الموضوع: رابطة حائزى الفلوينس

المشاركة الأصلية كتبت بواسطة M.Elwan

Sliding Roof + Parking Sensor

بس يا ترى الباركنج السنسور الاصلى اللى بتيجى بية العربية ولا متركب هنا لانى اللى انا اعرفة ان فئة ال 150 الف بتزيد عن اللى قبلها فتحة السقف فقط

المشاركة الأصلية كتبت بواسطة tarek_rcc

متشكر لردود الاخوة الكرام ....
انا كلمت الاستاذ الزينى بالطارق وان شاء الله اروح له يوم الاحد بس قال لى السعر 152000 مش 150000
وكمان زى ما بعت لى على الخاص يا بوكلا بخصوص الفرش والزينون والجنط 16 مش 17 بس بكارت واهم نقطة مش موجودة هى ان الفرش الداخلى مش بيج زى اللى كانت معى للاسف ...
ومش عارف اية موضوع التخفيض اللى قولت لى علية ... انت تعرفة يا بوكلا تدية توصية على بالسعر ولا اية ؟ ....
انا الحقيقة لما نزلت مصر حسيت ان السيراتو كانها بتتصرف مع بطاقة التموين الكل معاة سيراتو حاجة غريبة ....
بصراحة مش حاسس بها خالص زي الفلوينس يا بوكلا ...
ربنا يوفق للاصلح

الجنط ال 17 و الفرش البيج مابينزلش مصر خالص فى اى فئة
انا مش واخد بالى انك بتقارنها مع الخليجى الكورى لان اللى فى مصر تركى فيها اختلافات كثيرة و موصفاتها كالاتى

منوال - 122 ألف

- عجلات حديديه مقاس ١٥ بوصة
- نظم فرامل ABS مع EBD و BAS "Break Assist System"
- وسادة هوائية للسائق و الراكب الأمامي " ٢ فقط"
- تكيف هواء يدوي
- نظم غلق مركزي
- زجاج كهرباء أمامي و خلفي
- مفتاح رموت كنترول قابل للطي
- مراية جانبية يمكن ضبطها كهربائياً
- مثبت + محدد سرعة
- كمبيوتر رحلات لبيان متوسط السرعة وإستهلاك الوقود
- راديو CD MP3 وإمكانية توصيل RCA مع ٤ سماعات
- فوج لايت والكنبة الخلفية يمكن امالتها 1/3 و 2/3
اتوماتيك - 132 ألف
- تزيد عن السابقة فتيس أوتوماتيك - ستيبترونك

اتوماتيك - 142 ألف

تزيد عن السابقة :
- جنوط رياضية ١٦ بوصة
- مساند رأس يمكن تعديل ارتفاعها وميلها ٤ أوضاع
- تكيف هواء أوتوماتيك " Bi-Zone" يمكن ضبط كل جانب عل حده
- مخرج خلفي للتكيف
- ثلاجة فى التابلوة تعمل مع تشغيل التكييف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -Auto lighting sensor
- نظام التعرف على الأمطار وتشغيل المساحة تلقائياً - Rain sensor
- نظام تأخير غلق الإضاءة - Follow Me Home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو CD MP3 مع Bluetooth و عدد ٦ سماعات
- مقبس ١٢ فولت بصندوق التخزين بمسند إليد الأمامي
- المصابيح الامامية يدوية التوجية
أوتوماتيك - 150 ألف
تزيد عن السابقة
فتحة سقف
أوتوماتيك - 167 ألف
تزيد عن السابقة
- مصابيح زنون تلقائية التوجية
- باركينغ سنسور - خلفي
- ٦ وسائد هوائيه بدل ٢
- فرش جلد
- تحذير ربط الحزام للكرسى المجاور للسائق
و للاسف ما اعرفش حد فى معرض ممكن يعملك تخفيض كويس بس جرب اللى الاخوة نصحوك بيه و اتصل بالطارق و مصرية و سمير ريان لان اللى بيشترى كاش ممكن ياخد تخفيض كويس
بالتوفيق ان شاء الله

المشاركة الأصلية كتبت بواسطة mazher_m

ايه اخبار الفلونس معاك تستاهل فلوسها ولا...............؟

بسم الله ما شاء الله و لا حول و لا قوة الا بالله
الحمد الله لو رجع بيا الزمن مش ممكن حشترى غيرها

المشاركة الأصلية كتبت بواسطة abomar77

فنان من يومك يابوكلا .....
بس انت بتحطلها بنزين 95 طول الوقت ولا ممكن الواحد يحطلها شوية 95 وشوية 92 ....
ان شاء الله انا هاستلمها الاسبوع القادم ورمادي كمان زي بتاعة حضرتك ....

يا باشا دة بس من ذوقك
ان بصراحة بحطلها بنزين 95 طول الوقت يوم ما استلمتها خرجت من التوكيل فى العبور بشوية البنزين اللى كانوا فيها و روحت على محطة توتال حطيت 95 و من يومها مغيرتش و كمان بحاول انقى المحطات اللى بحط منها علشان على قدر الامكان محطش من محطة من اللى بيغشو البنزين و نصيحتى ليك بلاش الخلط يعنى يا تستعمل 92 من اول يوم و متغيروش او 95 علشان ما تبرجلش العربية
ان شاء الله تستلم على خير و ربنا يجعله اختيار موفق و تستمتع بيها

المشاركة الأصلية كتبت بواسطة m.elwan

هو مكتوب على صفحتهم على الفيسبووك sunroof + parking

بصراحة ماعرفش يا بوكلا ده الاصلى ولا لأ بس اعتقد انه الاصلى والله اعلم


http://www.facebook.com/#!/photo.php?fbid=222252394466829&set=a.2144088819178 47.67907.168004486558287&type=1&theater

انا اتصلت بالتوكيل و قالولى فعلا فى فترة معينة نزلو الفئة دى بفتحة سقف و باركينج سنسور اصلى بس بكميات قليلة قوى و لو طلبتها دلوقتى ممكن تاخد وقت طويل على مايجيبوهالك
يمكن تكون موجودة عند بعض الموزعين بكميات قليلة قوى
الف شكر على المعلومة و بالتوفيق ان شاء الله