رابطة حائزى الفلوينس

**Hegazio** · 03-11-2012 11:14 AM

انا عندي اخد عربية يبوظ فيها ١٠٪ و تتغير عادي علي حساب الضمان... ولا عربية يبوظ فيها ٥٪ و التوكيل يقولي الغلطة غلطتك

**mohamedekhalil** · 05-11-2012 02:25 PM

المشاركة الأصلية كتبت بواسطة ahmed_ibrahim

السلام عليكم
معايا فلونس ٢٠١٢ من شهر فبراير، الصيانه في مواعيدها بس غيرتلها طلمبه البنزين و بسبب نتشه الفتيس اتغيرلها بلف سلونيد واخيرا الكاسيت مش بيخرج الcd روحت التوكيل وقالولي تصليح والاستلام بعد اسبوعين وقالولي ان ده عادي في الفلونس وده عيب معروف مع اني مشفتيهوش هنا في المنتدى قبل ما اشتريها - كان معروف بس عيب طلمبه البنزين- وقالولي كمان ان في عيب تالت الا وهو تقشير جلد داره الدركسيون بس الحمد لله لغايه دلوقتي مظهري عندي
حد ممكن يقولي اللي حصل ده طبيعي وعادي ولا في مشكله في العربيه ولا أنا سواقتي وحشه مع ملاحظه ان عامل بالعربيه ٢٢ الف كيلو وبجري بيها وبحرق عليها !!!!!
ارجو الإفادة أفاد كم الله

انا بردة معايا مو 2012 فبراير والحمد لله لحد دلوقتي كانت عندي تقريبا نفس المشاكل
1--مؤشر البنزين وتم تغيير الطلمبة بالكامل
2- مرة السي دي اتحشر بس طلعوه بسهولة جدا في توكيل المقطم ومسح الكاسيت بمنديل مبلل والحمد لله معملهاش تاني
اما بالنسبة للطارة فالحمد لله مفيش حاجة قشرت معايا لحد دلوقتي وانا كمان روحت جبت جراب للطارة من التوفيقية شكله جامد ب 30 جنيه قطيفة

**Ammar yOsrii** · 31-12-2012 12:27 AM

يا جماعة انا عضو جديد ف الرابطة :D

وعندي كم استفسار كده
العربية بقالها معايا بتاع اسبوعين ومشيت بيها 900 كيلو
ال rpm مبزدش عن 3 وعلطول بيبقى 2 ونص السرعة مبتزدش عن 90 ومرة وحدة سرحت لقتني ع ال100 :D

دلوقتي التليين بتاعها تمام ؟! وبيقعد أد ايه ؟ وامتى ابدأ أقرص عليها ؟ وهل فيه أي نصائح أو اي حاجة لفترة التليين دي

وبالنسبة للإستهلاك بدأ يزيد 11.4 حاسه عالي شوية خصوصا إنو كان 9.4 تقريبا أول ما جبت العربية ..

**mohamedekhalil** · 31-12-2012 06:56 AM

المشاركة الأصلية كتبت بواسطة ammar yosrii

يا جماعة انا عضو جديد ف الرابطة :d

وعندي كم استفسار كده
العربية بقالها معايا بتاع اسبوعين ومشيت بيها 900 كيلو
ال rpm مبزدش عن 3 وعلطول بيبقى 2 ونص السرعة مبتزدش عن 90 ومرة وحدة سرحت لقتني ع ال100 :d

دلوقتي التليين بتاعها تمام ؟! وبيقعد أد ايه ؟ وامتى ابدأ أقرص عليها ؟ وهل فيه أي نصائح أو اي حاجة لفترة التليين دي

وبالنسبة للإستهلاك بدأ يزيد 11.4 حاسه عالي شوية خصوصا إنو كان 9.4 تقريبا أول ما جبت العربية ..

اولا الف مبروك وربنا يديك خيرها ويكفيك شرها
ثانيا موضوع التليين ده على حسب كلام ناس في التوكيل بيبقى لحد 1000-1500 كم وبعد كده ابدا اقرص زي مانت عايز واطمن انا برده حصلت معايا الموضوع ده فجاة لقيت rpm عدى 3 وانا لسه في التليين
اما بالنسبة لمعدل استهلاك البنزين فده طبيعي لانك ما بتجريش بالعربية وكمان احنا في الشتاء اكيد ما بتشغلش التكييف اول ما تبتدي تجري وتحرق بالعربية هتلاقي المعدل ينزل معاك شوية شوية لحد ما يستقر تقريبا على حوالي من 8-9.5 على حسب استخدامك للعربية بتجري بيها ولا لا مشاويرك كلها طوالي سفر يعني ولا في وسط البلد المملة الزحمة
وتحياتي ليك
لو في اي استفسار كلمني ما تترددش

**karemof** · 31-12-2012 11:36 AM

السلام عليكم يا فلوانسية المنتدى :)
أنا كنت عايز أسأل عن موضوع ضغط الكاوتش, هو أنا بصراحة من ساعة ما أستلمت مظبتش الضغط خالص, وأعتقد أن ده غلط.
أنا كنت قريت الورقة المكتوبة على الباب , و بتقول أن الأمامي يكون 35 في حين الخلفي 32 في حالة الطرق السريعة وأقل ب 3 وحدات في حالة طريق عادي, يا ترى الكلام كده صح زي ما أنا فهمت ؟ وهل حضراتكو بتظبطوا على الأرقام دي؟

سؤال كمان متعلق بالموضوع , كنت بفكر أجيب جهاز لضبط الضغط بيشتغل على الولاعة , حد عارف ماركة ومكان كويس أجيب منه, أنا سألت في راديو شاك بس ما لقتش

**mo7elmy** · 31-12-2012 09:01 PM

الارقام دى مظبوطة زى مانت بتقول بالظبط وفعلا اقل 3 درجات جوه البلد .......معرفش الانواع انما انا شفت فى هايبر وان كذا واحد وكذا نوع و مش غاليين يعنى من 40 ل 60 جنية

**ahmed255741** · 01-01-2013 08:59 PM

سؤال بس
انا شفت ف كذا موقع مصري واجنبي ان الخلوص بين الارض وفلونس 12 سم ولقيت المشاركات هنا بتقول انها عاليه وماتحكش ازاي لو الالنترا الخلوص بتاعها 15 سم وبتحك تيجي ازاي؟

**Tarek1** · 03-01-2013 07:33 PM

أنا كان ليا سؤال بخصوص موضوع العزل. أنا سمعت أن العزل بتاع الفلوانس كويس. يا تري ده عزل صوت الموتور ولا الأزاز؟؟

أنا معايا رينو لوجان و بسمع صوت الموتور عالى. أعتقد ان الفلوانس المفروض مختلفة!

أنا الحقيقة حاجز العربية و عايز اطمن من النقطة دي.

**Ammar yOsrii** · 04-01-2013 12:40 AM

المشاركة الأصلية كتبت بواسطة mohamedekhalil

اولا الف مبروك وربنا يديك خيرها ويكفيك شرها
ثانيا موضوع التليين ده على حسب كلام ناس في التوكيل بيبقى لحد 1000-1500 كم وبعد كده ابدا اقرص زي مانت عايز واطمن انا برده حصلت معايا الموضوع ده فجاة لقيت rpm عدى 3 وانا لسه في التليين
اما بالنسبة لمعدل استهلاك البنزين فده طبيعي لانك ما بتجريش بالعربية وكمان احنا في الشتاء اكيد ما بتشغلش التكييف اول ما تبتدي تجري وتحرق بالعربية هتلاقي المعدل ينزل معاك شوية شوية لحد ما يستقر تقريبا على حوالي من 8-9.5 على حسب استخدامك للعربية بتجري بيها ولا لا مشاويرك كلها طوالي سفر يعني ولا في وسط البلد المملة الزحمة
وتحياتي ليك
لو في اي استفسار كلمني ما تترددش

شكرا : )

أنا قفلت ال 1000 دلوقتي وهاه بدأت أقرص حبتين :'d

بس فيه حاجة كنت عايز أسأل عليها هيا لسه بدأ تظهر النهردة
صوت زي الرمل كده بيلعب ورا الدريكسون مش عارف ايه دا وبيزيد أوي ف المطبات والحفر والكلام دا مش عارف دا إيه أنا كلمت خدمة ما بعد البيع واتفقت مع المهندس هروحلو على يوم التلات بس حبيت أتأكدت انها حصل مع حد قبل كده ولو حصلت كان ايه سببها !!