الموضوع: رابطة حائزى الفلوينس

لو سمحتو ليا سؤال.....أنا عايز أركب باركينج سينسورز للعربية .هل ممكن في التوكيل و سعرها هيكون كام و هل هتشتغل على كمبيوتر العربية و لا جهاز منفصل

المشاركة الأصلية كتبت بواسطة ahmadel

لو سمحتو ليا سؤال.....أنا عايز أركب باركينج سينسورز للعربية .هل ممكن في التوكيل و سعرها هيكون كام و هل هتشتغل على كمبيوتر العربية و لا جهاز منفصل

لو فريت الموضوع كله من الأول هتلاقي كلام كتير عن موضوع الباركنج سيسنور , بإختصاار لازم يركب في التوكيل عشان متخرجش من الضمان و هيكلفك 250 جنيه تركيب بس و انت البتجيب الجهاز من بره و مش هيشتغل على كومبيوتر العربية

المشاركة الأصلية كتبت بواسطة moh_gawad

ما تزعلش منى بس موضوع ما تفتحش الكابوت خلال فترة الضمان دة مش ممكن أنا أصلا مهندس كهرباء وأخدت دورات فى ميكانيكا السيارات أيام الكليه (من 13 سنه)ومش من النوع إللى بيسوق وخلاص لازم كل كام يوم أبص بصه كدة وأحاول أتعلم. على فكرة أنا جبت maintenance manual بتاعها من على النت صحيح أنا لسه ما قريتش فيه بس أكيد الواحد حيتعلم منه كتير ويبقى عارف إيه إللى جوة العربيه

ياريت لو تتفضل مشكورا و توفرلنا رابط التنزيل لل maintenance manual او في موضوع خاص عشان الكل يستفاد و مشكور مقدما :)

المشاركة الأصلية كتبت بواسطة moh_gawad

سؤال بعد إذنكم
فيه حاجه متثبته جنب البطاريه وواصله تحت الموتور يا ترى حد يعرف دى إيه؟

دا الكونترول يونيت أو "كومبيوتر العربية" من صناعة شركة كونتينتال (او سيمنس سابقاً)

المشاركة الأصلية كتبت بواسطة bukla

السلام عليكم
بما اني قريت تعليقات كتيير لييك وقررت أشتري الفلوانس من شكر الناس فيها فأنا عايز أسالك كام سؤال أصلي استلمت العربية النهاردة
- هي أول فئة أتوماتيك بيجي معاها مفتاحيين ريموت وبس؟
- هل في صيانة عند الألف ولا 5000 علطول؟
- موضوع ظبت الكاوتش أنا روحت للراجل في البنزينة ٌولتلو اعملي اللي قدام علي 35 و ورا علي 29 زي الالكاتالوج قلي هوا كولو 28 علشان الدنيا حر. أسمع كلامو ولا اية؟
- هل في الأستلام فية شنطة عدة ولا بس الكوريك والمفتاح وقطعة القطر ؟"

ألف شكر لييك
اللى فاتت دى مشاركة من الاخ الفاضل </b>obad_83هو عضو معانا فى المنتدى و باعت استفساراتة ليا على الخاص حبيت انقلها هنا علشان استفادة الجميع
و الاجابة على استفساراتة كالاتى
- هي أول فئة أتوماتيك بيجي معاها مفتاحيين ريموت وبس؟
صح
- هل في صيانة عند الألف ولا 5000 علطول؟
مافيش صيانة عند الاف و حتى ال 5000 دى اختيارى يعنى لو ظروفك ما سمحتش انك تروح و الحمد الله ماعندكش اى شكوى من العربية ممكن تروح على ال 10000 علطول و دى الصيانة الاجبارية علشان الضمان و كمان الكشف على العربية و تغيير الزيت
- موضوع ظبت الكاوتش أنا روحت للراجل في البنزينة ٌولتلو اعملي اللي قدام علي 35 و ورا علي 29 زي الالكاتالوج قلي هوا كولو 28 علشان الدنيا حر. أسمع كلامو ولا اية؟
لأ طبعا ما تسمعش كلامة و اسمع كلام الناس اللى صنعو العربية و اضبط الهواء فى الكاوتش داخل البلد 32 امامى و 29 خلفى اما على طرق السفر بس بيبقى 35 امامى و 32 خلفى
- هل في الأستلام فية شنطة عدة ولا بس الكوريك والمفتاح وقطعة القطر ؟
لأ ما فيش شنطة عدة بيبقى زى ما انت قولت كويك و مفتاح عجل و قطعة القطر و لو فئة اعلى بتزيد صواميل الاستبن و بعض المعارض بتدى دواسات
الف مبروك مرة ثانية و مرحبا بيك فى الرابطة و لو عندك اى استفسار فى اى وقت اطرحة و لو انا مش موجود علشان اجاوبك كل الاخوة هنا ما شاء الله بيحبوا يساعدوا كل الناس و عندهم معلومات مميزة و كافية
ربنا يبارك ليكم و فيكم جميعا

ألف شكر يا باشا ومبروك علي شركة رينو عضو جديد :) :)

المشاركة الأصلية كتبت بواسطة ahmedsql

ياريت لو تتفضل مشكورا و توفرلنا رابط التنزيل لل maintenance manual او في موضوع خاص عشان الكل يستفاد و مشكور مقدما :)

اللينك الأول دة أسم السايت وحتلاقى فيه كل أنواع العربيات إللى عارفينها وإللى ما سمعناش عنها , وبعدين تتدخل على لينك رينو ومنها حتلاقى كل أنواع الرينو يعنى الميجان 1و2 والفلوينس وحتى الرينو 19و25 و..........
السايت دة من سلوفاكيا
Manuأ،ly.KarNet.sk - Manuأ،ly | Nأ،vody | Prأ.ruؤچky | Servisnأ© manuأ،ly | Dielenskأ© prأ.ruؤچky | Nأ،vody na obsluhu


أو أدخل مباشرة على
Renault Megane 3, Fluence (2008 -) - manuals and handbooks - Manuأ،ly.KarNet.sk - Manuأ،ly | Nأ،vody | Prأ.ruؤچky | Servisnأ© manuأ،ly | Dielenskأ© prأ.ruؤچky | Nأ،vody na obsluhu


أتمنى أن يعجبكم الموضوع دة

السلام عليكم جميعاً
هذه اول مشاركة لي في الرابطة.
ومن كثر الكلام علي السيارة وبعد مشاهدة السيارة في المعارض المختلفة, فعلاً السيارة مختلفة عن أي سيارة في السوق وبدون مقارنة فعلية مع اي سيارة اخري, لأن اي مقارنة سوف تكون غير عادلة (وجهة نظري).
لكن يوجد مشكلة ازلية مصرية فقط وهي انت تشتري سيارة رينو ليه - دي سيارة مالهاش سوق في البيع ! - دي سيارة قطع غيار مش متوفرة ! مشاكلها كثير! وخلافه طبعاً ده نتيجة الضجة التي صاحبت الميجان.
مع العلم ان السيارة أمان جداً , عائلية , فخمة من الداخل والخارج.
علي فكرة ان لسة حشتري السيارة من اوتو سمير ريان.
وشكراً للقراءة.

المشاركة الأصلية كتبت بواسطة moh_gawad

اللينك الأول دة أسم السايت وحتلاقى فيه كل أنواع العربيات إللى عارفينها وإللى ما سمعناش عنها , وبعدين تتدخل على لينك رينو ومنها حتلاقى كل أنواع الرينو يعنى الميجان 1و2 والفلوينس وحتى الرينو 19و25 و..........
السايت دة من سلوفاكيا
manuأ،ly.karnet.sk - manuأ،ly | nأ،vody | prأ.ruؤچky | servisnأ© manuأ،ly | dielenskأ© prأ.ruؤچky | nأ،vody na obsluhu


أو أدخل مباشرة على
renault megane 3, fluence (2008 -) - manuals and handbooks - manuأ،ly.karnet.sk - manuأ،ly | nأ،vody | prأ.ruؤچky | servisnأ© manuأ،ly | dielenskأ© prأ.ruؤچky | nأ،vody na obsluhu


أتمنى أن يعجبكم الموضوع دة

مش عارف اشكرك ازاي ,كنت بدور عليه من زمان
الف شكر :)