مميزات وعيوب الماروتى بالتفصيل

**micromoud** · 04-02-2010 09:10 PM

اه ياباشا عادى بس على ما اعتقد انه هيحسبها عليك انها صيانه الالف ويغيرلك زيت وفلتر

**Abdm** · 05-02-2010 10:15 AM

المشاركة الأصلية كتبت بواسطة abdm

سؤال مهم جدا يا رجالة وهو ممكن يكون خاص بكل العربيات مش الماروتى بس دلوقتى لو حصل بعد أستلام العربية أن فيها بعض المشاكل البسيطة يعنى أحساس بأن العفشة عايزة تربيط شوية أو الفرامل ضعيفة أو الدريكسيون والفتيس تقيل أو الدبرياج عايز يتظبط فهل ممكن قبل صيانة الآلف أروح التوكيل يظبط كل الحاجات دية ولآ لازم أستنى لغاية صيانة الآلف رجاء الآجابة و جزاكم الله خيرا

يا ريت مشاركة كل القسم وكل المنتدى فى الموضوع دة لآن مش معقولة تكون العربية لسة متسلمة ومش عاملة 100 كيلو وفيها بعض المشاكل ولسة الزيت والفلتر جديد وما ينفعش يحسبوها صيانة الآلف . وبعدين المشاكل دية ليس لها علاقة بالزيت والفلتر دية كلها تظبيطات مهمة على ما أعتقد ما ينفعش الواحد يمشى بيها كدة لغاية صيانة الآلف وما ينفعش يغيروا الزيت والفلتر وهما لسة جداد .رجاء المشاركة من الجميع .وجزاكم الله خيرا

**meemo** · 07-02-2010 06:04 PM

شكرا لورد باشا شكرا محنش باشا واسف علي التاخير في الرد بسبب النت وهاجرب حكاية الشنطة والكنبة علشان التزيق بس ممكن اسال علي حاجة تاني
عايز وانا موجود الاجازة القصيرة دي اظبط العربية يعني في السريع كده عايز اجيب فرش للعربية سالت قالوا فرش الكنبة الخلفية قطعة واحدة يعني لازم سروجي يقص الفرش علشان الكرسي الخلفي
حد يعرف محل بتاع فرش ماروتي كويس وحاجته كويسه لو حد يعرف يقول ياشباب الماروتية وشكرا وياريت العنوان والسعر التقريبي
شكرررررررررررررررررررررا

**micromoud** · 08-02-2010 12:13 AM

meemo باشا
هرد انا بما انى جربت الموضوع دا فى واحد فى باب اللوق محل مشهور اسمه سبير كار دا عنده كل حاجه خاصه بالفرش و اسعاره رخيصه مجرد انت بتنقى اى شكل بيعجبك هو بياخد الفرش ويديه للسروجى يعملهولك على مقاس العربيه ويركبلك الفرش وانت واقف
عنوانه 20 ش نوبار امام وزاره الداخليه

**micromoud** · 08-02-2010 12:15 AM

ودا الموقع بتاع المحل
Spare Car

**Abdm** · 08-02-2010 03:48 PM

المشاركة الأصلية كتبت بواسطة abdm

يا ريت مشاركة كل القسم وكل المنتدى فى الموضوع دة لآن مش معقولة تكون العربية لسة متسلمة ومش عاملة 100 كيلو وفيها بعض المشاكل ولسة الزيت والفلتر جديد وما ينفعش يحسبوها صيانة الآلف . وبعدين المشاكل دية ليس لها علاقة بالزيت والفلتر دية كلها تظبيطات مهمة على ما أعتقد ما ينفعش الواحد يمشى بيها كدة لغاية صيانة الآلف وما ينفعش يغيروا الزيت والفلتر وهما لسة جداد .رجاء المشاركة من الجميع .وجزاكم الله خيرا

أنا سئلتهم فى التوكيل فرع الدقى وقلى دية حاجة عادية بتتصلح على حساب الضمان وملهاش علاقة بصيانة الآلف كيلو ومش هتتحسب صيانة الآلف ولا هيغيروا زيت أو فلتر دية أول حاجة

الحاجة التانية أنا سئلت على العرض اللى كان شائع عنة سؤال هنا فى القسم قلولى أن فى عرض عند تغيير الزيت ال 10000 فقط طبعا الزيت على حسابك والفلتر معمول علية عرض مجانى من عندهم ودة على موبيل 10000 فقط لا يشمل الزيت ال 5000 والله الموفق

**LORD.ADeL** · 09-02-2010 10:16 AM

ياعم دة توكيل زباله اصلاا فكك منهم يا عبدة بجد

**meemo** · 09-02-2010 12:28 PM

المشاركة الأصلية كتبت بواسطة micromoud

meemo باشا
هرد انا بما انى جربت الموضوع دا فى واحد فى باب اللوق محل مشهور اسمه سبير كار دا عنده كل حاجه خاصه بالفرش و اسعاره رخيصه مجرد انت بتنقى اى شكل بيعجبك هو بياخد الفرش ويديه للسروجى يعملهولك على مقاس العربيه ويركبلك الفرش وانت واقف
عنوانه 20 ش نوبار امام وزاره الداخليه

شكرا ميكرو يازعيم
انا انشا الله علي الجمعة اروح واشوف نظامهم ايه وربنا يسهل
شكررررررررررررررررا:10d5c8~1107 :

**meemo** · 16-02-2010 02:59 AM

رحت باب اللوق محل سبير كار زي ميكرو باشا ماقال وركبت الفرش ب85 شامل التركيب
سؤال الفوانيس الكريستال الجديدة الخلفي والامامي تركب علي الماروتي 2009

**LORD.ADeL** · 16-02-2010 12:02 PM

مبروك يا ميموو ع الفرش وياريت تصورلنا الفرش ع العربيه
علشان نشوف الشغل حلو ولا ايه
----
بخصوص فوانيس تركب ياباشاا ماروتي كله واحد الشكل جديد يعنى من موديل 2006 اعتقد او قل كدة لحد دلوقت شكل واحد وفوانيس واحدة ((: توكل ع الله