الموضوع: ما حقيقة ضمان الخليجي ؟؟

أنا كنت في معرض عربيات بسأل عن الكارينز الهاي لاين التوكيل صاحب المعرض كان بيحاول يقنعني بالخليجي وقالي بالنسبة للضمان فهو حيديني شهادة ضمان تمن الضمان ده 2400 جنيه لمدة 3 سنوات من شركة اسمها * * * * * * أخدت نظرة على الشهادة لقيت أشهر المراكز اللي بتقدم الصيانات الدورية لكيا * * * * * .... *, * * * * * , مش عارف الكلام دة صح ولا ايه ؟؟؟ وفي بعض المراكز بتعمل الصيانة الأولي مجانا
وكان بيقول برضه ان في كان غير الجير بوكس كله قبل كدة في عربية فولكس علشان كان فيه مشكلة ......


____________________
تم حجب أسامي الشركات و المراكز
تبعا لسياسة المنتدى الإعلانية

مشرف عام ...3

المشاركة الأصلية كتبت بواسطة timtim77

شوف يا باشا فى شركتين بيقدموا الخدمه ده بيكون ضمان ضد عيوب الصناعه فى العربيه
ليهم مراكز خدمه معينه بيتعملوا معاهم اذا كان فى عربيتك لا قدر الله اى عيب صناعه المفروض انهم بيتحملوا تكلفه اصلاحها او تغييرها على حسابهم
ده بتشترى على اساس سنه او 20 الف فى حدود 1000 جنيه
سنتين او 40 الف ب 1500 جنيه
3 سنين او 60 الف ب 2100 جنيه
ده بتشتريه من المعارض الخاصه بالخليجى او تشتري من الشركه نفسها
هما كمان بيعملوا الصيانه الاولى بالمجان طبعا المصنعيات بس وانت بتتحمل ثمن الزيت والفلتر
واحد صاحبى قلى انهم غيروا ليه فتيس بالكامل فى عربيه بيجو خليجى بعته اشتروا من الوكيل والتكلفه هما اتحملواها

شكرا يا فندم على ردك , أنا حبعتلك على الخاص اسم الشركة اللي شفت الضمان بتاعها ويا ريت تقولي اسم الشركتين اللي بتقول عليهم