الموضوع: رابطة حائزى الفلوينس

للتوضيح مرة أخرى....فتيس الفلوانس الفيس ليفت هو XTRONIC CVT مطور من نيسان و ده الجيل الحديث بتاعه مع إضافة سوفت وير خاص به من تطوير رينو يتفق مع حجم العربية و ثقلها و نمط القيادة و نقاط أخرى كثيرة....
فعليا الفتيس مبنى على سير منزلق ما بين بكرتين مخروطتين الشكل " Conical Pulleys"....يتنقل السير طلوعا و نزولا بين البكرتين ليكون نسب التعشيق المختلفة....بما أنه لا يوجد تروس فأن عدد النقلات المتاحة يعتبر لا نهائى....يحدد النظام المانيوال منه عن طريق السوفت وير ب 6 نقلات فقط و لكنه فى الحقيقى غير نهائى النقلات....سير منزلق ما بين بكرتين مخروطيتين الشكل.....

*مميزاته:
-أكثر من رائع كسواقة داخل البلد.
-نعومة و سلاسة غير معهودة فى النقلات....إحساس سواقة السيارة الكهرباء بالظبط...مفيش أى نوع من الإحساس بالنقلات نهائى
-توفير رائع فى البنزين يفوق المانيوال و الأتوماتيك
-أعطال نادرة لأن فكرته بسيطة جدا و مكوناته قليلة جدا و لا يوجد به تروس....معمر جدا
-تجميع ممتاز و تسارع ممتاز على رينج السرعة من 50كم/ساعة فما فوق
-تجميع جيد جدا للتسارع الخطى "Linear acceleration" المتدرج أو المنتظم
-يتم تعميمه الأن فى كثير من العربيات الحديثة (كورولا 2014، فلوانس فيس ليفت، نيسان قشقاى، نيسان جوك، سوبارو إمبريزا، ميتسوبيشى لانسر و الكثير و ذلك لرخص تمنه و إيجابياته (خصوصا إستهلاك البنزين) مقارنة بالفتيس الأتوماتيك.

*عيوبه:
-طلعة بطيئة من البداية و حتى 50 كم/ساعة....يعنى مش هتكون أول واحد يطير بعد ما الأشارة تفتح
-يزداد هذا الأحساس لأى حد كان نازل من عربية أسيوى (هوندا/كيا/هيونداى/تويوتا) و لكن للكان معاه أوروبى قبل كده مش هيحس بفرق كبير
-فى حالة الكبس مرة واحدة على دواسة البنزين للتسارع "Forced acceleration" بيحصل ظاهرة أسمها "Rubber Band Effect" و هى أنك مع الضغط على دواسة البنزين بيعلى صوت الموتور مع الضغط و بيعلى معاه الRPM دون إستجابة السيارة لهذا العلو-لحظياً- و بعدها يتم الأستجابة السريعة لهذا العلو و يترجم بتسارع عالى و هدؤ فى الصوت و الRPM....و كأنك بتشد أستك و بعدين بتسيبه ينطلق....علشان كده أطلق على هذه الظاهرة Rubber Band Effect...
-لا ينصح بهذا الفتيس لهواة القيادة الرياضية
-إحساس صوت موتور و عدد لفات RPM مختلف عن الفتيس الأتوماتيك....للسواق المحترف هيلاحظ هذا الفرق.
-مش هيكون مناسب للعربية كلما زاد وزنها.....المشكلة دى موجودة فى النيسان قشقاى....العربية تقيلة و مش متناسبة مع الCVT قوى....لازم تقرص شوية على العربية علشان تحس بيها بتجرى

أرجو أنى أكون وضحت شوية خصائص الفتيس الCVT XTRONIC لكل من هو مقبل على شراء سيارة بها هذا الفتيس.....

المشاركة الأصلية كتبت بواسطة engahmed13

انا انشاء الله واخد قرار شراءء بعد عيد الأضحى بس كان عندي استفسار هو ال زراير الدركسيون اللي على اليمين بتاعه ايه بالضبط؟؟
كمان هو فئة ال e2 بتفتح زجاج الأبواب لو فضلت دايس على الريموت زرار فتح الأبواب زي الجيتا والاوكتافيا؟؟
وبيقفل برضوا لو فضلت دايس على زر القفل بالريموت زي الاوكتافيا؟؟
ارجو افادتنا يا جماعه

طبعا أكيد رجالة الفلوانس هيفيدوا حضرتك أكتر و لكن حسب معلوماتى البسيطة هجاوبك
الزراير اللى على يمين الدريكسيون للتحكم فى الكاسيت ....تعلية و توطية و ميوت و تغيير أغنية و تغيير من راديو لسى دى و هكذا....و كمان للتحكم فى التليفون رد و غلق و أتصال و تحكم فى الصوت

الفلوانس كلها مفهاش فتح زجاج من الريموت و لكن فيها غلق كل شىء من الريموت ( رفع زجاج و غلق سنتر وأضاءة و كاسيت و ضم مرايات و غلق فتحة السقف إن وجدت)
تقدر تفتح سنتر الشنطة فقط من الريموت أو تفتح سنتر العربية كلها و تقدر كمان تنور الكشافات من الريموت

المشاركة الأصلية كتبت بواسطة EngAhmed13

مشكور جدا لاهتمامك
انا قصدي زراير اللي مكتوب عليها (R / O ) دي ليها علاقه بالراديو؟؟
كمان هو اوبشن الريموت دي في فئة e2 اللي هي طاسات؟

زراير ال R/0 دى بتاعت الكروز كنترول مش الراديو
فى زرار فى الكنسول الأوسط اللى عند فرامل اليد بتشغل منه الكروز كنترول أو السبيد ليميتر....cruise control/speed limiter

بعد تشغيل الكروز كنترول عندك أربع زراير فى الدريكسيون للتحكم....اتنين فى الشمال +/- و دول لزيادة و نقصان السرعة و عندك ال R/0 فى اليمين......ال R ده ذاكرة reset يعنى لو حضرتك أستخدمت دواسة الفرامل أو البنزين و أختلفت السرعة عن اللى كنت ظابط الكروز كنترول عليها لما بتدوس على R بيرجعك تانى لأخر سرعة كنت مسجلها على الكروز كنترول

ال0 عكس ال R بيلغى السرعة اللى أنت مخزنها فى الكروز كنترول و بيفصل الكروز كنترول لحد ما تستخدم +/- و تخزن سرعة جديدة

أعتقد أوبشن الريموت موجود من أول فئة أتوماتيك اللى هى طاسات....هو مش متوافر فقط فى المانيوال