مش عارف المشكلة في ايه

**samirayad** · 06-05-2010 10:18 PM

المشاركة الأصلية كتبت بواسطة madoo_600

العفشه مفيهاش حاجه انا كان عندي نفس الموضوع وراح مع العلم ان الكاوتش مكملش 3000 كم بص ياباشا الفرده دي فيها عالي وواطي نتيجه فرمله جامده على طريق اسفلت وتراب القصه حصلت ان كان في فرده على الاسفلت وفرده عالتراب نتيجه الفرمله الجامده دي ان الكاوتش نحل من تحت ركب الاستبن وجرب كده وقولي

العربية كورولا 94 والتعليق الخلفي مستقل....

أما أنت عربيتك لسه زيرو

كيا سيراتو lx m 2010

**hobaz** · 06-05-2010 10:28 PM

المشاركة الأصلية كتبت بواسطة samirayad

أما أنت عربيتك لسه زيرو

اكيد مش زيرو طبعا ياباشا....

بس هو ممكن يبقى تظبيط زوايا ولا بعيد اوي ده....

**samirayad** · 06-05-2010 10:35 PM

بس هو ممكن يبقى تظبيط زوايا ولا بعيد اوي ده....

ليه لا

ممكن فعلا تكون عندك أحد الفرد محتاجه ظبط زاويه صح

وده يبان من شكل تآكل الكاوتش عندك من الأجناب الداخليه أو الخارجيه
وأنا كلامى كله مع حضرتك

على أساس أنك قولت أن الزوايا والترصيص تمام

مع العلم اني مرصص وزابط زوايا قدام....

**hobaz** · 06-05-2010 11:25 PM

انا فعلا مزبط زوايا بس مش واثق في اللي زبطهم وكمان مزبطش اللي ورا فمبدئيا هعملهم عند حد موثوق فيه (بريدجستون مثلا) يمكن تكون من كده (يارب) ولو نفس المشكلة يبقى هقوم بكل اللي حضرتك وضحته قبل كده والف شكر على اهتمامك ياباشا....

**aymanmaly** · 06-05-2010 11:33 PM

المشاركة الأصلية كتبت بواسطة samirayad

أعتقد كده عندك حاجه فى العفشه

1- مساعدين بدأت تخف شويه

2- أو مقصات بدأت جلبها تبوش

أعرض السياره على عفشجى كويس

لو الوضع الحالى عاملك قلق

أما لو الأمور معقوله

ممكن تراجع فقط على تربيط العفشه كلها فقط

وتشوف الوضع بعد التربيط حيقول أيه

جايز تكون محتاج أعادة تأكيد على مسامير تثبيت المساعدين مع الكرتيرات مثلا

وكده تبقى عمليه بسيطه جدا

_____________________________________

وأيضا أنصح قبل أى شىء

بمراجعة رباط جميع صواميل مسامير عجل السياره الأربعه

جايز يكون فيه حاجه عاوزه رباط مثلا

انا مع الكلام دة جدا لاكن احب ازيد علية ان العيب دة لما يظهر فى السرعة البسيطة دى 90 % الجنوط محتاجة استعدال و ال10% الباقية عفشة

**hobaz** · 06-05-2010 11:42 PM

المشاركة الأصلية كتبت بواسطة aymanmaly

انا مع الكلام دة جدا لاكن احب ازيد علية ان العيب دة لما يظهر فى السرعة البسيطة دى 90 % الجنوط محتاجة استعدال و ال10% الباقية عفشة

معلش مش واضحة النقطة ده (استعدال) قصد حضرتك ترصيص ولا.....

**walidabdelaziz** · 07-05-2010 12:11 AM

المشاركة الأصلية كتبت بواسطة hobaz

السلام عليكم ورحمة الله وبركاته

أنا ياجماعة في حوار حصلي وقولت ان محدش هيقدر يدلني غير اجدع ناس في نايل موتورز....

المشكلة ببساطة اني لما بكون ماشي على 20 او 30 بحس ان الكوتش في دبدبة بسيطة ولما اسرع بتختفي فمشعارف بقى ده عيب المفروض يبقى ايه مع العلم اني مرصص وزابط زوايا قدام....

انا خايف يكون مقص ولا حاجة من العفشة نظرا لجمال شوارعنا وربنا يستر....

العربية كورولا 94 والتعليق الخلفي مستقل....

بص على الكاوتش نفسه- مطرح ما انت سامع الصوت من بره وجوة -اى من الجانبين لان وارد يكون اخدت حفره جامده او عيون القطط (العواكس ) حاده اللى على الطريق وبالتالى يكون طأ من الجنب يبقى عامل زى البالونه صغيره

ده بيحصل فى الكاوتش الكومهو والبيريللى

**walidabdelaziz** · 07-05-2010 12:15 AM

بص على مسامير العجل كله وقرط عليها....

ساعات المشكله تبقى كبيره بس حلها بسيط

وعلى فكره لو المشكله عفشه فعلا هتلاقى العربيه تبقى تخبط معاك فى جميع الاحوال والاوقات وعلى اى سرعة

**hobaz** · 07-05-2010 12:20 AM

متشكر يا استاذ وليد وهحاول ازبط الكلام ده بكره الصبح باذن الله...

**aymanmaly** · 07-05-2010 12:29 AM

المشاركة الأصلية كتبت بواسطة hobaz

معلش مش واضحة النقطة ده (استعدال) قصد حضرتك ترصيص ولا.....

ولا ........
استعدال عند بتاع الجنوط الى فى مصر القديمة و بتتعرف بجهاز عامل زى عربية الاطفا بيرفع العجلة وهو فية حاجة بتلف و بيقى قاعد علية الفنى و الحاجة الى بتلف يجيبها على العجلة و منها بيعرف الجانط عايز استعدال و لا لأ