الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

جزاكم الله خيراً

وشرفتم الموضوع بآرائكم

وبخصوص أن هناك قانون يقول أن الذي يصدم من الخلف يكون مخطئ فهذا قانون لا وجود له

هو مجرد كلام تم تناقله وحفظه دون فهم معناه

وهذا الكلام منتشر في مصر لأننا بلد بلا قانون

لكن الحكم في المعاينة يكون حكماً لا فرق بينه وبين الحكم في حقوق أو جنايات

القاعدة الوحيدة هي العدل

وأنا أخبرني صديقي أنه سنة 1995 في السعودية في مدينة حدث حادث لوالد صديقي
وهو مخبوط من الخلف
لكن تم تحميله الخطأ بنسبة 100%
لماذا؟
لأنه دخل من طريق فرعي إلى طريق أكبر دون إعطاء الأولوية لمن خلفه في الطريق الأكبر

وللعلم فإن نظام المرور في السعودية يماثل أنظمة المرور في أكثر البلاد تقدماً في العالم
لكن عقدة الخواجة تؤثر في بعض الناس ويقولك المرور في الخليج إيه ده كذا وكذا ومفيش زي خالتو فرنسا !!

لذلك فمن يقول الصادم من الخلف هو المخطئ دائماً هو قول لا يعتد به

ومرة أخرى أشكركم على تعاونكم
وجزاكم الله خيراً

الأحمر 70%
الأصفر 30%

يا جماعه مينفعش نقول اللى ورا يعمل حسابه واللى قدام محدش يعرف ظروفه

افرض انا ماشى 60 زى ما اليفط بتقول , بس مركب فى عربيتى كاوتشات عجله وهاخد ربع ساعه على ما اقف , يبقى انا غلطان انى دخلت فى واحد واقف فجأه بعرض شارع وواخد حارتين !!!!!!!!!

قاعده اللى ورا دايما غلطان دى اخترعها ظابط من النوع اللى بيسحب الرخص على الجنوط الكروم , كل حادث وليه ظروفه واحداثه اللى بتختلف وعلى اساسها نقول مين الغلطان , خلينا الاول نقول بعض الحقائق المهمه فى التقييم

1 - مسافه 10 متر فرمله لا تعنى اطلاقا سرعه كبير او 100 كم فى الساعه , اكتشاف السرعه هنا هيعتمد على حسابات معقده منها حاله الكاوتش والفرامل ووزن العربيه ودرجه انحدار الشارع وحاله الاسفلت وقتها فيبقى ان عربيه الشركه كانت بتجرى ده احتمال مش قوى لكن مجرد احتمال وارد من ضمن احتمالات كتير

وده كله اساسا فى حاله ان كانت الفرمله فعلا 10 متر , لأن حسب المذكور هى حوالى 10 متر يعنى بالتقريب

2 - السواق اللى قدام غلطان بنسبه 100 % , حتى لو دخل الملف من اوله من الحاره اللى فى النص برده غلطان

اللى عايز يدخل يمين يمشى فى اليمين قبلها بمسافه ويشغل اشاره لكن انه ينسى وينط على اخر الملف وبعدين الدخله متجيبهوش ويقف فجأه وهو واخد حارتين ونقول عليه معذور يبقى كدا اللى ورا لو ماشى 200 نقول عليه برده معذور

3 - حاله العربيه مجهوله وقوه الفرمله مجهوله ولا اظن ان شركه بأهمال انها مش مأمنه على عربياتها عندها الحرص على الصيانه اللى تضع العربيه فى حاله فنيه جيده جدا لإلقاء اللوم كامل على السواق

4 - سرعه 60 كم فى الوقت ده على صلاح سالم انتحار حرفى واكيد الكل جرب حاجه زى كدا ومحدش فينا ابدا بيمشى على صلاح سالم 60 علشان نبقى متفقين انه مكنش بيجرى بالمفهوم الدارج لأن المطلوب فى الموضوع من اخونا اللى بيسأل هو تقييم من واقع الشارع للحادث وليس تقييم قانونى لما حدث

السيناريوهات اللى حصل خلالها الحادث متخيلها كتيره , منها ان كانت فى عربيه حاجزه عنه رؤيه العربيه دى وفجأه اخد يمينه وظهر الاخر الاحمر وهو واقف فبرد فعل تلقائى عربيه الشركه فرملت وبما ان الجزء ده من الشارع اسفلت ناعم ومنحدر شويه والعجل بتاع العربيه قد يكون مش تمام فالعربيه زحفت بقله خبره من السواق وحصل المذكور

ممكن كمان يكون السواق كان شايف العربيه بتدخل الشارع وكان فى حد جاى من شماله فهو قرص علشان ياخد الشمال قبل اللى جاى وظابط نفسه على حركه اللى قدامه وبعدين هو وقف فقفل عليه المناوره دى ففرمل ودخل فيه

كمان وارد ان كان ساعتها حاول ياخد شمال او يمين فجأه وهو بيفرمل مع دوسه الفرامل جامد دى تخلى العربيه تزحف فى نفس اتجاهها كتير قبل ما تقف

ده غير ان اساسا لو فرضنا ان هو كان بيجرى ليه منقولش ان المأموريه اللى فيها مستعجله والمشوار يحتم عليه الجرى ؟؟

الخلاصه فى رأى , ايا كان اللى حصل او تقييمنا للحادث فنسبه خطأ السائق ان وجدت شايفها اقل كتير من تحمله تكلفه الاصلاح سواء كليا او جزئيا و ده فى النهايه شخص عادى قد يكون ضعيف المهاراه فى السواقه مش سواق يحاسب على كل غلطه

المشاركة الأصلية كتبت بواسطة ahmed0nouh

يا جماعه مينفعش نقول اللى ورا يعمل حسابه واللى قدام محدش يعرف ظروفه

افرض انا ماشى 60 زى ما اليفط بتقول , بس مركب فى عربيتى كاوتشات عجله وهاخد ربع ساعه على ما اقف , يبقى انا غلطان انى دخلت فى واحد واقف فجأه بعرض شارع وواخد حارتين !!!!!!!!!

قاعده اللى ورا دايما غلطان دى اخترعها ظابط من النوع اللى بيسحب الرخص على الجنوط الكروم , كل حادث وليه ظروفه واحداثه اللى بتختلف وعلى اساسها نقول مين الغلطان , خلينا الاول نقول بعض الحقائق المهمه فى التقييم

1 - مسافه 10 متر فرمله لا تعنى اطلاقا سرعه كبير او 100 كم فى الساعه , اكتشاف السرعه هنا هيعتمد على حسابات معقده منها حاله الكاوتش والفرامل ووزن العربيه ودرجه انحدار الشارع وحاله الاسفلت وقتها فيبقى ان عربيه الشركه كانت بتجرى ده احتمال مش قوى لكن مجرد احتمال وارد من ضمن احتمالات كتير

وده كله اساسا فى حاله ان كانت الفرمله فعلا 10 متر , لأن حسب المذكور هى حوالى 10 متر يعنى بالتقريب

2 - السواق اللى قدام غلطان بنسبه 100 % , حتى لو دخل الملف من اوله من الحاره اللى فى النص برده غلطان

اللى عايز يدخل يمين يمشى فى اليمين قبلها بمسافه ويشغل اشاره لكن انه ينسى وينط على اخر الملف وبعدين الدخله متجيبهوش ويقف فجأه وهو واخد حارتين ونقول عليه معذور يبقى كدا اللى ورا لو ماشى 200 نقول عليه برده معذور

3 - حاله العربيه مجهوله وقوه الفرمله مجهوله ولا اظن ان شركه بأهمال انها مش مأمنه على عربياتها عندها الحرص على الصيانه اللى تضع العربيه فى حاله فنيه جيده جدا لإلقاء اللوم كامل على السواق

4 - سرعه 60 كم فى الوقت ده على صلاح سالم انتحار حرفى واكيد الكل جرب حاجه زى كدا ومحدش فينا ابدا بيمشى على صلاح سالم 60 علشان نبقى متفقين انه مكنش بيجرى بالمفهوم الدارج لأن المطلوب فى الموضوع من اخونا اللى بيسأل هو تقييم من واقع الشارع للحادث وليس تقييم قانونى لما حدث

السيناريوهات اللى حصل خلالها الحادث متخيلها كتيره , منها ان كانت فى عربيه حاجزه عنه رؤيه العربيه دى وفجأه اخد يمينه وظهر الاخر الاحمر وهو واقف فبرد فعل تلقائى عربيه الشركه فرملت وبما ان الجزء ده من الشارع اسفلت ناعم ومنحدر شويه والعجل بتاع العربيه قد يكون مش تمام فالعربيه زحفت بقله خبره من السواق وحصل المذكور

ممكن كمان يكون السواق كان شايف العربيه بتدخل الشارع وكان فى حد جاى من شماله فهو قرص علشان ياخد الشمال قبل اللى جاى وظابط نفسه على حركه اللى قدامه وبعدين هو وقف فقفل عليه المناوره دى ففرمل ودخل فيه

كمان وارد ان كان ساعتها حاول ياخد شمال او يمين فجأه وهو بيفرمل مع دوسه الفرامل جامد دى تخلى العربيه تزحف فى نفس اتجاهها كتير قبل ما تقف

ده غير ان اساسا لو فرضنا ان هو كان بيجرى ليه منقولش ان المأموريه اللى فيها مستعجله والمشوار يحتم عليه الجرى ؟؟

الخلاصه فى رأى , ايا كان اللى حصل او تقييمنا للحادث فنسبه خطأ السائق ان وجدت شايفها اقل كتير من تحمله تكلفه الاصلاح سواء كليا او جزئيا و ده فى النهايه شخص عادى قد يكون ضعيف المهاراه فى السواقه مش سواق يحاسب على كل غلطه

+1111
انت قولت اللي في نفسي