الموضوع: رابطة حائزى الفلوينس

المشاركة الأصلية كتبت بواسطة bigwarrior

الف مبروك يافلونس وربنا يعطيك خيرها ويكفيك شرها
وعاوز اعرف حاجه الفئه الاعلى فيها وحدات رفع للزجاج

الله يبارك فيك يا باشا .. وللاسف مفيش وحده رفع زجاج في اي فئه
ولما روحت علشان اركب وحده الرفع عند مركز محترم قالولي لازم حنيجي ناحيه الضفيره
وطبعا حتي الساوند سستم مركبتش منه ولا حاجه لان الصب والجي ام وكل الحاجات دي قالوا لي لازم حنيجي ناحيه الضفيره
واي شيء ناحيه الضفيره انت بره الضمان
وما انصحش اي حد يقرب من ضفيره الرينو
حكمل لكم تجربتي النهارده بس كمان شويه علشان عندي شغل
بالمناسبه الحاجه الوحيده اللي ممكن تتركب من غير ما تيجي ناحيه الضفيره هي الزينون

المشاركة الأصلية كتبت بواسطة bukla

الف الف مبروك
ربنا يباركلك فيها و يكفيك شرها و يديك من خيرها
و ان شاء الله تنبسط من عربيتك و ما تنساش تبقى تدينا انطباعاتك عنها


للأسف مافيش وحدات رفع للزجاج فى اى فئة من فئات الفلوينس

الله يبارك فيك يا باشا .. وكنت مستنيك بصراحه علشان اسألك سؤال مهم
ايه الحل في موضوع اني عايز نظام صوتي اعلي .. مع اني لما ظبطت الكاسيت صراحه صوته زي الفل بس انا عايز نقاء وقوة اعلي في الصوت
ومش عارف اعمل ايه
هل في شيء اشتريه واركبه من بره بره بعيد عن الضفيره
اصل موضوع الضفيره ده بيجننهم في التوكيل يعني ممكن تعمل اللي انت عايزة بس لو جيت ناحيه الضفيره كأنك شتمتهم بالام

حجرب ماهو مافيش غير كده .. وحبلغكم بالجديد
ممكن حد ينصحني اجيب الفرش الجلد منين ايه افضل مكان ؟؟

المشاركة الأصلية كتبت بواسطة bukla

انا اعتقد ان الحل الوحيد للموضوع دة حيكون فى التوكيل نفسة يعنى بالإتفاق معاهم و بعد ما تتأكد منهم من امكانية دة تجيب النظام الصوتى اللى انت عايزة و همه يركبهولك فى العربية
و على فكرة الفكرة دى انا طرحتها عليهم قبل كدة لما كنت بفكر اركب باركنج سنسور و وافقوا انى اجيب اى نوع من برة و همه حيركبوة و ياخدوا المصنعية بس لكن انا اللى لغيت الفكرة علشان مش حابب انى اركب حاجة فى العربية مش اصلى
جرب و قوللى ردهم ايه

MR Bokla
i need to ask one Q about the parking sencor that you install it in the service center
what is the cost and did you got it from outside or from the service center ?
also the Zenon i need to install it can i install it outside the service center or its a must to install it at the sevice center and also how much they will take from me ?
thanks a lot for your support

السلام عليكم .. متابع انا وواخد بالي ان مفيش مشاركات
عموما حبيت انقل لكم اخر التجارب

يا جماعه احساس عالي جدا بالرفاهيه ومتعه القياده فعلا رينو مكدبتش لما قالت كده في البرشور بتاع العربيه
انك متحسش غير بالفخامه والمتعه وتفقد الاحساس بالوقت
انا يا دوب ظبطت واتعرفت علي كل الاوبشنز اللي في العربيه

وحبيت اضيف معلومه جديده كنت عارفه لكن مكنتش مقدر قيمتها

تحتوي السياره الفلوانس علي نظام ايموبليزر .. وده بقي حدوته للي مش عارف
ده نظام مانع السرقه والسطو
وببساطه شديده .. لو حرامي فتح العربيه وجرب يوصل الاسلاك من التابلوة باردو العربيه مش حتدور الا لو المفتاح المشفر جنبها 2 متر حد اقصي

ودي ميزة جميله جدا

طبعا لحد دلوقتي انا رايح اركب الفرش الجلد .. والحمد لله السياره فيها باركنج سينسور وانصح جميع مقتني رينو
ميشتروش حاجه مضروبه يا اصلي يا بلاش


يعني الشيء الوحيد من وجهه نظري اللي ممكن تتغاضي فيه هو الزينون

وموضوع الكاسيت والسماعات وكده مش حعمل فيه اي حاجه لحد ما اروح التوكيل صيانه 5000 حبقي احكي معاهم وانقل لكم التجربه


ومرفق في المشاركه دي برشور الفلوانس باللغه العربيه وحيعرفكم بالسياره اكتر وبالصور والشرح وكله
اتمني يعجبكم
ويساعد اي شخص في اتخاذ القرار
وانا جاهز لاي استفسار في عدم وجود الاخ بوكلا

وقريبا ان شاء الله لو في متسع من الوقت حشرح بالصور .. كل مميزات الفلوانس .. لان بصراحه العربيه بحر من الامكانيات .. في ناس راكبه العربيه ومتوصلوش لكل مميزاتها