رابطة حائزى الفلوينس

**M.Elwan** · 14-06-2011 11:21 PM

المشاركة الأصلية كتبت بواسطة elegance

الحاونييييييييييييييييييي ييييييييييييييييييييييييي يي :_alshmokh08[1]::_alshmokh08[1]:

انا حصلت معايا حاجة غريبة اوي من 10 ايام
و انا بدور العربية مكنتش عاوزة تدور !!!

و قلت يمكن انا بس عشان الصبح و مدورتش الكونتك كويس لسة نايمة علي نفسي و لا حاجة

.....
.. و بعدين حولت تاني راحت دايرة قولت يبقي العيب فيا :0002014a:

النهاردة الصبح عملت كدة تاني و اقعدت احوال حوالي 5 مرات لحد ما اشتغلت

بس بعد ما احبط جدا العربية لسة من جيبها شهرين بس و عملت كدة

قوللي حد عدت علية المشكلة دي

واحد زميلى كانتا بتحصل معاه فترة كده فى ميجان هاتشباك والعربية جديدة برده وبعدين مرة حصلت معاه وكنا مروحين من الشغل مع بعض كلمنا التوكيل قالوله دى البطارية فيها عيب وخلال ساعه ونص جتلنا عربية صيانة متنقله معاها بطارية جديدة وركبوها وشغل العربية اشتغلت والمشكلة الحمدلله محصلتش معاه تانى من ساعتها

**bukla** · 15-06-2011 09:59 AM

المشاركة الأصلية كتبت بواسطة bukla

و عليكم السلام و رحمة الله و بركاتة
الفئة الهاي لاين اللى ب 167 الف مش فيها باركنج سنسور و فتحة سقف بس دى تزيد كمان كشافات زينون تلقائية التوجية على حسب ارتفاع او انخفاض العربية و فيها كمان 6 ايرباج موزعين 2 امام و 2 خلف و 2 ستاير و كمان الفرش كلة جلد طبيعى دة غير حساس للتنبية بربط الحزام فى حالة وجود شخص راكب فى الكرسي المجاور للسائق
الكنبة الخلفية الحمد الله واسعة و توزيع الهواء من فتحات التكييف الخلفية اكثر من مرضى
بالنسبة لصاج العربية بسم الله و لا حول ولا قوة الا بالله تقيل و محمل و عن تجربة شخصية لقوة الصاج من حوالى شهر كنت فى احد الفنادق بالعين السخنة و ركنت بجانب كشك الحراسة عند مدخل الفندق من الخارج لاحساسي بعدم الامان بالركن فى بارك الفندق و سبحان الله و انا فى الفندق فجأة قامت رياح شديدة جدا لدرجة ان شمسية طارت و خبطت فى رأس بنتى الصغيرة اللى كانت فى حمام السباحة بس الحمد الخبطة كانت خفيفة المهم طلعت الغرفة لقتهم بيتصلوا بيا من الفندق بيطلبوا منى التوجة للبارك علشان العربية حصل فيها حاجة
انا طبعا اترعبت و نزلت جرى فوجئت ان الكشك الخشب اللى بيقعد فيه رجل الامن اللى انا كنت راكن فى وشة الهواء طيرة ووقع على الكابوت بتاع العربية

قدر الله ما شاء فعل و انا رايح الباركنج و شايف الكشك نايم على الارض جنب العربية بعد ما شالوة عمال الفندق من عليها قولت الخسائر اكيد كبيرة لكن والحمد الله مرة ثانية الكابوت متطبق تطبيقة صغيرة ما توحيش بحجم ووزن الكشك اللى نزل علية (بكرة ان شاء الله حصورهلكم)
بالتوفيق ان شاء الله

و ادى صورة التطبيقة

ودى صورة الكابوت من جوة اللى محيرنى بقى انى لو حبيت اسمكرها حيبقى ازاى و منين

**wawoo** · 15-06-2011 11:30 AM

مش شايف صور عندى ..تطبيقة اية يا بوكلا ؟؟؟

**bukla** · 15-06-2011 12:18 PM

المشاركة الأصلية كتبت بواسطة wawoo

مش شايف صور عندى ..تطبيقة اية يا بوكلا ؟؟؟

قدر الله ما شاء فعل و الحمد الله على كل شيئ زى ما انا حكيت فى المشاركة السابقة التطبيقة على الكابوت من فوق ناحية الشمال الصورة موضحة انا مش عارف لية الصور مش طالعة عندك ممكن يكون سيكيورتى على الجهاز اللى انت فاتح الموقع من علية دلوقتى

**gharana** · 15-06-2011 02:24 PM

المشاركة الأصلية كتبت بواسطة bukla

قدر الله ما شاء فعل و الحمد الله على كل شيئ زى ما انا حكيت فى المشاركة السابقة التطبيقة على الكابوت من فوق ناحية الشمال الصورة موضحة انا مش عارف لية الصور مش طالعة عندك ممكن يكون سيكيورتى على الجهاز اللى انت فاتح الموقع من علية دلوقتى

الف حمد الله على السلامة معلهش احياناً بتحصل حاجات مش لطيفة بس الحمد لله قدر اخف من قدر كان ممكن العربية مايحصلهاش حاجة وابنتك يحصلها حاجة فالحمد لله طبعاً وربنا يحفظ ابنتك من كل سوء وشر.
انا عندي مشكلة مازالت تعباني (عوامة البنزين) وعدم قراءتها بكفاءة وقد قمت بالتغيير تارة و اصلاح العيب تارة اخرى ولكن ريما ترجع الى عادتها القديمة فهل حدث ذلك مع احد غيري

**profahmed_i** · 15-06-2011 02:30 PM

مساء الخير على احلى رابطه
انا احب اشارك من جديد معاكو بعد فتره من الانقطاع
انا كمان كنت راكن جنب الشغل في مساكن شيراتون وانا مروح اخر النهار لقيت واحد الله يسامحه وخدلي جنب العربيه بمسمار من الاول للاخر .
الحاجات دي بتنكد قوي لاني بحاول بقدر الاستطاعه احافظ على العربيه.

**bukla** · 15-06-2011 02:45 PM

المشاركة الأصلية كتبت بواسطة elegance

bukla قدر الله و مشاء فعل و الحمد الله انها جت علي قد كدة..... و الله انا عرفة انة بيكون احساس وحش اوي لما بتحصل حاجة للعربية و يكون الواحد مغلي بالة منها بس الحمدالله علي قد كدة

الف شكر و ربنا يكفيكى و يكفينا جميعا شر الحوادث

المشاركة الأصلية كتبت بواسطة gharana

الف حمد الله على السلامة معلهش احياناً بتحصل حاجات مش لطيفة بس الحمد لله قدر اخف من قدر كان ممكن العربية مايحصلهاش حاجة وابنتك يحصلها حاجة فالحمد لله طبعاً وربنا يحفظ ابنتك من كل سوء وشر.
انا عندي مشكلة مازالت تعباني (عوامة البنزين) وعدم قراءتها بكفاءة وقد قمت بالتغيير تارة و اصلاح العيب تارة اخرى ولكن ريما ترجع الى عادتها القديمة فهل حدث ذلك مع احد غيري

اشكرك شكرا جزيلا على دعاءك و اتمنى لك و لأسرتك كل خير و سلامة
بالنسبة لموضوع عدم القراءة لمؤشر البنزين حصلت معايا قبل كدة بس الحمد الله دلوقتى ماعنديش المشكلة دى بعد ما اشتكيت فى التوكيل و عملولى ريسيت للعداد
عموما حقولك على حاجة انا جربتها قبل ما اروح للتوكيل و نفعت المرة الجاية و انت رايح تفول فى المحطة اول ما تبطل العربية و الراجل يفتح الغطاء و يبتدى يحط بنزين فى التنك لو انت عربيتك بالكارت حط الكارت فى مكانة و لو انت عربيتك بمفتاح افتح كونتاكت حتلاقى الانوار فى التابلوة نورت و مؤشر البنزين ابتدى يتحرك مع اندفاع البنزين فى التانك اللى حصل معايا انى لقيت المؤشر ابتدى يظبط بعد تانى تفويلة و الكلام دة كان قبل ما اروح للتوكيل مباشرة ماعرفش بقى اللعبة دى هية اللى ظبطت الموضوع دة ولا الريسيت اللى عملوة فى التوكيل عموما جرب و قولى

**bukla** · 15-06-2011 03:02 PM

المشاركة الأصلية كتبت بواسطة profahmed_i

مساء الخير على احلى رابطه
انا احب اشارك من جديد معاكو بعد فتره من الانقطاع
انا كمان كنت راكن جنب الشغل في مساكن شيراتون وانا مروح اخر النهار لقيت واحد الله يسامحه وخدلي جنب العربيه بمسمار من الاول للاخر .
الحاجات دي بتنكد قوي لاني بحاول بقدر الاستطاعه احافظ على العربيه.

مساء الفل على احلى اعضاء
لا حول و لا قوة الا بالله نفسى اعرف اللى بيعمل كدة بس بيستفاد اية

الموضوع: رابطة حائزى الفلوينس

LinkBack

أدوات الموضوع

عرض

-

-

-

-

-

المواضيع المتشابهه

رابطة حائزى فلوينس سيدان و ميجان هاتش باك 3 --مشاركات 2011

رابطة حائزى ميجان هاتشباك 2 الفرنساوى الاصلى

بعد 6 شهور بحث الحمدلله انضممت الى حائزى رينو ميجان

رابطة مالكى الفلوينس (ثانى مرة) .

اعادة سعر الفلوينس

الكلمات الدلالية لهذا الموضوع

المفضلات

المفضلات

ضوابط المشاركة