رابطة حائزى الفلوينس

**asaber** · 18-01-2011 05:06 PM

المشاركة الأصلية كتبت بواسطة bukla

خد بالك لا يكون بيقولك على اول فئة اتوماتيك اللى ب 130 عند التوكيل و عايز يبيعها ب 137

علي اللي ب 140 ال Dynamic

**M.Elwan** · 18-01-2011 06:51 PM

المشاركة الأصلية كتبت بواسطة waelatef

مساء الخير عليكم جميعا
خوفنى شوية من اعادة البيع خاصة ان كمان خمس سنوات الجمارك على الاوروبى هاتنزل ل50% ولية واحد صاحبى شغال فى المصرية قالى ابعد عن الرينو خالص عاوز تشتر ى يبقى باسات او كورولا الجديدة علشان اعادة البيع وقطع الغيار بس مش عارف الكورولا شكلها مش عاجبنى ولها استايل خاص وأنا بادور على عربية ستايل وامكانيات واعادة البيع تكون ماسكة نفسها وبعدين عرفت ان فى عربية جديدة نازلة مصر كمان 6 شهور nissan qashqai
شكلها حلو وخاصة انها تقفيل england

انا برد على نقطة الجمارك بس
الجمارك دلوقتى 32 % + 18% الضرايب وبعد 5 سنين حتبقى 21 % + 18% ضريبة ورسم تنمية يعنى حتبقى 39% فى 2015

وبالنسبة لاعادة البيع انا شايف ان الموضوع ليه علاقة اكتر بموديلات الشركة لنفس العربية يعنى مثلا السيراتو رغم انها لسه جديدة بس الشركة نزلت نسخة احدث بفتيس احدث فطبعا ده حيأثر على سعر اعادة البيع للموديل الجديد اللى اصبح قديم
ونفس الامر بالنسبة للباسات والجيتا الشكل الحالى لان الشكل الجديد منهم نزل برا ومتوقع نزولة لمصر قريب جدا وده طبعا حيأثر على سعر اعادة البيع للشكل الحالى اللى حيبقى قديم لما الجديد ينزل خصوصا ان الجيتا والباسات نازلين بتصميم جديد من الصفر مش مجرد تعديل او اضافات على الشكل الحالى زى السيراتو مثلا

**waelatef** · 18-01-2011 11:06 PM

انا حاسس ان محمد زكي ده خواجه فرنساوى من رينو

مش عارف اشتري من موزع ولا يكون ملعوب في العربية "جنوط - استبن" مش عارف
انا من سكان اكتوبر ؟

كمان بيقولوا ان فيه مركز جديد في ابو رواش لسه بيتبنى

ياريت لو حد عنده نصائح للشراء خاصة وانا خبرتي في موضوع الشراء والبيع زيرو

**bukla** · 19-01-2011 09:41 AM

انا جايبلكم الفيديو دة علشان تشوفوا الفلوينس من اول ما كانت هيكل معدنى لغاية ما ركب فيها كل اجزائها
اتمنى انكم تستمتعوا بية
YouTube - Renault Fluence technische Informationen 2/2

**bukla** · 19-01-2011 10:38 AM

المشاركة الأصلية كتبت بواسطة tarek_rcc

طول عمرك كبير يا بوكلا ....
ماشاء الله عليك يا كبير الفلوينسين

يا باشا اخجلتم تواضعنا

**waelatef** · 19-01-2011 12:04 PM

خلاص يا جماعة اقتنعت مليون فى المية كل اما بأقارن بين فلوانس واى حاجة تانية تبفى الفلونس مرسى ليكم جميعا وشكرا لرددودكم وارجو ان تقبلونى عضو جديد فى الرابطة ودلوقتى اقدر أقول شبو فلونسممكن بقى حاجة اخيرة يا جماعة ممكن تليفون الاستاذ محمد زكى والعنوان بالظبط وشكرا جزيلا مرة اخرى

**mada0202** · 20-01-2011 02:34 PM

يا جماعة انا عايز اقول انى بقيت احلم بالفلونس - ايه العربية دى - حاجة بسم ما شاء الله
لدرجة لما بشوفها ماشية فى الشارع افضل اقول عربيتى اهى عربيتى اهى
انا معايا فيرنا حاليا و ان شاء الله ربنا يقدرنى قريب و انزل اجيبها - هى هتبهدلنى اكيد علشان اعرف اجيبها بس ولا يهم - انا حاسس انها زى حتة الالماظ .

ربنا يباركلم فيها ان شاء الله - و اول ناس هقولهم اول ما انزل و اشتريها

امين

**zizo1971** · 20-01-2011 02:39 PM

المشاركة الأصلية كتبت بواسطة mohamed_ashour

يا جماعة حد عندة مشكلة فى مؤشر البنزين او مساحات العربية
يا ريت لو حدة عندة مشكلة يرد عليا

شباب, انا معايا اول فئة اتوماتيك و راضى -الحمدلله- عن العربية لاقصى درجة، بس للامانة و اشارة لمشكلة مؤشر البنزين انا فعلا عندى مشكلة ،بعد شهر من الاستخدام ابتدى مؤشر البنزين لا يعبر بصدق عن كمية البنزين اللى فى التنك، بمعنى احيانا ابقى لسه مفول والاقى المؤشر مش على الآخر او مثلا يقول ان التنك فاضى وانا متأكد ان فيه ينزين، واحيانا يغير القراءة زيادة او نقصان بكل فورى.
المهم..فى صيانة ال5000 اقلتلهم على المشكلة و بالصدفة كان فى واحده واقفة جنبى و عندها نفس التعليق، اللى حصل انهم قالولى ان دى مشكلة طرمبة البنزين و انهم عملوا خطوة معينة فى الطرمبة و لو العيب اتكرر هايغيروها.
المهم ان العيب فضل و كلمنى مهندس الصيانة يطمن فقولتله لسه في مشكلة قاللى ابقى شرفنا فى التوكيل فقولتله بقى فى صيانة ال 10000 انشاءالله.

المهم من حوالى 10 ايام متهيألى العيب اختفى.

هذا للامانة وشكرا

الموضوع: رابطة حائزى الفلوينس

LinkBack

أدوات الموضوع

عرض

-

-

-

-

المواضيع المتشابهه

رابطة حائزى فلوينس سيدان و ميجان هاتش باك 3 --مشاركات 2011

رابطة حائزى ميجان هاتشباك 2 الفرنساوى الاصلى

بعد 6 شهور بحث الحمدلله انضممت الى حائزى رينو ميجان

رابطة مالكى الفلوينس (ثانى مرة) .

اعادة سعر الفلوينس

الكلمات الدلالية لهذا الموضوع

المفضلات

المفضلات

ضوابط المشاركة