رابطة حائزى الفلوينس

**Yahia aly** · 07-06-2014 06:35 PM

هل هناك فروق جوهرية بين الشكل القديم والجديد ،،،طبعا اقصد فى المواصفات الفنية من موتور وفتيس؟ حيث انه إمامى فلوانس ٢٠١١ حالتها ممتازة الفئة الثالثة وبفاضل بينها وبين ال ٢٠١٤ ...ولكم جزيل الشكر

**Hany Saad** · 07-06-2014 07:02 PM

المشاركة الأصلية كتبت بواسطة aboabdo

جزاكم الله خيرا بالفعل تم تغيير الفيوس و اشتغلت الولاعة
لو سمحت عني سؤال آخر كنت عملت حادثة وحدث مشكلة بالمروحة وكنت بدمنهور ولم أجد المروحة فقام الكهربائي بتغييرها بواحدة اوكتافيا حتي استطيع السفر الي المنصورة حيث اقيم ومن ساعتها حاسس ان العربية بتاكل بنزين أعلي من الأول ومؤشر الحرارة اصبح زيادة عن الأول بالرغم من أن المروحة تعمل علي السرعتين فأرجو الافادة

يجب تغيير المروحة بواحدة بتاعت فلوانس حتى لو كانت استعمال.....فيه فرق بين الأتنين و العربية مش هتبقى مظبوطة معاك

تحياتى

**Hany Saad** · 07-06-2014 07:17 PM

المشاركة الأصلية كتبت بواسطة yahia aly

هل هناك فروق جوهرية بين الشكل القديم والجديد ،،،طبعا اقصد فى المواصفات الفنية من موتور وفتيس؟ حيث انه إمامى فلوانس ٢٠١١ حالتها ممتازة الفئة الثالثة وبفاضل بينها وبين ال ٢٠١٤ ...ولكم جزيل الشكر

فيه فعلاً يا فندم فروق جوهرية بين الاتنين ، الجديدة بقى فيها الأتى:
- الموتور يابانى من نسيان و قدرة 115 حصان بدل 110
- الموتور اصبح على سير جنزير بدل من سير كاوتش
و ده ميزته انه مش ممكن يقطع و يدخلك فى نصف عمرة
و مفيش صيانة سير تقسيم مكلفة كل 60 الف كم
و لكن صوت الموتور اعلى شوية من القديمة
- بوجيهات الموتور بقت معمرة و بتتغير كل 100 الف كم
- فتيس جديد من نيسان xtronic cvt مفهوش احساس نهائى بالنقلات و لا النتشه المشهورة و كمان فيه توفير بنزين حوالى 15%
- تكييف جديدمن نيسان ادائه اعلى

دى التعديلات الجوهرية فى الشكل الجديد مقارنة بالقديم

تحياتى

**Yahia aly** · 07-06-2014 08:22 PM

المشاركة الأصلية كتبت بواسطة horas3000

السلام عليكم جميعا
مش عارف اقولكم باركولي و لا واسوني
بس انا خلاص بقيت من مالكي الفلوينس رسمي

طبعا بعضكم عارف اني معايا باجيرو
لكن بعد قرارات حكومتنا المجيده في رفع الدعم عن ال 95 بل و الكسب منه
استخدام الباجيرو بقي غير مجدي اقتصاديا بالنسبه ليا
و لاني من لاقي فلوسي علي الارض فصعب انقل لل 92 و اخسر عربيتي

لذا كان قراري بشراء عربية تانية و تشاء الظروف اشنري عربية اختي الفلوينس و اللي كنت بشاركم بخبرتي من قيادتها

و العربية بقت تحت ايدي دلوقتي و اي استفسارات انا تحت امركم

المشاركة الأصلية كتبت بواسطة hany saad

فيه فعلاً يا فندم فروق جوهرية بين الاتنين ، الجديدة بقى فيها الأتى:
- الموتور يابانى من نسيان و قدرة 115 حصان بدل 110
- الموتور اصبح على سير جنزير بدل من سير كاوتش
و ده ميزته انه مش ممكن يقطع و يدخلك فى نصف عمرة
و مفيش صيانة سير تقسيم مكلفة كل 60 الف كم
و لكن صوت الموتور اعلى شوية من القديمة
- بوجيهات الموتور بقت معمرة و بتتغير كل 100 الف كم
- فتيس جديد من نيسان xtronic cvt مفهوش احساس نهائى بالنقلات و لا النتشه المشهورة و كمان فيه توفير بنزين حوالى 15%
- تكييف جديدمن نيسان ادائه اعلى

دى التعديلات الجوهرية فى الشكل الجديد مقارنة بالقديم

تحياتى

اولا انا شاكر لسيادتكم على حسن التعاون وسرعة الرد ... طيب اصرف نظر عن موديل ٢٠١١ و اجل الشراء ولا اشترى ٢٠١١ وبعدين ربنا يسهل بعد فترة وأغير ...بصراحة مش عارف خصوصا ان ثمن ٢٠١٤ غير مكتمل معى الان ولا أحب التقسيط شكرًا لكم

**EHAB ZAHRAN** · 09-06-2014 12:35 PM

السلام عليكم انا عندي سيارة فلوانس 2012 بحس برجة هية مش جامدة خفيفة
و انا على سرعة 180 هل ده عادي برجاء الافادة

**EHAB ZAHRAN** · 09-06-2014 01:09 PM

ايه مفيش حد موجود و لا ايه

**EHAB ZAHRAN** · 09-06-2014 03:23 PM

بس بصراحة العربية الفلوانس دي الماظ

**Yahia aly** · 10-06-2014 09:02 PM

السلام عليكم ... سؤالى هو عن سعر رينو الفلوينس موديل2011 مستعمل الفئة ال Dynamic فبريكا بالكامل العداد ٦٠ الف كم المالك اول يد تم عمل صيانة ال٦٠المطلوب 120 الف جم السعر ده نهائي ولم يقبل ان ينزل جنيه هل هو مناسب ام لا . برجاء الإفادة وشكرا لكم.