طب لو الواحد بيدور على عروسة!!!!!!!!!!!!

**Terrible_DaRsH** · 06-05-2010 03:49 PM

المشاركة الأصلية كتبت بواسطة shaddadfalcon1

ماهو فيه كبار وبرده مش قد المسؤليه وفي كبار وبرده بتوع حاضر ونعم
ودوول اللي بيتربو من صغرهم علي كده وبيبقو احلي ستات بيوت

علي فكره انا مراتي اكبر مني ب 6 شهور وعمري مافكرت في موضوع السن ده مع ان مراتي زمان لما سالتها بتقولي انها كان نفسها في واحد اكبر منها واعتقد ان معظم البنات كده

ممكن تبقي قدك بس خام يعني زيها زي اللي عندها 19 سنه ودي الحمد لله كانت حالتي (قبل الخام بشويه مش عارف ليه تسميه) وكان موضوع خانقني بس لما اشوف بعض الناس بقول الحمد لله ودلوقتي مفيش حاجه مش عارفاها وطريقة التفكير 100 100 وساعات بتقترح عليا حاجات احسن من افكاري 100 مره

وفي الاول والاخر الجواز ده نصيب والطيبون للطيبات والطيبات للطيبين

ربنا يبارك لك فيها و يجعلها سبب فى دخول الاسرة كلها الجنة ان شاء الله .

انا زى ما قلت الناس مش كلها زى بعضها و كل واحد له وجهة نظره خصوصا فى الموضوع ده , يعنى مش قاعدة ثابتة .

**n_i_t_e** · 06-05-2010 04:03 PM

المشاركة الأصلية كتبت بواسطة pro_samir

مفيش حل وسط ؟

عقل اوك بس مش عند ونقاش لمجرد اثبات الذات

أو صغيرة بس بتفهم مش هبلة

هو فى حل وسط...بس شخصيات نادرة صعب تلاقيها و النصيب بيحكم..عشان كده فى مداخلتى الأولى كنت بقول: الواحد يختار المتاح و أنصاف الفرص (50% تكافؤ مثلا) و لا يستنى و هو و حظه ممكن يلاقى تكافؤ 80% أو تعدي سنين كتير و هو مش طايل ال50% تكافؤ اللى سابهم فى الأول
أنا مؤمن أن كل واحد ليه نص تانى يحقق فوق 90% تكافؤ. بس صعب يلاقوا بعض .الابرة موجودة فى كوم القش...بس اللى يلاقيها!

**the-hero** · 06-05-2010 04:52 PM

لا تحلل ما حرم الله. عليك فيحرم عليك ما حله للجميع
والطيبون للطيبات والخبيثين للخبيثات

**M.Osman** · 06-05-2010 05:13 PM

طب و حكاية ان البنت بتكبر اسرع من الولد دي حقيقة و لا urban myth ؟؟؟؟؟؟؟

دا على كدا الواحد كان غلطان اوي لما كان بيفكر يرتبط بواحدة في سنه
الحمد لله...بح

**أحمد كمال** · 06-05-2010 05:16 PM

المشاركة الأصلية كتبت بواسطة m.osman

طب و حكاية ان البنت بتكبر اسرع من الولد دي حقيقة و لا urban myth ؟؟؟؟؟؟؟

دا على كدا الواحد كان غلطان اوي لما كان بيفكر يرتبط بواحدة في سنه
الحمد لله...بح

من اخوك الكبير باقول لك

بلاش

**AmatoALLAH** · 06-05-2010 05:25 PM

طبعا انا مش هرد علي موضوع القايمه و النايمه بتاعكم دا :) الفاصل فيه هو الشرع و اللي تردوه لخواتكم تردوه لبنات الناس

بالنسبه للسن عن تجربه لاااااااااااااااااااااااا ااااازم يكون فيه فرق علي الاقل 5 سنين بين الزوجين

صحيح هي بتعتمد علي الشخصيات و ممكن تلاقي واحد عنده 20 سنه و راجل فعلا و فكره كانه راجل عنده 30 و اكتر

لكن القاعده العامه الست بتنضج قبل الراجل في التفكير فلازم الراجل يكون اكبر منها اقل شئ 5 سنين

و انا مع سن الزواج مش قبل 25 سنه للبنت

انا اتجوزت 21 سنه و الصراحه ندمانه :( مش عارفه يا نور انتي اتجوزتي 19 سنه ازاي و ما شاء الله عليكي تحملتي المسئولية في الغربة

اما بئي الاخ صاحب الموضوع مش هقولك دور مواصفات كذا و لا كذا انتي بتشارك حياتك مع واحده يعني الموضوع مش مين يكسب نقط اكتر و يضحك علي التاني

اهم شئ نيتك تكون لله وانك تعف نفسك و الله ربنا راح يرزقك كل اللي انت عايزه و احسن كمان

و ماتنسي دعاء سيدنا موسي عليه السلام رب اني لما انزلت الي من خير فقير

اما انك تدخل و كانك بتشتري واحده فالله يعينك علي اللي هتقع فيها

**M.Osman** · 06-05-2010 06:16 PM

المشاركة الأصلية كتبت بواسطة أحمد كمال

من اخوك الكبير باقول لك

بلاش

مهو الحمد لله بح .... كان شوية دلع و خلصم الحمد لله

المشاركة الأصلية كتبت بواسطة dr.amr

طبعا يافندم دي حقيقه مؤكده

وخصوصا بعد ال 45 الست بتبدأ تقل

والراجل يبص لمراته ويقولك ان حظي قليل في الدنيا

يروح للصغيره

وبعد ما الزمن يهده والكاشات تخلص

يرجع تاني للاولي

بس ساعتها بيكون طلع شياط

ههههههههه
ربنا يسهل للجميع :)