الموضوع: رابطة حائزى الفلوينس

المشاركة الأصلية كتبت بواسطة ahmadm

اية السرعة دية انا افتكرتك هاترد بليل او بكرة :) ربنة يكرمك و الله الواحد من كتر ما بقالو كذا يوم عمال بيقراء فى الموضوع حسيت انى اعرفك من زمان :) انا متشكر جدا و ربنة يجزيك خير على وقتك اللى بتفيد بية الناس دة :)

سؤال بقة كدة على السريع او سؤالين :)

1- هو مشكلة ان الكاوتش المساحات بيبوظ بسرعة دة عيب اية ؟
2- مشكلة كاوتش البرابيز دية اعيب اية ؟
3- نتشة الفتيس من الاول للتانى
4- مؤشر البنزين ؟ هل ليها تاثير على كمبيوتر العربية فى حساب كمية البنزين و المسافة المقطوعة ؟

اعتقد كدة دية بس المشاكل اللى ظهرت فى العربية

هل لو عاد بيك الزمن كنت بردة هاتشتري فلوانس ؟ معلش بقة تقلنا عليك انا قلت بقة اسلى صيامك

اولا الشكر لله و ربنا يجازيك خير على الكلمتين الحلوين دول
انا فقط بحاول ارد جميل المنتدى اللى استفدت منه كثير و كمان عرفنى على اخوة محترمين زيكم
ثانيا انا و الحمد الله ماعنديش اى من العيوب دى
عربيتى عمرها سنة و ثلاث شهور مشيت بيها اكثر من 24 الف كيلو كاوتش المساحات سليمة مع الوضع فى الاعتبار انى بستخدم المساحات كثير كل ما احس ان الزجاج مش نظيف
و العيب الثانى ده بصراحة مش فاهمه يعنى اية عيب فى كاوتش البربريز ياريت صاحب العربية اللى فيها العيب دة يوضحلنا او يصورلنا المشكلة
نتشة الفتيس بين الاول و الثانى كانت بتظهر فقط فى طريقة سواقة معينة انا فهمتها و تقريبا مابحسش بيها دلوقتى خالص
يمكن مؤشر البنزين العيب الوحيد اللى ظهر عندى و ماكانش بيأثر على اى حاجة غير انة بيدى قراءة مخالفة لكمية البنزين الفعلية اللى فى التنك و الحمد الله عالجته بسهولة بالطريقة اللى فى الرابط دة مشاركة رقم 898
http://www.nilemotors.net/Nile/147081-a-90.html
اما بقى بالنسبة لتعليقك الاخير اقدر اقولك بمنتهى الثقة ان بعد مرور المدة دى من استعمالها انى مازلت و الحمد الله باستمتع بسواقة العربية دى لحد دلوقتى و مش لو رجع بيا الزمن بقى ده لو انا عايز اجيب عربية ثانية انهاردة برضة حجيب الفلوينس لانها فى رأيى افضل عربية فى المستوى السعرى دة
بالتوفيق ان شاء الله