الموضوع: عايز أجي تلفزيون بس تهت ...... ساعدوني

المشاركة الأصلية كتبت بواسطة Ahmed A.Maksoud

للأسف غير صحيح

لو عاوز أقصى أستفادة من ال FULL HD يبقى تجيب ريسيفر HD و تشغل قنوات HD أو تجيب DVD player HD برضه و تشغله على الشاشة

بس لو جبت ريسيفر عادى ووصلته عليه الصورة هتطلع زيها زي التلفزيون العادى إن مكانتش أحسن شوية بسيطة.

اوحش بكتير

أنا عارف إني مش هتفرج على التلفزيون بالنقاء الموجود في المعرض عشان ده بيكون شغال في ظروف خاصة من حيث إن السيدي أصلي و معمول مخصوص للعرض و جهاز العرض في الغالب بيكون متوافق مع التلفزيون يعني همه مظبطين الدنيا عشان الزبون يشوف صورة مش هيشوفها في بيته الا لو صرف كتير جدا
بس مش معقول الصورة هتكون أوحش من التلفزيون العادي أهي دي بقى مصيبة
امال أنا هدفع فلوس أكتر بكتير ليه بقى ؟

انا هقول بس ان اللاب توب الجديد بتاعي كان مكتوب عليه led display ولا كنت اعرف ايه هو البتاع دة
بس شكرا استاذ سبعاوي على المعلومات

الميزة اللي شايفها في الشاشة دي والقديمة ان دي فعلا صورتها منورة اوي عن القديمة
الاضاء عالية يعني التانية دلوقتي لما بشوفها بحس ان الدنيا ضلمة

الشهر الماضى انا كنت اجازة فى مصر وحبيت اجيب تلفزيون بشاشة كبيرة ولفيت شوية وسالت وكانت المحصلة كالتالى
1)معظم الناس بتوع المبيعات لا يفقهوا اى شئ فى معرفة مواصفات الشاشات المختلفة والفروق الفنية بين كل موديل على الاطلاق
2)الفرق بين lcd , والبلازما فى السعر فرق معتبر جدا وبالاضافة انه البلازما ليها استجابة سريعة جدا وهتحس الفرق ده لما تكون بتتفرج على مباراة كرة قدم هتلاقلى الصورة سيئة جدا فى lcd واللاعبين والكرة حواليها شادو او تيل سخيف جدا
3)لو عندك اطفال او عايز توصل الشاشة على كمبيوتر يبقى الافضل تشترى lcd لانه الاشعاع المنبعث من البلازما ضار جدا ولازم تبقى بعيدة عن الشخص اللى بيتفرج مسافة كبيرة وده عامل مهم جدا بيحدد نوع الشاشة اللى هتشتريها
4)سواء كانت الشاشة full HD او لا واقصد طبعا lcd علشان تستفيد منها لازم يكون الريسيفر والقناة كمان HD
4)افضل الانواع لما اشتريت بالنتسبة للسعر كانت lg وكانت الشاشة 32 بوصة مواصفات كاملة full HD مع usb ثلاثة الاف و 500 جنيه فى كارفور وخلاص رحت اشتريها للاسف كانت خلصانة لانها اكتر شاشة بتتباع وكان يليها lg بلازما 42 بوصة 1:2000000 وعمر افتراضى 120000 ساعة وصورة خرافية ب 4000 جنيه واللى خلانى اتراجع عن البلازما وجود اطفال وبيجلسوا على مسافة قريبة جدا من التلفزيون
5) رحت شارع عبد العزيز وسالت وجدت معظم المحلات مزود من 200 الى 300 جنيه عن كارفور وكنت هنتظر لما يجيبوا الشاشة lcd 32 بوصة فى كارفور بعد اسبوع وفجاة وجدت محل بيبيع شاشة سانيو full HD بس مافيهاش usb وصورتها تحفة وفيها 3 مخرج HD وصوت مجسم 3D ب 2750 بعد الفصال فاشتريتها فورا وشغالة عندى زى الفل فى البيت و عموما ال usb عندى موش مهم بدرجة كبيرة
6)بعد لما استخدمتها فترة ندمت انى لم اشترى حجم اكبر شوية زى 37 او 42 ولو عاد بى الزمن للوراء هشترى البلازما ال 42 او 50 بوصة وكنت هاركبها على حامل فى الصالة بعيد عن الاولاد وهتكون المشاهدة فيها ممتعة جدا والسبب انى غالبا لما باشوف التلفزيون باشوف متشات الكورة وللاسف lcd سيئة جدا فى مشاهدة المباريات مهما كانت مواصفتها
وتقبل تحياتى

يا دكتور انت كلامك زي الفل
أنا الصراحة متردد جدا و شايف ان ال 32 بوصة صغير و ال 50 معقول رغم اني مش من هواة الكورة
و حكاية انعكاس النور على الشاشة دي مش قضية يعني لو علقت الشاشة على الحيظة بزاوية لتحت زي ما بنعلق البراويز مش هتنعكس على الشاشة و لا أقولك نطفي النور و نريح دماغنا
و المسافة بيني و بين الشاشة هتكون تقريبا 4 ل 5 متر و دي مسافة أمان جدا

ايه رأيكم يا شباب أتوكل و أجيب بلازما 50 بوصة و لا ال 32 ال سي دي ؟

المشاركة الأصلية كتبت بواسطة ahmed a.maksoud

يا عم طارق أنا عندى شاشة سونى 2 ميجا full hd و ريسيفر عادى و الصورة أحسن من التلفزيون العادى..........تفتكر ليه ؟؟؟؟؟؟؟
جايز التلفزيون العادى هو اللى كان صورته وحشة ؟؟؟؟؟؟؟؟؟؟

اكيد
و بعدين فيه كذا وصله للتليفزيون من الرسيفر
لو استخدمت واحده نضيفه فى الحالتين هتلاقى الدنيا قريبه طالما مش ريسيفر hd

المشاركة الأصلية كتبت بواسطة ahmed a.maksoud

يا عم طارق أنا عندى شاشة سونى 2 ميجا full hd و ريسيفر عادى و الصورة أحسن من التلفزيون العادى..........تفتكر ليه ؟؟؟؟؟؟؟
جايز التلفزيون العادى هو اللى كان صورته وحشة ؟؟؟؟؟؟؟؟؟؟

ياباشا أنا شوفت التلفزيون الشارب على رسيفر عادى والصورة كانت سيئة للأسف ، والبينكيو نفس الكلام

يمكن بعض القنوات الصورة عليها كانت احسن شوية بس مش فى نفس رونق الصورة على التلفزيون العادى ، الألوان كانت مش مظبوطة والصورة كانت مبكسلة على الآخر