الموضوع: هااااام جدا ,, لكل الناس الي بتعرف تسوق ,, مساعدة ضروري جدا

شكرا بجد يا جماعه لكل الناس الي ردت عليا و كل الردود جميله و كلها كلام بجد يشجع و يخلي عندي امل يعني .. انا استفدت كتير من كل الكلام ده بجد .

انا كنت بقول افيو علشان مع صاحبتي و سوقتها النهارده بس بصراحه لسه متغيرش حاجه يعني برده عرق و شدة اعصاب و رجلي وجعتني من موضوع الدبرياج ده بجد و العربيه اتخبطت من تحت في مطب صناعي حاجه بسيطه كده يعني و الله الاتوماتيك جميل بس انا مصممه اسوق مانيوال الاول علشان ابقى بوفيشنال اوتوماتيك يعني ( بعد 20 سنه كده )

المهم انا مكنتش اعرف اني لو سبت الدبرياج حاجه بسيطه العربيه تمشي , طيب مهي كده هتنط و تطفي اصلا و لا ايه يعني لو سبت حاجه بسيه كده هتبدأ تتحرك فعلا ؟ المشكله اني لما باجي المس البنزين بس كده العربيه تجري

انا قررت مش هسوق كل فتره تاني بقا لازم كل يوم و ان شاء الله في امل

و مره اخيره شكرا لكل الناس الي تعبت نفسها و ردت :)

هتعلم على لانوس و بعدين لما اسوق كويس نبدأ نشوف موضوع نوع العربيه بقا ان شاء الله

شكرا يا جماعه :)

السلام عليكم

نفسي ييجي يوم وادخل الموضوع ده و اضحك بقا و اكون بعرف اسوق بجد :(((

شكرا يا دودي و ربنا يسهل ان شاء الله

المشاركة الأصلية كتبت بواسطة ama

طريق سريع مين صلى على رسول الله كدة و أهدى أل طريق سريع أل
لأ أنتى الأول أنزلى مع واحدة من صحابك و جيبوا أتنين بيبسى كانز و أطلعى بالعربيه فى طريق فاضى خالص مفيهوش عربية سريعة نهائى و أمشوا بالراحه لحد ماتحسى بثقة , بعد كدة ارجعى شارعكم (لأن وسط البلد أو الأماكن إلى فيها زحمه دى ممكن حد ينزل يضربكم) و أتعلمى كدة أنك تعدى جمب عربيه واقفه و أرجعى تانى كدة حاولى تركنى فى مكان فاضى و أنزلى شوفى كدة الركنه جت صح ولا لأ و كرريها كذا مرة على بال ماتركنى صح , بعد كدة حاولى تعدى جمب عربية ماشية و خليكى جريئة كدة , و بعد كدة أركنى مابين عربيتين كدة هتلاقى كل حاجة أتحلت و فهمتى مساحة عربيتك كويس , كل دة طبعا مش فى يوم و ليله أكيد حوالى شهرين كدة و هتبقى بروفيشنال إن شاء الله و متنسيش البيبسى دا أهم حاجة

إظاهر إن البيبس عمل معاك مفعول أكيد في تعلم السواقه

اختى انتى احسن حاجه هاتى اوتوماتيك حاتريحك وتتعودى بسرعه عليها

المشاركة الأصلية كتبت بواسطة cyborg_ift

إظاهر إن البيبس عمل معاك مفعول أكيد في تعلم السواقه

دا عملت مفعول جااااااااامد جدا يا راجل دا فيه أختلاف جزرى دا أنا كنت بمسك الدريكسيون بأيدى الأتنين و مطلع راسى أدام كدة عشان أركز و كنت بخاف أيدى تترعش حتى لحسن نتقلب هههههههههههههه رغم أننا بقولك لحد دلوقتى مش ممتلك عربية لكن صحابى مظبطنى و كل شوية تعالى سوق و كدة و الكام تجربة إلى عملتهم قبل كدة الحمد لله أتطوروا جدا و بقيت عادى و أعصابى هاديه جدا و بعرف أركن و كل حاجة يعنى مفيش أى مشكلة

المشاركة الأصلية كتبت بواسطة omaroof

اختى انتى احسن حاجه هاتى اوتوماتيك حاتريحك وتتعودى بسرعه عليها

بس المانيوال الفايده فيه إنها هتتعلم صح 100% لكن الأوتوماتيك لو مش متعودة على المانيوال مش هتعرف تسوق بعد كدة مانيوال