حاسس ان الفرامل ضعفت ؟ ليه ؟

**elshaky** · 18-05-2011 02:46 PM

حاسس ان الفرامل ضعفت سنه بس مش اللى تخوف يعنى ده ممكن يكون ايه ؟

علشان كان عندى صفاره فى التيل ولسه عامل 3500 كيلو بس خايف ليكون فى حاجه كده ولا كده

وحاجه تانيه الباور تقيل هل ده ممكن يكون من زيت الباور ولو غيرته ممكن يخف سنه بسيطه

**abo_pasem** · 18-05-2011 02:58 PM

روح لأي بتاع فرامل خليه يشوفهالك ممكن تكون محتاجه رجلاش
او يكون فيه تيل مقزز منك

موضوع الباور ده اعتقد ان العربيه سكاترا مش باور
لأن الباور مايخليش الدريكسيون يتحرك حتي في الملفات بيفضل ثابت
والتقل ده ممكن يكون بليه الدركسيون عايزه تتغير او فيه حاجه زانقه علي دراع الدركسيون من تحت او ان العجل مش منفوخ كويس
بص علي كل الحاجات دي وإتأكد بنفسك

وربنا يسهل

**akerima** · 18-05-2011 03:45 PM

اغسل العربية غسلة كويسة من تحت وخلي بتاع محطة البنزين يركز خرطوم المية وهو بيغسل علي الطنابير اللي ورا حتلاقي الصفارة راحت والفرامل اتظبتط

وخلي بالك معروف ان اللوجان باورها تقيل نوعا وبيخف مع الوقت انت لسة مخلصتش فترة التليين اللي تخلي العربية تبان بكل مميزاتها

بس ليا سؤال ل ابو باسم يعني اية العربية مش باور وانها اسكترا؟؟؟؟؟؟؟ ويعني اية الباور ما يخليش الدريكسيون يتحرك حتي في الملفات (مش فاهم)

**abo_pasem** · 18-05-2011 05:04 PM

الباور مايخليش الدركسيون يتحرك لوحده لازم انتا تحركه حتي لو آخد ملف وسبت الدركسيون عمره مايرجع مكانه
أما الإسكاترا فالدركسيون بيرجع تاني مكانه لو سبت إيدك بعد الملف ودايما يرجع للوضع الاولاني يعني العربيه تمشي عدل

حد فهم حاجه؟

**wassim_nasser** · 18-05-2011 06:15 PM

الباور تقيل بطبعه وساعات باحسه رزل جوة البلد بس ع الطريق جماله ف انه مدي ثبات للعربية .. أما بالنسبه لموضوع سكاترا ده ف انا حسيت فعلا بالفرق ده لما سقت لوجان و بيكانتو .. البيكانتو الدركسيون تحسه سايب كده زي بتاع العربيات المتصادمه ف الملاهى وبعد ماتلفه مايرجعش وحده بعكس اللوجان باسيبه الاقيه رجع وحده .. عموما انا هارجع للقسم التعليمي افهم حكاية السكاترا دي

**miromido75** · 18-05-2011 10:56 PM

سبحان الله
انا لسة مكمل 3500 كم انهاردة و انا جاى من الشغل حسيت نفس الاحساس و دخلت عشان اسأل عن المشكلة دية

**tamer61** · 19-05-2011 01:03 AM

إنت كده خلاص داخل على صيانة ال 5000 فانا رأيي إنك تستنى لما تروح التوكيل و هما يظبطولك كل المسائل دي.

**akerima** · 19-05-2011 10:29 AM

الباور في اللوجان باور هيدرلويك مش كهربي انا صراحة معرفش البكانتو اية بس فية فرق كبير بين الباور الهايدروليك والكهربا من حيث الخفية واللي بتاثر علي ثبات العربية - ومتننساش ان الشكوي بتاعة اصحاب الالنترا من عربياتهم ان دريكسيونها اخف من الازم ودا بياثر علي ثبات العربية لان بورها كهربي بس اللي انا واثق منة ان اللوجان الهاف والفول ابشن باور طبعا امال زيت الباور دا شغلتة اية في العربية

**elshaky** · 19-05-2011 03:45 PM

متشكر يا جدعان جدا على الافاده وبعون الله فى صيانه ال 5000 هقولهم على المشكله

بس موضوع الباور ده العربيه باور ومش هاف باور بس انا قصدى يخف شويه يعنى ولما قولت نغير زيت الباور قصدى ان زيت الباور لزوجته عاليه علشان كده تقيل لكن لما نغيره هيبقى كويس وكده ويا ريت لو حد جرب يقولنا

ومتشكر على الردود المفيده لكل الوحوش

الموضوع: حاسس ان الفرامل ضعفت ؟ ليه ؟

LinkBack

أدوات الموضوع

عرض

-

-

-

-

-

المواضيع المتشابهه

بداال الفرامل ...انا حاسس اني سايق مكروباااااز

مساعدة ضرورية بخصوص الفرامل لانى حاسس انى ماشى من غير فرامل

حاسس انى الفرامل خفيفة فى الشفرولية لانوس 2010

حاسس ان الفرامل عندى فى اللانوس ضعيفة و مش لاقى حل

حاسس ان الفرامل عندك بقت أضعف؟

الكلمات الدلالية لهذا الموضوع

المفضلات

المفضلات

ضوابط المشاركة