تسخين النيوسيراتو

**madoo_600** · 04-05-2010 04:06 PM

التسخين على ما اعتقد بيقعد من 1.5 الى 2 دقيقه

**NoRmAl** · 04-05-2010 06:51 PM

المشاركة الأصلية كتبت بواسطة atrees

احبك وانت منظم :)

دا أقل حاجه عندى :))

المشاركة الأصلية كتبت بواسطة ghost1900

خايف يا نورمال لا تطالبنا بصور الرخصة بعد كده هههههههههههههههه

.

فكره هايله يا جوست
وعلشان كدا هبدأ بيك :)
يا ريت الرخصه وشهاده الميلاد وقيد عائلى ومفتاح العربيه :)

المشاركة الأصلية كتبت بواسطة madoo_600

طيب يا ستاذ نورمال انا عايز ادخل الرابطه بتاعه ملاك السيراتو ممكن

يا سلام :)
تشرف يا مادو باشا
دوس بس على اللينك الى فى توقيعى
و دوس على أنضم للمجموعه
بس كده
وحيث أنك مستوفى الشروط :)
هعملك أكسبت على طول

**elmihy** · 05-05-2010 12:38 AM

طيب حد سأل عن الموضوع ده في مركز الصيانه

**mahamedaraby** · 05-05-2010 12:53 AM

بص انا عندى فى التيدا وعندكم كده فى السيراتو

مفيش عداد الحراره لكن فيه لمبتين لمبه زرقاء ولمبه حمراء

اول ما بدور العربيه لمبه الزرقاء بتفضل منوره شويه وده معناه ان العريبه ساقعه بفضل سايب العربيه لحد لما اللمبه الزرقاء تطفى وامشى عادى

ده راى فى موضوع التسخين

**ahmedrashed** · 05-05-2010 12:55 AM

المشاركة الأصلية كتبت بواسطة elmihy

طيب حد سأل عن الموضوع ده في مركز الصيانه

انا سالت المهندس اشرف فى ابو رواش وقال دقيقة او اثنين بالكثير لغاية rpm مايوصل عند 1 وبعد كده تتحرك بالعربية بسلاسة يعنى بدون شد حتى يتم تسخين باقى اجزاء السيارة. وعلى فكرة كلمة بسلاسة يعنى rpm لا يزيد عن 3.

**moha4tec** · 05-05-2010 09:13 PM

السلام عليكم
1-مكتوب فى الكتالوج 30 ثانيه فقط
2-عندك موشر الحراره موجود فى السيراتو على شكل بار استنى لحد ما تبقى فى النصف او قبل النصف بشويه
او
3- تمشى لمده 5 دقائق على سرغة 20 كم \ساعه

الكلام ده فى السيراتو الخليجى الهاى لاين sx
عملية التسخين مهمه جدا للحفاظ على المواتير لمده عمر اطول بحاله جيده جدا .لان هذه العمليه تجعل الزيت يصعد الى التروس و اجزاء الموتور المختلفه و يقوم بتغليفها حتى لا تتاكل بفعل الحركه المستمره
*خاصتا لو انت مسافر باى عربيه بالنهار سفر يزيد عن 3 ساعات لازم تتوقف فى استراحه فى المنتصف لاجل الحفاظ ايضا على الموتور زى السفر للغردقه و الشرم (حتى البيتش بجى بيعملوا فيه كده عشان المكن يستريح و يعيش اكتر فى الظروف الحاره و الطبيعه الوعره.
يا ريت اكون وضحت
و السلام خير ختام

**moha4tec** · 11-05-2010 01:15 PM

المشاركة الأصلية كتبت بواسطة elmihy

يا ريت اكون وضحت
و السلام خير ختام

الله ينور يا باشا

[/QUOTE]
الله ينور عليكوا و على اعضاء المنتدى الكرام

**arafahafez** · 12-05-2010 02:48 AM

فيصل الكلام ...لابد من التسخين لكى يرتفع الزيت من الكرتيرة الى اعلى الموتور وبالتالى تزييت الاجزاء العليا من الموتور وخاصة البساتم لتقليل الاحتكاك مع الشيميز ... والهدف الثانى من التسخين هو وصول الموتور الى درجة الحرارة المناسبة لتمدد جميع الاجزاء بالقيم المناسبة والمحددة من قبل اثناء عملية التصميم وبالتالى الحصول على اقصى وافضل اداء للموتور عند التحرك ... ولان موتور السيراتو مصنوع من الالمنيوم فهو لايحتاج الى وقت طويل فى التسخين عكس المواتير القديمة التى كانت تصنع من سبائك معدنية لها معاملات تمدد مختلفة لذلك كانت تحتاج للتسخين لفترة طويلة ... عموما تسخين السيراتو يجب الا يتعدى ثلاث دقائق ثم تحرك بالسيارة وافعل بها ماتريد ...نصيحة اخيرة ... بعد عمل مشوار طويل بالعربية يفضل عدم اطفاء الموتور مباشرة بل يفضل ترك الموتور لمدة دقيقة حتى يهدأ ثم يغلق الموتور وتنزل من السيارة فى امان الله ...وهكذا بالتسخين وتأخير اغلاق المحرك تحافظ عليه اكبر فترة ممكنة ... والسلام عليكم ورحمة الله وبركاته.