كوعة الثرموستات

**Ahmed Galal** · 06-05-2010 03:36 PM

فيه عندى شوية ريم اخضر حولين الخرطوم اللى جاى من الردياتير و داخل على كوعه الثرموستات فى الموتور بس حولين الريم ده جاف تماما و ما فيش تسريب الحمد لله و كله تمام بس عايز اعرف

بييجى منين؟
و هل ده طبيعى؟
و ممكن افك و انضف المنطقة ديه و لا بلاش احسن؟

منتظر مساهمتكم

**samirayad** · 06-05-2010 04:51 PM

الأول قولى يا أحمد باشا

أنت بتستعمل ميه نوعها أيه لدايرة التبريد ..........؟

ماء أخضر ولا ماء عادى من الحنفيه

**Ahmed Galal** · 06-05-2010 04:57 PM

ميه خضرا يا بشمهندس و لما اشتريت العربية بردك كان فيها ميه خضرا و عملت دورة غسيل فى البنزينة مرة وحدة اول ما جبت العربية و بعدها بدات انا اتعامل مع نفسى و ما فيش صدى فى الردياتير و لا علبة التزويد و غطا الردياتير جبته جديد من شهر و الميه جبتها من كرفور

**samirayad** · 06-05-2010 05:11 PM

يبقى ده رشح ميه خضراء خفيف ونشف

ولو فيه أمامك الفرصه لتتقيل الرباط شويه على مسامير تثبيت الكوعه على رأس السلندر

تقل الرباط شويه وبالعقل برضه
يمكن يجىء معاك سنة رباط للمسمارين بتوع كوعة الثرموثتات

وسورى أنا مكنتش واخد بالى من أن الريم حوالين الخرطوم مش على وش السلندر

وبكده يبقى برضه أكد على رباط القفيز بتاع الخرطوم اللى راكب على زور الكوعه

**Ahmed Galal** · 06-05-2010 05:32 PM

انا هاحاول اقرط سنة صغيرة عشان ما يحصلش حاجة و هوا الريم بالظبط عند زور الكوعة مكان ما الخرطوم راكب و بالتحديد حولين شفة الخرطوم و لما جسيت على الخرطوم حسيت بان زور الكوعة المعدنى طويل فى قلبه لكن مكان ركوب الكوعة فى المكنة بالمسامير مش عليه الريم ده و الخرطوم راكب بكوليه اللى بينضغط بالكماشة و يفتح فمش هاقدر اقرط عليه بس انا متابع المنطقة ديه كويس و كل ما ارجع من مشوار اجسها الاقيها ناشفة تماما بافكر اجيب قفيز قدام الكوليه تاكيدا للحبك يبقا كده تمام يا هندسة و لا ايه ؟