الموضوع: سبب ارتفاع سعر جتز

المشاركة الأصلية كتبت بواسطة aboood

الجيتز كوري 100%

وبالنسبة لحرام ادفع 90000 الف بدايهتسو او 80000 الف بجيتز
فاظن ده مش من حقك انك تحرم وتحلل على راحتك
كل واحد بشوف استخداماته للعربية
يعني واحد زيي كده من اللي معاهم جيتز اللي حرام ندفع فيها 80000 الف
جيت قبل ما اشتري العربية شوفت انا عاوز ايه من العربية
1- انا عاوز عربية صغيرة هاتش باك صغيرة عشان في عربية تانية في البيت
2- عاوز عربية اتوماتيك موتور يستحمل التكييف ويكون قوي عشان كده استبعدت البيكانتو واصلا هيا كانت خياري الاول بس الموتور ال 1100 سي سي والفرق بينها وبين الجيتز خلاني افضل الجيتز عنها
3- عربية لو فكرت اسافر فيها ما اخفش منها والحمدلله بعد ما جبتها سافرت الغردقة والحمدلله من يوميها والعربية دي عجبتي وشدتني ليها اكتر

وبالنسبة للدايهتسو سيريون العربية دي مع واحد صاحبي وياما سقتها واظن فرق السعر يستاهل عشان ال abs والايرباج وياباني

فكل واحد بيشوف هوا عاوز ايه من العربية وايه امكانياته المادية وبيصلي ركعتين استخارة زربنا بيوجهنا للخير

فيا اخي يا ريت ما تقولش حرام في حاجات زي كده عشان الحرام كلنا عارفينه !!!

تسلم اديك خلاصه الكلام

متزعلوش منى
بس بصراحه
شكلها وحش اوى

بصراحة الاكسنت
افضل كتير شكل خارجى وداخلى خامات داخلية وموتور وألوان جميلة وحجمها مناسب مش كبير أوى عن الهاتشباك لالا الفارق شاسع

المشاركة الأصلية كتبت بواسطة hugan

ايه ياعم في ايه اهدي عليا مش كده انت مش ها تديني درس
لو كنت قريت مشاركتي كويس واخدت بالك فبل ماتسخن وتخش شمال قوي كده كنت اخدت بالك اني قلت ان الموضوع اذواق ورغبات
انا شايف انه حرام ايوه ادفع مبلغ زي ده في عربيه صغيره
انت العربيه عجباك با لهنا والشفا
انا ماقاتش لحد اشتريها او ما تشتريهاش
اللي مقتنع بيها خلاص هو حر
وبعدين حرام ايه اللي كانا عارفينه هو انا با اقولك افعل منكر
يا ريت يبقي اسلوبك اهدي من كده شويه اظن ان كلامي كله كان عن وجهه نظري وما طلبتش ان حد يا خد بيها اولا
انامقتنع بشيء خلاص انت مفتنع بشيء خلاص

لا شمال ولا يمين ولا حاديك درس ولا حاجة
والله قريتها مشاركة مشاركة ولو ما قريتهاش ما كنتش شفت مشاركتي السابقة
الله عليك اذواق ورغبات كده صح اما حرام فانت كده بتعيد الكلام تاني
مش انت اللي اتقول حرام ادفع فلوس في العربية دي ( ولو كده انا حابقى اول واحد يقول حرام ادفع جنيه واحد في عربية صيني (اسبرانزا) بس انا اقول اكيد هوا شاف ان العربية دي مناسبة ليه كسعر واستخدام وشكل )
وبالنسبة ان ده رايك ومش طالب من حد ان ياخد فيه او لا فانا بقولك انك غلطان واحد لو معانا في المنتدى او اي مكان وعاوز يشتري اي عربية وشاف المواضيع عن العربية دي وشاف رايك اكيد حيتاثر فيه ولو حتى بنسبة 1% فلو انت مش فارقة معاك والمهم ده رايك فاحسن انك تحتفظ في الرد عشان كده وكده مش فارقة معاك
وبالنسبة لاسلوبي فصدقني مش حتلاقي حد زي يناقشك بطريقة عقلانية وبهداوة زي كده

المشاركة الأصلية كتبت بواسطة heshaaam

بصراحة الاكسنت
افضل كتير شكل خارجى وداخلى خامات داخلية وموتور وألوان جميلة وحجمها مناسب مش كبير أوى عن الهاتشباك لالا الفارق شاسع

الاكسنت ليها ناسها لو انت عندك عيلة صغيرة والشنطة مهمة ليك يبقى الاكسنت الاختيار الافضل ليك
ولو انت شاب لوحدك او في بداية حياتك وعاوز عربية صغيرة و الشنطة مش مهمة ليك يبقى الجيتز كاختيار افضل
ورايك يحترم يا باشا

هههههههههههههههههه حرام في الجيتز وحلال في الاسبرانزا 516 .....
ربنا يهديك ويهدينا