لسه حالا راجعة من بره ..
اللي حصل اني ماشية في شارع رئيسي اتجاهين وفيه تقاطع ناحيتي مع شارع جانبي .. الاقي واحد جاي من الرئيسي الناحية التانية وبيرمي نفسه قدامي عشان يدخل في الجانبي ..
بيرمي نفسه بمعنى الكلمة ..
الحمد لله لحقت نفسي ودوست فرامل جامدة جدااااااا
والراجل راح مشاورلي اسف اسف وعدى ..
وبس كده ..
العربية وقفت
مش عايزة تتحرك
دايرة وعلى ال d وشلت رجلي من على الفرامل مشيت اقل من متر ووقفت
ادوس بنزين مش عايزة تتحرك
اجيب على ال r مش عايزة تتحرك
ادوس بنزين جامد اشم ريحة شياط وصوت كركبة وبرضه العربية مش عايزة تتعتع من مكانها
اجيب على ال p اسمع صوت كركرة كل مانقل على اي حاجة اسمع كركرة وطقطقة كده
قفلتها وفتحتها مفيش فايدة
سواق تاكسي وقفلي وقعد يجرب فيها ويحرك العجلتين اللي قدام بايده
قالي ده اكسات
وبعد شوية قالي ده الجير ضرب
وزقلي العربية ركنتها على جنب وبابا نزل يوديها لميكانيكي

انا بجد قلقانة جدا لحسن يكون الجير ضرب
حد يطمني ويقولي اللي حصل ده ممكن يكون ايه :(