حاسس ان الفرامل عندك بقت أضعف؟

**nobody** · 28-01-2008 10:23 AM

انا يا جماعة حاسس ان الفرامل بقت ضعيفة (لانسر 2007)
رحت التوكيل فلم يتعبوا نفسهم و لم يجدوا حلا و بيقولوا انها كده كويسة
بس انا عشان سقت عربيات كتير عارف انها كده ضعيفة وبصراحة متعبة اوي خصوصا في الزحمة عشان اتوماتيك فبدوس جامد على الفرامل ولو سبت شوية أحس ان العربية بتزحلق مني كأن انا اللي بامسكها برجلي مش الفرامل
وانا بصراحة شايف ان العربية ما فيهاش اعتمادية (مش زي الكرولا ماشاء الله 85000 و عمرها ما فتحت بقها ) لأن مش معقولة عربية تبقى ماشية 2000 كم فقط وتحصل فيها مثل هذه المشكلة اللي مدوخاني بقالها شهر من التوكيل للميكانيكي
فيا ريت لو حد عنده نفس المشكلة او هي العربية فراملها كده فعلا يقولي عشان ما أتعبش نفسي لأني بصراحة زهقت من مشوار التوكيل 80 كم وعطلة على الفاضي

**إسلام شاهين** · 28-01-2008 10:26 AM

هو حضرتك كشفت على زيت الفرامل ؟ أو فيه تصفير في التيل ؟

أنا أول لماالتيل صفر غيرتهعلى طول والفرامل بسم الله ما شاء الله قوية جدا ومفيهاش أي مشكله

حاول تكشف على الزيت والتيل

**مصراوي جدا** · 28-01-2008 10:43 AM

يا باشا ما انا قولت لك شرفنا في اي يوم في قليوب وتعالى لي على المكتب فوق (ادارة الحاسب الآلي) وانا هانزل معاك لمهندس الاستقبال وباذن الله مش هتمشي غير واانت بتقول الفرامل ممتازة

وحدد انت اليوم مش هاقول لك حجز ولا خلافه شوف الوقت المناسب لك واحنا موجودين كل يوم ما عدا الجمعة من 8ص : الى 4م بس بلغني قبلها لتصادف اليوم اللي تروح فيه اكون انا اجازة او في فرع من الفروع