الموضوع: هااااام جدا ,, لكل الناس الي بتعرف تسوق ,, مساعدة ضروري جدا

المشاركة الأصلية كتبت بواسطة salma_01

بإختصار كده انا بتعلم جديد انا من سنتين كده كنت بسوق اتعلمت على عربيه مانيوال لمدة يومين و سوقتها 4 مرات كده مثلا و بعدين سقت عربيه اوتوماتيك اكتر من 20 مره بس كلهم في اوقات مش زحمه يعني و في اماكن واسعه و بس كده و ان شاء الله ناويه اشتري عربيه قريب و المشكله اني هجيب مانيوال و بصراحه سواقته لسه بالنسبالي صعبه جدا .. المهم انا عايزه اعرف انا اولا عمري ما ركنت عربيه ..
عندي مشاكل كبييييييييييييره في تحديد المسافات يعني لما اجي اركين جنب رصيف انزل من العربيه الاقيني ركنت بعيد عنه باتنين متر كده ( محدش يضحك )

و طبعا مركنتش قبل كده بين عربيتين ابدا ( اخاف اصلا )

و لما اجي اعدي بين عربيتين يبقا المكان واااااسع و انا ابقى مش عارفه بقا هيعديني ولا لأ
تقدير المسافات عاملي ازمه كبيره بجد
انا احرك العربيه عادي

و لكن

اولا في الغيارات رجلي تقيله عالدبرياج و البنزين و الفرامل كمان يعني العربيه لما تاخد الغيار بيبان عليها جامد

و الكارثه بقا في الطلعه يعني لما احب امشي بالراحه و اقف و اجيب ورا و الحجات دي لاااااااازم صوت العربيه يعلى شويه لأني بسيب الدبرياج نونو نونو كده فبتتأخر و الصوت يعلى


الخلاصه بقا انا حاسه اني عمري ما هعرف اسوق زي ما كل خلق الله بيسوقو الي هو يعني بقا بقلب جامد كده و اسوق بقا

عايزه اسوق

:((

هو انا فعلا كده عمري ما هسوق ابدا صح ؟
ولا علشان لسه مسقتش كتير و لا ايه
اعمل ايه طيب ؟!

كلنا مرينا بالمرحلة دي

و كلمتك "هو انا فعلا كده عمري ما هسوق ابدا صح ؟" كانت مراتي بتقولها و انا باعلمها السواقة

و دلوقتي لبلب

السواقة من الاخر تمرين ..... practice

و طبعا 4 مرات بس سواقة مانيوال مش حاجة ..... انت محتاجة 40 مرة مش 4 مرات

مرة في مرة هتتعودي

اهم حاجة تنسي فكرة انك مش هتعرفي تسوقي دي لانها هجص .... بكرة تضحكي و تتريقي على اللي فات

بس اهم حاجة انك تتعلمي من غلطاتك و تتمرني على تلاشيها و الا مش هيحصل تقدم

.يعني بتقولي العربية بتزعق و انتي بتسيبي الدبرياج

يبقى حد محترف ياخدك في مكان فاضي (مثلا ساحة انتظار بتبقى فاضية في وقت معين زي مثلا ساحة انتظار مدرسة يوم الجمعة) و تفضلي ورا الدبرياج لحد ما تتعلمي و تظبطي رجلك عليه

و كذلك الركنة ....... مرة في مرة هتظبط و كلنا في الاول كنا بنركن اي كلام و بيطلع عينينا

الخ الخ ...... لازم تاخدي وقتك و كل حاجة هتاخد وقتها و متخافيش

و بلاش التفكير الانهزامي بتاع انا مش هاعرف اسوق (مراتي كانت تقعد تفكر كده و كل ما تشوف بنت تانية بتسوق تقول يا بختها هههههههه) عشان التفكير ده بياخر التعليم جامد بجد ......