفل

**N.a.j.d** · 03-05-2010 10:51 AM

موضوع مهم الف شكر ياباشا وربنا يبعد عننا شر النواميس دي
انا بكرهم كره العمى دول انا ف صراع معاهم ك يوم

**bassem.naguib** · 03-05-2010 11:02 AM

المشاركة الأصلية كتبت بواسطة amah_totala

أنا كان بيحصل معايا كده في السعودية
هنا في مصر ما حصلتش معايا بالصورة دي

بس هو فعلا المساحات ما بتقدرش عليها ولازم تعمل زي ما انت عملت فوطة ومياه

كمية الناموس فعلاً بشكل غير عادي .. بالإضافة لذلك لما بيخبط في ازاز العربية بيموت ودمه مع الهوا بيتجلط بسرعة .. والدم بيبقى عامل دي ما يكون طرطشة بوية على الأزاز .. وصعب جداً على المساحات أنها تشيله .

**El Prince** · 03-05-2010 12:10 PM

ممكن أصغر حاجه تتسبب فى حادثه اثناء القياده
شكراً على المعلومات

**فادى محمد** · 03-05-2010 01:37 PM

حصلي نفس الموضوع ده وانا مسافر من دمياط للقاهره فجرا رمضان اللي فات ولقيت الناموس كتير جدا علي البرابيز بس الحقيقه ماشغلتش الويبر واشر لانه كان هيغشش وكل سنه وانتوا طيبين انما انا سيبت الناموس علي الازاز لغايه ما طلعت من الحته اللي مليانه ناموس واستنيت شويه لغايه مانشف من الهوا المقابل للعربيه وبعدين شغلت المساحات من غير ميه اللي حصل انه اتفرك من غير اثر من علي الازاز واهو نص العمي ولا العمي كله .

-

-

الموضوع: القيادة في مواجهة الناموس ليلا

LinkBack

أدوات الموضوع

عرض

-

-

-

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

لماذا ينجذب اليك الناموس بينما يترك الاّخرين ...؟

عايز حل للقضاء على الناموس

هجوم الناموس ورمل السفر على وش العربيه

عند تهدئة سرعة السيارة أثناء القيادة دون توقف....وسؤال للماهرين في القيادة

الكلمات الدلالية لهذا الموضوع

المفضلات

المفضلات

ضوابط المشاركة