الموضوع: هااااام جدا ,, لكل الناس الي بتعرف تسوق ,, مساعدة ضروري جدا

ميرسي جدا يا جماعه :)

المشاركة الأصلية كتبت بواسطة shiko85

كلام سليم بس المانيوال مش هو السواقه, السواقه مش بس ان الواحد يعرف ينقل الغيار صح و بعدين لو هى بتتعب من الدبرياج يبقى خلاص اوتوماتيك و عربيه صغيره و تتعلم و ان شاء الله تبقى محترفه
بس تجمد قلبها شويه و تبطل عصبيه و لتانى مره بلاش افيــــــــــــــــــــــ ــــــــو شوفى بيكانتو او i10 اوتوماتيك

فعلا يا شيكو و يعجبنى فيك أسلوبك الراقى والله و دايما تكسفنى ههههههههههههه
بس أنا بحب المانيوال شوية و شايف إنها من أساسيات السواقة كوجهة نظر شخصية أصل انا مش متعمق أوى فى السواقة
و فعلا زى ماقالك شيكو أوعى تجيبى أفيو نهااااااااااااااااااااائى أنت بنت و مش حمل بهدله دا محدش فى المنتدى هنا شكر فيها غير عضو واحد و حوالى 8 قالوا إنها عربية زبالة

المشاركة الأصلية كتبت بواسطة salma_01

شكرا لاهتمامك
يعني مع الوقت ممكن اسوق زي الناس ولا مفيش امل
اصل انا ناس قالتلي الموضوع استعداد و في ناس هتفضل طول عمرها مش بتعرف تسوق و كده فاتعقدت

بس موضوع المسافات دي باشظ خالص .. ده برده مع الممارسه ؟؟

يعني حضرتك كنت كده برده ؟

لا هتتعودي مع الوقت لان دة مهارة امخ الانسان بيكتسبها و هي ال coordination
و دة مع كتر التكرار و الخطأ في السواقة هتلاقي نفسك بتسوقي من غير ما تفكري
يعني مثلا مش هتفكري امتى تدوسي بنزين و امتى دبرياج كل دة بيكون اتوماتيك

بس الموضوع عايز try & error

انا كنت كدا في الاول بمسك الدريكسيون جامد بايدي و بكون خايف جداا لما امشي جنب اي عربية احين اني هخبط فيها و كنت بعرق اويي من التوتر

لكن الحمد لله كل دة راح في خلال شهرين من السواقة المكثفة و الحمد لله انا بسوق من 2006
و ما تقلقيش و ان شاء الله خير و سوقي على مهلك الاول و لو هتطلعي طريق سريع امشي في اليمين لحد ما تتعودي

كلام جميل :)

المشاركة الأصلية كتبت بواسطة AMA

فعلا يا شيكو و يعجبنى فيك أسلوبك الراقى والله و دايما تكسفنى ههههههههههههه
بس أنا بحب المانيوال شوية و شايف إنها من أساسيات السواقة كوجهة نظر شخصية أصل انا مش متعمق أوى فى السواقة
و فعلا زى ماقالك شيكو أوعى تجيبى أفيو نهااااااااااااااااااااائى أنت بنت و مش حمل بهدله دا محدش فى المنتدى هنا شكر فيها غير عضو واحد و حوالى 8 قالوا إنها عربية زبالة

والله مش عارف اقولك ايه اناهههههه, و انا والله بحب المانيوال فى متعه فالسواقه نقل الغيار وانت بتشد مع حد تانى و بجد متعه بس لو شارع فاضى مش نمشى 10 سم و نقف و نجيب الأول و التانى و بعدين اول و بعدين نقف و دبرياج و هم و بعدين بجد اللى عنده فرصه يشترى عربيه اوتوماتيك يبقى بلاش يضيعها علشان هيندم عليها قوى قوى
بالنسبه للأفيو مش عارف اقول ايه انت قلت الخلاصه,هى لو شافت i10 كامله ان شاء الله هتعجبها و موتورها 1100 سى سى حلو فالتعليم و موفر فالبنزين

المشاركة الأصلية كتبت بواسطة heshamzaky

معلش يا جماعة عاوز اقول رأى الى بيتعلم السواقة ولم يتعلم على عربية مانيوال دة مش حيعرف سواقة بالمعنى المفهوم لان 90 بالمائة من السيارات لدينا مانيوال ودة بيتيح فرصة للمبتدأ انة يحس بالعربية حتى يصبحوا هوة و العربية حتة واحدة ودة بيعطى للسائق ثقة اكبر فى نفسة ويعرف امكانيات السيارة الى هوا راكبها معاك طبعا ان النقلات مش كل السواقة هناك تقدير المسافات وطريقة الدوران فى الملفات واخيرا عملية الركن بس التعليم على الاوتوماتيك كأنك جايب طفل صغير بتعلمة الحساب على كالكوليتر لازم يتعلم على صوابع ايدية الاول واختلاف وجهات النظر لا يفسد للود قضية

اكيد اختلاف وجهات النظر لا يفسد للود قضية و بعدين كلنا هدفنا اننا ننصح و نساعد و نفيد بعض و خصوصا صاحبه الموضوع, نسبه العربيات المانيوال بتقل بصوره ملحوظه لعده اسباب منها الزحام الشديد و طبعا الأشارات و دا خلى الناس تتجه الى شراء الأوتوماتيك للتسهيل و الراحه و زمان كان صعب تلاقى عربيه اوتوماتيك بسعر معقول دلوقتى بقى فى اختيارات كتير و بأسعار معقوله جدا و لجميع الفئات و كان معظم الشباب بيختاروا المانيول علشان السحب بتاع المانيوال كان اسرع من الأوتوماتيك لكن دلوقتى بعد تطوير المحركات و تطوير الفتيس الاوتوماتيك بقى سحب الاوتوماتيك ذى المانيوال (tiptronic + kick down) و لو حضرتك شفت اعلانات بيع السيارات هتلاقى نسبه الأوتوماتيك زادت جدا