الموضوع: سيتروين و لا سيات و لا سكودا

طبعاً ليون افضلهم بمراحل كبيرة اوى ...كا أداء و قوة و متعة
بس مش متوافر فيها ولا شرط من اللى انت حاططهم (بصورة مش كبيرة عن الباقيين )
لأن الغالى تمنة فية

يعني لو بعتها بعد خمسة و عشرين سنة مثلا هاخسر جامد اوي
و قطع غيارها مش متوفرة و غالية
و التوكيل محترم و لا ايه
معلش انا حاتعبك معايا

انا مش عارف تقصد اية بعد 25 سنة دى(دة بجد يعنى ؟)
...بس انت ساعتها على نظام البلد هنا ممكن تكسب فيها و الامثلة على كدة كتير .
1-قطع الغيار ...متوفرة جدأً فى التوكيل فقط حتى الان
2-قطع الغيار غالية طبعاً فى رانج قطع غيار الجولف الجديدة الى حد ما أو أقل حاجة بسيطة ...بس معمرة جداً و العمر الافتراضى لها طويل اوى بالمقارنة بسعرة .
3-التوكيل محترم جداً و شغلهم ممتاز ...بس غالى شوية نظراً لآنة بيعتبر نفسة بيشتغل فى عربيات رياضية (سيات -بورش ) غير انة توكيل مرسيدس بردو

انا مش من هواة تغيير السيارات
يعني انا مش بسيب عربية الا لما الاقيها حتبتدي تسحب فلوس مني
يعني انا عندي سكودا فيفوريت و لسه بقالها كام شهر بتسحب فلوس مني تصليحات و كدا
و انا من النوع اللي مش بهلك العربية
يعني العربية موديل 1994 و عاملة 35 الف كيلو بس
ففي رايك سيات ليون تقعد كام سنة قبل ما تتعب مني و تبتدي تسحب فلوس و اعطال و كدا
انا حريص جدا على السيارة
فياريت لو تفيدني

و معلش حاجة اخيرة
هل تصليح السيات سهل و انهو اسهل تصليح السيات و لا السيتروين
بالنسبة للميكانيكيين
و لا السيارتان محدش يعرف يحط ايديه فيهم

اة كدة فهمت ...لأ من الناحية دى متقلقش خالص السيات الجناح الرياضى لمجموعة فولكس واجن الالمانى و العربيات دى معمرة جداً بدليل وجود موديلات السيات من التسعينات فى مصر و الكل بيشكر فيها جداً و بتستحمل بهدلة جامدة جداً وخصوصاً من الشباب و انت عارف استعمالهم اذاى

بس انا ليا رأى يمكن يكون غريب عليك شوية فا بالرغم من انى من عشاق السيات و معايا سيات قرطبة الا انى شايف حرام الليون تمشى فى شوارع مصر الصراحة هو صحيح فى الاحسن منها بيمشى ذى الفئات اللى بنتابع اخبارها ..بس بيبقى مفروض ان معاك ادها تانى فلوس للصرف عليها فا مش هتلاحق من
(مطبات-بلاعات-طرق سيئة جداً-حوادث غبية ..عربية تريح عليك ..و احد يحكها وهو معدى من جنبك -خرابيش و عيال مقرفة -سرقة طاسات وجنوط ودلوقتى بطارايات -حد بيركن وراك يكسرلك فانوس ...و هكذا ..شىْ مقرف)

مع كل الاحترام للعربيات المحترمة بس البلد عايزة عربية مش محترمة .

طب معلش ممكن تجيبلي امثلة لاي قطع غيار ليها و سعرها
يعني مثلا تيل الفرامل بتاعها بكام

و اخر حاجة
هي العربية مش مناسبة للطرق المصرية زي سكودا
يعني مش عالية على الارض و بتاكل اي مطب
و عفشتها مش كويسة ولا ايه
و الفوانيس اللي قدام مش ضد الكسر
و اسعار فوانيسها كام عمتا
معلش انا بتقل على حضرتك بس زي ما حضرتك عارف
قرار شراء سيارة مهمة جدا و خطير