رابطة حائزى الفلوينس

**hosam_m3** · 08-01-2013 05:41 PM

ازيكم يا شباب المنتدى
سؤال ع السريع هو مش المفروض االعربيه لما تكون دايره و اشيل الكارت منها و هى دايره و اخرج من العربيه و ابعد مسافه عنها تقوم تقفل الابواب لوحدها ؟؟ و تفضل العربيه دايره زى بالظبط لما تخرج من العربيه و تطفى الموتور و تبعد عنها تقوم الابواب قفله لوحدها.انا عربيتى بقى مش بتقفل فى حاله انا خرجت منها و الموتور شغال مش عارف ليه حد عنده فكره ايه السبب؟؟؟؟

**mo7elmy** · 08-01-2013 06:08 PM

طالما الموتور شغال كل دة لا يفعل.............. لازم الموتور ينطفئ الاول وبعد كدة تبعد العربية تقفل ... واوعى تعمل كدة تانى انك تبعد والموتور شغال وتفتكر ان العربية هتقفل لوحدها ..... كدة تتسرق اى حد هيركب ويمشى بيها وتفضل دايرة لحد ما يروح مترح ميروح بيها بس لو قفلها مش هيعرف يدورها تانى عشان الكارت مش فى محيطها او مكانه

**hosam_m3** · 08-01-2013 09:43 PM

المشاركة الأصلية كتبت بواسطة mo7elmy

طالما الموتور شغال كل دة لا يفعل.............. لازم الموتور ينطفئ الاول وبعد كدة تبعد العربية تقفل ... واوعى تعمل كدة تانى انك تبعد والموتور شغال وتفتكر ان العربية هتقفل لوحدها ..... كدة تتسرق اى حد هيركب ويمشى بيها وتفضل دايرة لحد ما يروح مترح ميروح بيها بس لو قفلها مش هيعرف يدورها تانى عشان الكارت مش فى محيطها او مكانه

لا انا مش بعمل كده انابس بسأل اذا كانت الخاصيه ده موجوده ولا لا و شكرا جزيلا ع الرد

**gym1974** · 15-01-2013 11:10 AM

السلام عليكم ورحمه الله بعد اذنكم سؤال لأنى ماعنديش وقت اقرا الصحفات كلها بخصوص الفلوانس ثبات العربية عامل ايه والتكييف ويا ترى حد سافر بيها مشاوير طويلة زى شرم مثلا اخبارها ايه فى السفر وانا ان شاء الله هاجيب المنوال لأنه بحبه اكتر فممكن اعرف رايكم فى النقطة ده وجزاكم الله كل خير

**horas3000** · 15-01-2013 01:15 PM

السلام عليكم جميعا
مش عارف اقولكم باركولي و لا واسوني
بس انا خلاص بقيت من مالكي الفلوينس رسمي

طبعا بعضكم عارف اني معايا باجيرو
لكن بعد قرارات حكومتنا المجيده في رفع الدعم عن ال 95 بل و الكسب منه
استخدام الباجيرو بقي غير مجدي اقتصاديا بالنسبه ليا
و لاني من لاقي فلوسي علي الارض فصعب انقل لل 92 و اخسر عربيتي

لذا كان قراري بشراء عربية تانية و تشاء الظروف اشنري عربية اختي الفلوينس و اللي كنت بشاركم بخبرتي من قيادتها

و العربية بقت تحت ايدي دلوقتي و اي استفسارات انا تحت امركم

**Gamal.Eid** · 15-01-2013 03:31 PM

**Gamal.Eid** · 15-01-2013 03:33 PM

السلام عليكم
انا اخوكم جمال مصرى مقيم بالسعودية وناوى بأذن الله ان اشترى الفلونس وكنت عايز اسال لو نزلت بيها مصر اثناء الضمان هل التوكيل فى مصر يشتغل ولا لاء انا حبيت العربية جدا من كلامكم عليها

**Gamal.Eid** · 15-01-2013 03:34 PM

المشاركة الأصلية كتبت بواسطة Gamal2000

**horas3000** · 15-01-2013 07:03 PM

المشاركة الأصلية كتبت بواسطة gym1974

السلام عليكم ورحمه الله بعد اذنكم سؤال لأنى ماعنديش وقت اقرا الصحفات كلها بخصوص الفلوانس ثبات العربية عامل ايه والتكييف ويا ترى حد سافر بيها مشاوير طويلة زى شرم مثلا اخبارها ايه فى السفر وانا ان شاء الله هاجيب المنوال لأنه بحبه اكتر فممكن اعرف رايكم فى النقطة ده وجزاكم الله كل خير

و عليكم السلام يا زعيم
من ناحية الثبات فالعربية و بلا مبالغة من الاحسن في فئتها
التكيف بتاعها كويس جدا بس احقاقا للحق مش بنفس سرعة تبريد الكوري و الياباني لكنة لا يقل في الكفائة
و في السفر العربية مريحة جدا و سهلة القياده و الكروز كنترول كالعاده راحة بال

من حيث المانوال معرفش مواصفاتها ايه
و احسن فئة هي الفئة p3 و اللي هي اكتر فئة منتشرة في الفلوينس و احسنها تجهيزا و اللي كانت ب 142 الف الله اعلم وصلت كام دلوقتي