الموضوع: مميزات وعيوب الماروتى بالتفصيل

انا اتصلت امبارح بواحد عامل اعلان عن العربية بس لاقيته بعها ولما سأته عن رأيه فى العربية
قالى انها حلوة بس لما قولتله انى بأمش من طريق الماظة بعد السوبر جيت (طريق مكسر وكله تعرجات) قالى لاء انا ما نصكيش بالعربية لان عفشتها مش هتستحمل وقالى افضل تشوفى حاجة تانية. ايه رأى الاخوة

يا اخ ابو جنة هو حاضرتك بتمون ببنزين 80 فعلا وده ما يأثرش على العربية فى اى حاجة.
وحاضرتك ما شرحتليش يعنى ايه الكهرباء عالية يعنى اعرف ازاى ان الكهرباء بتاعة العربية عالية ولك جزيل الشكر على ردود حاضرتك

الاخت مرمر بالنسبة للفتيس فتيس الماروتى انعم من ال127 واربعة غيار اما موضوع الوزن انا كنت مركب اربعة من الاصدقاء وانا خامسهم وانا اقلهم وزنا 175 كيلو وطولي 175 سم ورحنا اسماعلية رايح جاي والفيوم ومرة طريق الكريمات حتى الصف بنفس الوزن بالنسبة للسرعة 100 كيلو تمام للسيارة واقصى سرعة جبتها 120 كيلو في زملاء في المنتدى جابو 140 كيلو بيها وانا منصحش بالسرعة لاي عربية كانت بالنسبة للكاسيت عادي ممكن يتركب ليها اي كاست مع التعديل في التابلوه بقص جزء بسيط جمب الساعة او تركيب كالسونة كاسيت تحت التابلوه ويركب فيها الكاسيت بالنسبة للبنزين انا بحط 80 وسعات 90 والعربية اقتصادية جدا في استهلاك البنزين وموضوع الكهربا عاليه اي ميكانيكي من السهل يظبط الكهربا عن طريق الاسبراتير والكربراتير وده موضوع سهل وعادي واقصى تكلفة ليها 10 جنية وانا بعمل التظبيط ده بنفسي من سهولتة اما تصفير العداد فعلا فيه ناس محترفة الموضوع ده بس من الافضل ليكي انه يكون معاكي اخوكي او والدك او اي راجل من الاقارب "ليس تقليلا من شأنك" بصحبة مكانيكي يكون معرفه وامين ويكشفلك على العربيه كويس واستخاري الله عز وجل وتوكلي عليه

[QUOTE=abogogo;3872216941]الاخت مرمر بالنسبة للفتيس فتيس الماروتى انعم من ال127 واربعة غيار اما موضوع الوزن انا كنت مركب اربعة من الاصدقاء وانا خامسهم وانا اقلهم وزنا 175 كيلو وطولي 175 سم ورحنا اسماعلية رايح جاي والفيوم ومرة طريق الكريمات حتى الصف بنفس الوزن بالنسبة للسرعة 100 كيلو تمام للسيارة واقصى سرعة جبتها 120 كيلو في زملاء في المنتدى جابو 140 كيلو بيها وانا منصحش بالسرعة لاي عربية
انا قرأت ان اقصى وزن ليها 1000 وهى فارغة وزنها 665يبقى ازاى ركبتوا 5 افراد بوزان اكثر من 175

المشاركة الأصلية كتبت بواسطة marmar9680

انا اتصلت امبارح بواحد عامل اعلان عن العربية بس لاقيته بعها ولما سأته عن رأيه فى العربية
قالى انها حلوة بس لما قولتله انى بأمش من طريق الماظة بعد السوبر جيت (طريق مكسر وكله تعرجات) قالى لاء انا ما نصكيش بالعربية لان عفشتها مش هتستحمل وقالى افضل تشوفى حاجة تانية. ايه رأى الاخوة

هو فعلا ممكن تكون عفشتها مش قد كده

و ممكن تحتاجي تغيري المساعدين كل سنة حتى (سعرها حوالي 200 جنيه على ما افتكر)

بس قصاد كده فيه مميزات تانيه كتير قوي حاتكسبيها