الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

**mr_sameh** · 03-05-2010 03:37 AM

المشاركة الأصلية كتبت بواسطة tamertamer

اختلف معك اخى لان ببساطة لو التزم السيارة الحمراء بالحارة الجانبية التى يجب السير فيها لدخول المنحنة هنا القانون واضح وصريح وبالبلدى مينفعش يلف وهو بهذة الوضعية ابدا ابدا

ياباشا انا معاك طبعا بس لما بيتعمل معاينه اكيد بتكون بعد الحادث طبعا ومفيش قدامك غير اوضاع العربيات والتلفيات اللي فيهم
الحاجه التانيه هتثبت ازاي ان العربيه دي كانت هتدخل المنحني . طبيعي لما يتسئل سائق العربيه الحمراء هيقول ان انا كنت ماشي وفوجئتبعربيه داخله فيا من الخلف

**Ahmed Nouh** · 03-05-2010 05:42 AM

انا شايف السواق مش غلطان فى حاجه , طبيعه صلاح سالم فى الوقت ده ان الواحد على الاقل ماشى 80 ( ماشى على الرابع مرتاح ) وده مش جرى مقارنه بالناس اللى بتبقى ماشيه 100 فما فوق فى المكان ده

السيناريو اللى انا متخيله , العربيه اللى قدام فجأه أخد يمينه على اخر حته فى الدخله وبعدين لقى حد داخل الملف او الملف ضيق فهدى جامد ووقف تماما فى وضعيه واخد جزء من الحاره الوسطى والحاره اليمين , وسواق الشركه ماشى فى الحاره الوسطى وجاى حد من شماله فمش هيعرف يجى شمال

الفتره اللى هياخدها فى النظر للمرايات وبعدين رد الفعل ثم الفرمله عادى جدا انها تكون غير كافيه للوقوف خاصه ان العربيات بتبقى قريبه من بعض ومسافه 10 متر فرمله مش مسافه كبيره ابدا بالنسبه لسرعه فى رنج ال 80 وعربيه وارد جدا ان فراملها وكاوتشاتها مش فى حاله جيده

انا شايف السواق بعيد عن دائره الخطأ

**د.محمود صلاح** · 03-05-2010 05:47 AM

في وجهة نظر المرور اللي من الخلف دائماً مخطئ

**abo_lamar** · 03-05-2010 06:15 AM

العربية الحمراء طبعاً غلطانه مفيش حد يقف الوقفة دي وبعدين العربية الصفراء ماشية في طريقها عادي

**yoko** · 03-05-2010 07:11 AM

المشاركة الأصلية كتبت بواسطة د.محمود صلاح

في وجهة نظر المرور اللي من الخلف دائماً مخطئ

مش ديما يا باشا ووالدي عمل حادثة ومعاينة المرور (طبعا بره مصر) قالت إن والدي مخطأ ١٠٠٪ مع إن الي خبط فينا خابط ورا!!!!

**أحمد كمال** · 03-05-2010 07:17 AM

المشاركة الأصلية كتبت بواسطة yoko

مش ديما يا باشا ووالدي عمل حادثة ومعاينة المرور (طبعا بره مصر) قالت إن والدي مخطأ 100٪ مع إن الي خبط فينا خابط ورا!!!!

في الامارات لو مشيت تحت الحد الأدنى للسرعة القانونية وسط الطريق و حد خبطك من ورا انت الغلطان

**yoko** · 03-05-2010 07:22 AM

المشاركة الأصلية كتبت بواسطة أحمد كمال

في الامارات لو مشيت تحت الحد الأدنى للسرعة القانونية وسط الطريق و حد خبطك من ورا انت الغلطان

الكلام ده بره يا أحمد باشا
وأنا خبطة والدي كانت شبه دي بس هو دخل الشارع والي قدامة وقف فشنطة العربيه كانت طالعة (فورد بقى طول العربيه حوالي 5 متر!!!) بره قام التاني جه شالها ومكنش كاسر سرعة كان ماشي ٨٠ المرور قال والدي غلطان ١٠٠٪ لإنه كان المفروض لقى الطاريق واقف ميخشش!!!

**أحمد كمال** · 03-05-2010 08:43 AM

المشاركة الأصلية كتبت بواسطة yoko

الكلام ده بره يا أحمد باشا
وأنا خبطة والدي كانت شبه دي بس هو دخل الشارع والي قدامة وقف فشنطة العربيه كانت طالعة (فورد بقى طول العربيه حوالي 5 متر!!!) بره قام التاني جه شالها ومكنش كاسر سرعة كان ماشي 80 المرور قال والدي غلطان 100٪ لإنه كان المفروض لقى الطاريق واقف ميخشش!!!

انا اليومين العمي اللي سقت فيهم في الامارات علموني حاجة واحدة

ان كل اللي انا اتعلمته هنا عن السواقة و قواعد المرور غلط

ههههههههههههههههههههههه

-

-

الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

LinkBack

أدوات الموضوع

عرض

-

-

-

-

-

-

المواضيع المتشابهه

لكـــزس █▒░ سيارة كوبيه ستصنع مستقبلية من الشركة اليابانية --- انه حقا الاختلاف ,,,!

موقع للصور البانوراميه أكثر من رائع

سيارة الشركة وحادث (من يتحمل التكاليف ؟) قل رأيك

تامين السنه الثانية سيارة قسط

اشهدوا.واحكموا

الكلمات الدلالية لهذا الموضوع

المفضلات

المفضلات

ضوابط المشاركة