انا لسه داخل على اتشك ال 5000 ومتااااااااابع معاكم مشكله العازل وعضه المارشيليه كلهم عندى بردو
عرض للطباعة
انا لسه داخل على اتشك ال 5000 ومتااااااااابع معاكم مشكله العازل وعضه المارشيليه كلهم عندى بردو
الحمد لله عملت صيانة ال 5000 امبارح و قابلت المهندس عمرو ابو الفتوح راجل في منتهى الزوق و الاحترام بصراحة القصة بدأت امبارح و انا بعمل الصيانة المهندس بيسألني في اي ملاحظات رحت قلتلوا المشكلة الشائعة اللي في اللوجان العضة بتاعة المارشدير قالي شائعة ايه يا فندم دي مش موجودة و كل الموضوع ان زيت فتيس اللوجان خفيف فبيسبب الصوت ده قلت بيني و بين نفسي اااااه بدأنا قلتلوا انا من نايل موتورز و كنا بعتنا ميل لفرنسا بالموضوع ده و اتبعت للمهندس عمرو و كلمنا و قالنا ان الموضوع يتحل عادي بتركيب البريك و مفيش مشاكل قالي خلاص ادخل للمهندس عمرو دخلتلوا و بدون ما يعرف ان من نايل موتورز و بيقلي ده عادي جدا و مفيش حاجة و كدة قتلتوا حضرتك احنا بعتنا ميل لفرنسا بالموضوع ده لقيتو استغرب كدة و قالي اي ميل لفرنسا بيجيلي المفروض قلتلوا احنا اكثر من واحد بعتناه منهم انا و استاذ ذكر الله و الاستاذة هبة من اسكندرية قالي ده الموضوع انتشر بقى ،هبة الوحيدة اللي جالي منها ميل و كلمتها و قلتلها كذا كذا قلتلوا اه ماحنا عارفين حسيت اكنو بيقول ااه مش هنخلص بقى =) و قالي مفيش مشاكل اعملهالك بس تجيلي بكرة الساعة 8 علشان الموضوع ده بياخد وقت و قلتلوا على العازل قالي حاضر من عنيا و رحت النهاردة الساعة 8:30 استلمت العربية بعد ما اتغسلت و اتظبطت الساعة 1:45 و اتكلت على اله بدون اي عضة للمارشدير و بدون سخونة و بالفم المليان عاوز اقول
شكرا نايل موتورز
شكرا رينو مصر eim
شكرا يا باشمهندس عمرو ابو الفتوح
انا لسة مش مطمن ,معنى كدة ان الحجات دى مش بتتركب الا بالطلب و الالحاح و دى عكس كل الكلام الفات يعنى هما سياستهم انهم يقلبو الناس وبعدين طلما فى عيب صناعة يبقى حقنا هما يقوللنا شكرا ان احنا ساكتين مش احنا:I_angr1[1]:ا نقول شكرا ودول محترامين
عمتن انا بعتذر اليك لو كلمتى ضايقتك :wubclub:
بالنسبة لردهم انت شايف انه اقصى شى ممكن انا بخالفك الراى بصراحه
يعنى لما يكون فى عيب صناعه جزرى وفى مكان حساس اللى هو الفتيس مينفعش ان العميل يجرى ورا التوكيل والشركه يمين وشمال عشان يركبوا البريك ده ويتحايل عليهم وهما عايشين الاستعباط على العملاء وكتير من الاعضاء بيقولوا انهم لما بيروحوا التوكيل عشان العضه المهندس بيشتتهم ويقولهم لا انت بيتهيالك ده مفيش حاجه
التوكيل المحترم طالما لقى عيب فى العربيه يحاول حلها ولو فرضنا ان فى مشكلة فى عدم توافر البريك اكيد الرد على العملاء باسلوب محترم ان الفتيس محتاج قطعه غيار ومش متوافره حاليا ولما تيجى هنقولك اظن ده افضل من فكره اقناع العميل بانه مخطا
أنا حصل معايا مشكلة مشابه لهذه من حوالى سنتين كان معايا 128 وروحت لميكانيكى قولتله الفتيس بيعض (بيزعق) فى الغيار التانى قالى اوك وهعالجه اخد منى بتاع 300 جنيه وبعدين قالى جرب القى الفتيس زى ما هو وقوله مفيش تغير يقولى لا حضرتك مبتعرفش تدوس دبرياج دوس دبرياج على الاخر اقوله هو انا مبعرفش ادوس دبرياج فى الغيار التانى بس :brn:
فيوم اما اغير اقول هجيب لوجان القى فيها نفس المشكلة
واضح انى نحس فى موضوع عضه الغيار التانى دى :E_braces[1]:
سبحان الله انا وحضرتك كنا بنعمل الصيانة فى نفس الوقت بس انا فى اسكندرية وحضرتك فى القاهرة ... عموما حعمل موضوع بالزيارة ان شاء الله وهى عموما كانت موفقة جدا زى حضرتك بالظبط
بس غريبة انه استغرب لان هو اللى قالى الكلام ده للناس كلها عادى
بس انا كده اسمى انتشر فى رينو كلها كده ممكن يبلغوا عنى وبقيت معروفة بالاسم :F_eyeb1[1]::colsmil:
شكرا نايل موتورز
شكرا رينو مصر eim وفرنسا كمااااان اجمد سلام
شكرا يا باشمهندس عمرو ابو الفتوح
شكرا يابشمهندس حسام حمدى جداااااااااااااااااا
يا باشا مضايقش نفسك توكيل رينو معروف عنو انو لو فيه عيب صناعة بيعترف بيه و الدليل على كدة اللي حصل مع بيشوي في تغيير تقطم الدبرياج كامل و عمل البريك و تقريبا بيشوي كان اول واحد عمل الحاجات دي
و فيه عضو معانا لسة عامل صيانة ال10000 و اتعملتلو بعد ماقلهم عليها في صيانة ال5000 و قالولو ان عربيتو هتتحط من ضمن الطلبية اللي جاية من فرنسا و قد كان فمعنى كدة انهم بيعملوها عادي بس ممكن تكون زي ماتقال قبل كدة ان الكمية محدودة
و فيه اعضاء عندنا مش حاسين بالعضة ولا السخونة فمعنى كدة انها مش موجودة دايما انا مش بدافع عن التوكيل ولا حاجة بس الناس عملو معايا شغل و عربيتي اتظبطت فلازم اشكر الناس
و مساء الفل يا باشا
فعلا حلوة ... صباح السيطرة :ma:
http://www.nilemotors.net/Nile/14740...post3872628526
طيب يا جماعة بخصوص العازل
هوه أحس إزاى إن العازل مش متركب أو محتاج يتركب؟؟؟
عشان أنا شغلت النكييف ولابس شبشب وبأمانة محستش بسخونة
يعنى المفروض السخونة تبقى جايه منين بالضبط؟؟
يا باشا والله ما فيه حاجه كفايه ذوقك
أنا معاك أن فيه سلبيات زى محاوله التهرب ديه بس ممكن يكون التوكيل مش هيقدر فى الوقت ده يغير ل 7000 عربيه متباعه فى سنه فبيحاول يكون حل المشكله بطريقه هاديه وطبعا هو تضرف مش مثالى بس أنا قصدى أنى بحس أن توكيل رينو والتوكيلات الى بالى بالك عاملين زى واحد محترم حتى لما بيحاول يكذب ويتهرب بيبقى باين عليه عشان مبيعرفش يكذب والتوكيلات الى بالى بالك عاملنين زى واحد محترف فى الكذب وهو اسلوبه وبيمارسه باحترافيه
اكيد الكذب فى الحالتين سلوك مشين بس طبعا الصاحب الاول ممكن تصاحبه والصاحب التانى ابعد عنه احسن
يعنى فيه سلبيات فى التوكيل بس اجمالا هو توكيل محترم