الموضوع: اية اقصى سرعة جبتها بعربيتك وحسيت بامان

بما انى فى السعودية والطرق هنا طويلة ومساعدة جدا وانا هنا سوقت عربيت كتير ففى طريقى من الرياض لمكة حوالى 850 كيلو مرة كان معايا ياريس وصلت الى 170 كم بس بصراحة الرياس تخوف يعن منصحش تزود بيها عن 140 واقصى سرعة جبتها كانت بكامرى 2007 جابت 200كم وكان معايا 4 فى السيارة وده كان مساعدنى اكتر فى ثبات العربية ومحستش انى ماشى بالسرعة دى وبنيسان التيما 2005 جبت 180 كم والعربية مرديتش تزود معايا مع ان عدادها 240 كم بس انصح اخواتى هنا مهما كانت العربية كويسة معاك متعديش ال150كم وكمان فى الطرق السريعة والله انا هنا بحاول اتحكم فى نفسى انى معديش السرعة دى لانى شوفت هنا حوادث ربنا يكفينا كلنا شر الطريق لكن على طريق مكة مبقدرش اتحكم فى نفسى خصوصا لو انا سايق الطريق كله لوحدى ومفيش حد يبدل معايا لانى بسواق حوالى 8 ساعات

180 جبتها على الصحراوى الغربى وعربيتى كريستالة

اقصى سرعة 255 ب mercedes S500 موديل 94 على طريق العين السخنه احساس الامان فيها لغاية ال220 ممتاز
200 بلانسر شارك 1600 ثباتها ممتاز

195 كم ولكن الامان عند 160 كم

225 بس خوفت بصراحة لما شوفت العداد انما كثبات ثابته ماشاء الله
السيارة تويوتا كامري 2009

بقالي 10سنين بسافر على طريق القاهرة شرم بسرعة 150 - 180 طول الطريق وياما اتنصحت بعدم الجري وعمري ما سمعت للنصايح وكنت متخيل انه عمري ما هعمل حادثة في حياتي لاني عارف امتى اجري وامتى اهدي زي حال اغلبية الشباب...ولكن من شهرين ربنا اراد فردة كاوتش ضربت وكنت ماشي 180 وفي لحظة العربية عامت مني واتقلبت 3قلبات سبحان من وقعني من باب العربية ونجاني من موت مؤكد والحمد لله اني كنت لوحدي بدون زوجتي أو بنتي...من كرم ربنا طلعت من الحادثة بكسر وشوية كدمات والحمد لله دلوقتي بقيت تمام والعربية بعتها بخسارة 40000ج عن اللي اتعرض عليا فيها قبل الحادث باسبوع....اقسم لكم بالله ما كان فارق معاية الخسارة ولا الكسور اللي عندي واكتر حاجة كانت مأثرة فية هي ان انا لو كنت مت مش بعيد اكون في منزلة المنتحر واخش النار عشان ماشي على 180بعربية لوجان.... انا طولت عليكم معلش لكن حبيت بس انصحكم بالله عليكم بالله عليكم بلاش السرعات المبالغ فيها عشان ارواحنا هنتحاسب عليها يوم القيامة ولو ربنا سترها معاك مرة واتنين وألف في مواقف بتقابلها وانت سايق مش لازم يسترها على طول.
انا حبيت انصحكم سائلا الله السلامة والصحة للجميع

المشاركة الأصلية كتبت بواسطة aboamina

بقالي 10سنين بسافر على طريق القاهرة شرم بسرعة 150 - 180 طول الطريق وياما اتنصحت بعدم الجري وعمري ما سمعت للنصايح وكنت متخيل انه عمري ما هعمل حادثة في حياتي لاني عارف امتى اجري وامتى اهدي زي حال اغلبية الشباب...ولكن من شهرين ربنا اراد فردة كاوتش ضربت وكنت ماشي 180 وفي لحظة العربية عامت مني واتقلبت 3قلبات سبحان من وقعني من باب العربية ونجاني من موت مؤكد والحمد لله اني كنت لوحدي بدون زوجتي أو بنتي...من كرم ربنا طلعت من الحادثة بكسر وشوية كدمات والحمد لله دلوقتي بقيت تمام والعربية بعتها بخسارة 40000ج عن اللي اتعرض عليا فيها قبل الحادث باسبوع....اقسم لكم بالله ما كان فارق معاية الخسارة ولا الكسور اللي عندي واكتر حاجة كانت مأثرة فية هي ان انا لو كنت مت مش بعيد اكون في منزلة المنتحر واخش النار عشان ماشي على 180بعربية لوجان.... انا طولت عليكم معلش لكن حبيت بس انصحكم بالله عليكم بالله عليكم بلاش السرعات المبالغ فيها عشان ارواحنا هنتحاسب عليها يوم القيامة ولو ربنا سترها معاك مرة واتنين وألف في مواقف بتقابلها وانت سايق مش لازم يسترها على طول.
انا حبيت انصحكم سائلا الله السلامة والصحة للجميع

ربنا يسترها في طريقنا ويكفينا شر الحواذث والحمد لله على سلامتك

180 اودى 1998 و اجمل ما فيها مش التسارع لا الفرامل كانت بتدينى الامان فى الجرى عشان عارف انى هفرمل هقف