الحمد لله ... حل مشكلة الفتيس وعضة المارشدير

**hobby10** · 03-05-2010 08:42 PM

مفااااااجأة ياجماعة ... الحمد لله النهاردة لاقيت اميل جايلى من فرنسا رد على الاميل اللى بعته امبارح بس طبعا للاسف مفهمتش حاجة من الفرنساوى اللى باعتينه والترجمة من جوجل طبعا غريبة

المهم لاقيت اتصال من مهندس عمرو ابو الفتوح من رينو القاهرة حاول يفهم منى ايه الوضع شرحتله وطبعا بيقولى انتى بتقولى 200 عربية فيهم العيب قولتله لا يافندم بس هى مشكلة متككرة عند كذا حد والمقصود انها مش حالة فردية وان المعلومات دى عندى من خبرات ناس تانية معاهم العربية برضه .. قالى انتى بتتكلمى على نايل موتورز قولتله تمام قالى انا بحكم شغلى بدخل على الجروب عندكم وبطلع على رأى الناس فى العربية قولتله طيب تمام وده شيئ يشرفنا بس مطولتش معاه فى الكلام فى النقطة دى بصراحة المهم
هو قالى والكلام ده للناس كلها بطلب منه اى حد عنده مشكلة فى الفتيس هو بيركبله قطعة اكيد قصده على البريك اللى احنا سمعنا عنها اروح التوكيل لمهندس حسام حمدى مدير الورشة فى العامرية وابلغه انى من نايل موتورز وان مهندس عمرو قالى اروح التوكيل علشان الفتيس وهو حيظبطلى القصة - طبعا ياجماعة اى حد حيروح عموما فى اى فرع حتى لو القاهرة اكيد برضه حيروح لمدير الورشة اين كان مين ويقوله برضه على المشكلة وان مهندس عمرو ابو الفتوح بلغ ناس هو يعرفهم بالقصة دى واكيد حتتحل ان شاء الله طبعا ده اذا اضطر يحكى اصلا القصة دى يعنى والامور مكانتش متظبطة طبيعى - بس فى ملحوظة مهمة ان لو العربية عاملة 10000 كيلو القطعة حتركب فى نفس اليوم عادى لكن لو لسه مجبتش ال 10000 العربية حتبات فى التوكيل لانهم حيبعتوا اميل لفرنسا الاول يطلبوا تغيير القطعة .......

وبكده ياجماعة المكالمة دى فادتنا اولا فى اهتمام التوكيل طبعا وسرعة الاستجابة وتانى حاجة اتاكدنا ان المشكلة ليها حل ومعترف بيه وهو تركيب البريك ........ الف مبروك وربنا يكرم

**gebreel** · 03-05-2010 08:52 PM

شكرا يا hobby و ممكن تحطي نص الميل لو حد هنا بيفهم فرنساوي فرنسا مش فرنساوي البلد يترجمو =)

**Col. Eng. Khaled** · 03-05-2010 09:02 PM

مبروك يا باشمهندسة و عقبال باقي الزملاء

**hobby10** · 03-05-2010 09:08 PM

نص الاميل

En nous écrivant à travers notre site www.renault.fr ou à l'adresse mail contact.client@renault.com, vous vous adressez au Service Relation Client France. Notre périmètre est la France métropolitaine.

Afin que votre demande soit traitée au plus vite, nous transmettons votre courriel à la direction Renault du pays depuis lequel vous nous écrivez. C'est donc la direction Renault locale, ou bien l'importateur, qui vous répondra directement.

Au besoin, n'hésitez pas à les contacter au + 202 506 16 00 .

Nous vous informons qu'il ne sera pas gardé de double de votre demande au Service Relation Client France.

Merci de nous avoir contactés.
Nous vous souhaitons une agréable journée,

**zkralla** · 03-05-2010 09:24 PM

تمااااااااااااااااااااااا اااااااااااااااااااااام

**frhateg** · 03-05-2010 09:47 PM

المهم المهندس حسام حمدي مدير الورشة اللي في العامرية ( اللي كل الناس في عده مشاركات من قبل كانت بتقول عليه انه قليل الذوق ) انه يكون عنده فكره علي الموضوع و يقوم بالتنفيذ علي طول من غير كثر كلام . و ياريت لما تروحي تبلغينا باللي تم . علي اعتبار ان عربيتك عدت ال 10000 كيلو يعني حتخلص في نفس اليوم . والا العربية اللي معملتش ال 10000 ممكن يروحلهم يحجز القطعة و يروح لهم يوم تاني يركبها علي اساس انها متبتشي عندهم .

**hobby10** · 03-05-2010 10:10 PM

المشاركة الأصلية كتبت بواسطة frhateg

المهم المهندس حسام حمدي مدير الورشة اللي في العامرية ( اللي كل الناس في عده مشاركات من قبل كانت بتقول عليه انه قليل الذوق ) انه يكون عنده فكره علي الموضوع و يقوم بالتنفيذ علي طول من غير كثر كلام . و ياريت لما تروحي تبلغينا باللي تم . علي اعتبار ان عربيتك عدت ال 10000 كيلو يعني حتخلص في نفس اليوم . والا العربية اللي معملتش ال 10000 ممكن يروحلهم يحجز القطعة و يروح لهم يوم تاني يركبها علي اساس انها متبتشي عندهم .

لا يافندم مهندس حسام حمدى ده غير استاذ حمدى اللى الناس اتكلمت عنه قبل كده .. مهندس حسام انسان محترم وانا اتعاملت معاه بشخصى قبل كده مفيش مشكلة فى التعامل معاه ابدا ان شاء الله

بالنسبة لعربيتى فللاسف هى مكملتش ال 10000 ولا حاجة لانى بقالى فترة بسوقها خفيف فلسه شوية على ال 10000

اما موضوع الحجز فى يوم وتانى يوم تتعمل معنديش فكرة الصراحة اذا كان ممكن ولا لأ بس لو حد عنده فكرة ياريت يقولنا لانها حتفرق معايا انا شخصيا