سوسو اتخبطت

**Ahmed Selim** · 08-05-2010 09:25 AM

ألف سلامة على سوسو و سوسو يا أبو سوسو

**أحمد علاء** · 08-05-2010 09:31 AM

المشاركة الأصلية كتبت بواسطة أحمد كمال

و سوسو بنتي كمان اتخبطت

اتقلبت وقعت من عالسرير و هي نايمة عشان انا قمت فمابقاش فيه حاجة تحوشها عن الوقوع

لسه راجع من الطوارئ ..... ادوها مخدر عشان تنام و عملنا اشعة مقطعية عالدماغ ..... كله تمام الحمد لله

هو كان يوم باين من اوله

قدر الله وما شاء فعل
ألف سلامة على الأمورة الصغيرة وربنا يحميها ويحفظها من كل سوء
والحمد لله على سلامتها.

**triton** · 09-05-2010 04:48 PM

المشاركة الأصلية كتبت بواسطة أحمد كمال

خبطة بسيطة

الرفرف الخلفي شمال فيه نقرة في الدوارية

و الرفرف نفسه من فوق اتطبق (بس تطبيقة واسعة تترد عالبارد)

الظريف اني مخنوق و متضايق اصلا النهاردة من قبل الموضوع فما فرقش معايا اساسا !!!!!!

لاول مرة عربيتي تتخبط و مش فارق معايا

سلام سلاح

فداك يا باشا .. المهم انت كويس

المشاركة الأصلية كتبت بواسطة momo10000

الف سلامة علي سوسو يا عم احمد ... الحمد لله انها علي جت علي قد كده ... اخوك برضه الاسبوع اللي فات ... كنت في العجمي .... صحيت ملقتش الرفرف اصلا !!!!!!

الف سلامه يا عم ايمن ... العين شغاله عليك

**miroscenic** · 10-05-2010 03:57 AM

ألف سلامة على السوسوتين
ربنا يخلي لك البنوتة العسولة .. ومعلش لو شقية شوية
أنا ابني ماكانش بينام لحد سنة ونص بعدها بدأ ياخد إيدنا ويروح على السرير لوحده
ثبت بس مسألة الدش الدافي، النور الهادي، الصوت الواطي قبل معاد النوم
وحاولوا تعودوها على أنها تنام بعيد عنكم علشان ماتتعذبوش زينا

بالنسبة لسوسو المخبوطة يا عيني باءا ألف سلامة عليها يا باشا
وربنا يبارك لك فيها بإذن الله