رابطة حائزى الفلوينس

**mazher_m** · 09-07-2011 05:41 PM

بكلا
انت فين ؟؟؟؟؟؟؟؟؟ليه مفيش رد
لعل المانع خير

**bukla** · 10-07-2011 02:14 AM

المشاركة الأصلية كتبت بواسطة mazher_m

بكلا
انت فين ؟؟؟؟؟؟؟؟؟ليه مفيش رد
لعل المانع خير

السلام عليكم و رحمة الله و بركاته
اولا اعذرنى على التأخير فى الرد
ثانيا بالنسبة للقشقاى ساحاول انى اكون محايد مع انى فعلا مغرم بالفلوينس لكنى برضة متأكد ان الكمال لله وحدة و كل حاجة فيها مميزاتها و عيوبها و مهما كان عاجبك او عاجبنى عربية اكيد فية اللى احسن منها
القشقاى بصراحة عربية جميلة و مميزاتها كثير و ناس كثير بتحب العربيات العالية دى اقصد بالعالية العربيات اللى بيطلق عليها سيارة متعددة المهام mpv زى الكيا كارينز و سول و الرينو داستر و الدايهاتسو تيريوس فلو انت من اللى بيحبوا النوع دة من العربيات يبقى مافيش وجة للمقارنة لان الفلوينس عربية سيدان و اعتقد ان القشقاي ك mpv افضلهم (مع تحفظ وحيد ان مافيهاش دفع رباعى) لكن لو مايفرقش معاك الموضوع دة يبقى الفلوينس افضل و دة رأيى انا الشخصى و اسبابه كالاتى
لو عملنا مقارنة بسيطة سريعة بين العربيتين فلوينس هاى لاين 165 الف و القشقاي 160 الف الفرق مش كبير لكن يعتبر نقطه فى صالح القشقاى
اما بقى المميزات فكلها فى صالح الفلوينس لان كل ما فى القشقاى موجود فى الفلوينس و كمان الفلوينس تزيد الاتى
رينو كارد و زر الستارت ستوب و الباركينج سينسور و ستة ايرباج و مثبت و محدد السرعة و فوق دة كله فتيس اتوماتيك و كمان توكيل محترم تحب تتعامل معاه
المميزات الزيادة دى كلها تحتاجها فى السواقة فى بلدنا خصوصا الباركينج سينسور و مثبت و محدد السرعة و اهمهم الفتيس الاتوماتيك و طبعا التوكيل
فكر كويس و اعمل تيست درايف للعربيتين علشان تحس بيهم اكثر انا شخصيا ما جربتش القشقاى لكن بصراحة و الحمد الله بستمتع بسواقة الفلوينس
استخير اولا و ربنا يوفقك للى فيه الخير ليك ان شاء الله

**Hegazio** · 10-07-2011 08:57 AM

لا يوجد وجه للمقارنة أصلا .. ازاي واحد يبقي محتار بين mpv مانيوال , و سيدان اوتوماتيك .. بس عشان سعر واحد ؟!!!

**moh_gawad** · 10-07-2011 08:40 PM

المشاركة الأصلية كتبت بواسطة hegazio

لا يوجد وجه للمقارنة أصلا .. ازاي واحد يبقي محتار بين mpv مانيوال , و سيدان اوتوماتيك .. بس عشان سعر واحد ؟!!!

والله أنا فكرت فى القاشقاى قبل الفلوينس بس عيبها أنها مانيوال فقط وكمان مش موجودة فى إسكندريه خالص

**gharana** · 11-07-2011 02:13 PM

المشاركة الأصلية كتبت بواسطة moh_gawad

أنا أشتريت 2 cover من محطه موبيل سموحه(إسكندريه) سعر الواحد 25 جنيه أول ما تجربه تلاقيه ضيق وبعد كدة تمام مميزاته أنك تقدر تعلق الجراب وبداخله المفتاح بميداليه المفاتيح ودة طبعا أسهل بكتير من شيل الكارد لوحدة فى الجيب

ممكن تصور لنا هذا الجراب علشان الواحد يعرف شكله لما يدور عليه علشان انا من القاهرة ، ولك جزيل الشكر
:b4_033:

**ahmedsql** · 11-07-2011 04:09 PM

المشاركة الأصلية كتبت بواسطة moh_gawad

أنا أشتريت 2 cover من محطه موبيل سموحه(إسكندريه) سعر الواحد 25 جنيه أول ما تجربه تلاقيه ضيق وبعد كدة تمام مميزاته أنك تقدر تعلق الجراب وبداخله المفتاح بميداليه المفاتيح ودة طبعا أسهل بكتير من شيل الكارد لوحدة فى الجيب

الف شكر ياباشا , و لو لقيته في القاهرة هقولكم عليه , لو ملقتوش ممكن اروح اسكندرية مخصوص اجيبه :(

**moh_gawad** · 12-07-2011 12:49 AM

المشاركة الأصلية كتبت بواسطة ahmedsql

الف شكر ياباشا , و لو لقيته في القاهرة هقولكم عليه , لو ملقتوش ممكن اروح اسكندرية مخصوص اجيبه :(

والله تشرف وتنور وإن شاء الله أرفع الصور بكرة

**Mohab.Nabil** · 12-07-2011 04:33 PM

يا جماعة انا كنت عايز اسأل على وصلة الـ aux بتاعت الفلوينس , انا جربت الوصلة العادية اللى هى بتاعت الكومبيوتر و مش راضية تدخل , و مش عارف اجيب وصلة نوعها ايه ؟

شكرا